JAKOB 3:3 - KA BAIBL

³ Ha khmih, ngi buh ïa ki lakam ha ki shyntur ki kulai khnang ba kin kohnguh ïa ngi, ngi pynphai ruh ïa ka met jong ki baroh kawei.

Khasi CL Bible (BSI)

³ Ngi pyndait lakam ha ka shyntur jong u kulai lada ngi kwah ba un kohnguh ïa ngi, bad kumta ngi lah ban pynïaid ïa u kat shaba ngi mon.

JAKOB 3:3 ပူးပေါင်းရင်းမြစ်များ

2 SYIEM 19:28

Namar kaba me bitar pyrshah ïa nga, bad namar ba ka jingleh sarong jong me ka la wan kiew sha ki shkor jong nga, namar kata, ngan buh ïa u khwai jong nga ha ka khmut jong me, bad ïa u lakam jong nga ha ki rmiang shyntur jong me, bad ngan pynphai pat ïa me da ka lynti na kaba me la wan.

Ka Kitab U Job 41:13

Uei uba lah ban law noh ïa ka jaiñkup jong u? Uei u ban wan shapoh u lakam ar syrtap jong u?

SALM 32:9

Wat long kum u kulai, lane kum u khashor, ki bymdon ka jingsngewthuh: kiba ki jingriam jong ki, ki dei ban long u nar lakam bad u lakam ban synshar ïa ki, lym kumta, kim wan hajan jong me.

SALM 39:1

Nga la ong, “Ngan sumar ïa la ki lynti, ba ngan ym leh pop da la u thylliej: ngan sumar ïa la ka shyntur da u lakam, katba u bymman u don ha khmat jong nga.”

ISAÏAH 37:29

Na ka bynta ka jingbitar jong me ïa nga, bad namar ba ka jingleh meng jong me ka la wan kiew sha ki shkor jong nga, namar kata, ngan buh la u khwai ha ka khmut jong me, bad u lakam jong nga ha ki rmiang shyntur jong me, te ngan pynphai pat ïa me sha ka lynti kaba me la wan.

JAKOB 1:26

Lada uno uno ruh hapdeng jong phi u mut ba u long uba riewblei, haba um synshar ïa la u thylliej, hynrei, u da shukor noh ïa la ka dohnud, kata ka jinglong riewblei une u briew kaba thala thaleiñ.

JAKOB 3:4

Ha khmih ruh ïa ki lieng bah, la ki khraw katta katta, bad ba la beh ruh ïa ki da ki lyer bajur eh, pynban, la pynphai ïalam ïa ki da i boitha i barit eh, shano shano ruh katba mon ka jingthmu uba bat boitha.