JAKOB 4:3 - KA BAIBL

³ Phi pan, te phim ïoh pdiang, naba phi pan bymdei, khnang ba phin ïoh pynlut keiñ ha kita ki jingkwah brai jong phi.

Khasi CL Bible (BSI)

³ Bad haba phi pan, phim ïoh ïa ka, namar ki jingthmu jong phi ki long kiba sniew; phi pan ïa kiei kiei ban pyndonkam na ka bynta ki jingsngewbha jong phi hi.

JAKOB 4:3 ပူးပေါင်းရင်းမြစ်များ

1 SYIEM 3:11

Te U Blei u la ong ïa u, “Namar ba me la pan ïa kane, bad ba mem shym la pan ïa lade ban im slem; lymne mem shym la pan ka spah ïa lade, lymne mem shym la pan ïa ka jingim ki nongshun jong me; hynrei, me la pan ïa lade ka jingshemphang ban sngewthuh ïa ka jingbishar;

Ka Kitab U Job 35:12

Hangta ki ïam, hynrei, ym don ba phai ktien, namar ka jingsarong ki briew bymman.

SALM 18:41

Ki la kyang, hynrei, ym don u ban pynim: ha U Trai keiñ, hynrei, um shym phai ktien ïa ki.

PROBERB 1:28

Hangta kin khot kyrpad ha nga, hynrei, ngan ym phai ktien; kin wad biang biang ïa nga, hynrei, kin ym shem ïa nga:

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

PROBERB 21:13

Jar uba set ïa la ki shkor na ka jinglynñiar jong u baduk, u ruh un lynñiar, hynrei, yn ym sngap ïa u.

PROBERB 21:27

Ka jingkñia jong u bymman ka long ka jingijli: sa katno lei lei haba u wallam ïa ka bad ka jingmut bymman!

JEREMAÏAH 11:11

Namar kata, kumne u ong U Trai, “Ha khmih, ngan wallam ïa ka jingsniew halor jong ki, kaba kin ym lah ban lait na ka; te kin lynñiar ha nga, hynrei, ngan ym sngap ïa ki.

JEREMAÏAH 11:14

“Namar kata, wat duwai na ka bynta kine ki briew, lymne wat pynmih ka jinglynñiar lymne ka jingduwai na ka bynta jong ki: namar ngan ym sngap ïa ki ha ka por ba ki lynñiar ha nga namar ka jingjynjar jong ki.

JEREMAÏAH 14:12

Haba ki shah jingit, ngan ym sngap ïa ka jinglynñiar jong ki; bad haba ki ainguh da ka jingainguh thang bad ka jingainguh bam, ngan ym pdiang sngewbha ïa ki: hynrei, ngan bam duh ïa ki da ka waitlam, bad da ka 'nemsniew, bad da ka jingïapkhlam.”

MIKAH 3:4

“Ynda kumta, kin ïam ha U Trai, hynrei, un ym phai ktien ïa ki: un buhrieh ïa la ka khmat na ki, pynban, ha kata ka por, kat kumba ki la leh sniew ha ki jingleh jong ki.

SEKHARAÏAH 7:13

Te ka la jia, ba kumba u la pyrta, bad ki kim sngap; kumta, ki kin pyrta, nga de ngan ym sngap,” la ong U Trai ki paid;

MATHAÏOS 20:22

U Jisu te u da ïathuh u la ong, “Phim tip ïa kaei ba phi pan. Phi lah ban dih na ka khuri na kaba nga ngan sa dih? bad ban pynbaptis ïa phi da kata ka jingbaptis da kaba la pynbaptis ïa nga?” Ki la ong ha u, “Ngi lah.”

MARKOS 10:38

Hynrei, U Jisu u la ong ha ki, “Phim tip kaei ba phi pan. Phi lah ban dih na kata ka khuri na kaba ngan sa dih, bad ba yn pynbaptis ïa phi ruh da kata ka jingbaptis da kaba yn sa pynbaptis ïa nga?”

LOUKAS 11:10

Naba baroh uba pan, u pdiang; bad jar uba wad, u shem; bad ïa uta uba tied, yn sa plie.

LOUKAS 15:13

Te ym bun sngi hadien kata, uta u khun uba kham poh u la lum lang ïa kiei kiei baroh, bad u la leit jingleit sha ka ri kaba jngai, bad hangta u la pynsyrwa noh ïa ka bynta jong u, ba u da leh sarong awria.

LOUKAS 15:30

Hynrei, haba la wan une u khun jong me, uba la bam duh ïa ka jingim jong me bad ki nuti, me la pynïap na ka bynta jong u ïa uta u khun masi ba la pynsngaid!’

JAKOB 4:1

Nangno ki wan ki jingïaleh thma, bad nangno ki jingïania hapdeng jong phi? Ym nangta hi, na kita ki jingkwah brai jong phi kiba ïaleh thma ha kita ki dkhot jong phi?

1 ÏOANNIS 3:22

Bad lada ngi pan ïa kaei kaei ruh, ngi pdiang na u, naba ngi sumar ïa ki hukum jong u, bad ngi ïai-leh ïa kita kiei kiei ruh ba pynsngewbha ha khmat jong u.

1 ÏOANNIS 5:14

Te kane ka long kata ka jingsngewshaniah kaba ngi don sha u, ba, lada ngi pan ïa kaei kaei ruh katba kum ka mon jong u, u sngew ïa ngi;