JAKOB 3:2 - KA BAIBL

² Namar ha bun kiei kiei ngi jynthut baroh. Lada uno uno ruh um jynthut ha ka ktien, une u long u briew bajanai, uba lah ban synshar ïa ka met ruh baroh kawei.

Khasi CL Bible (BSI)

² Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.

JAKOB 3:2 ပူးပေါင်းရင်းမြစ်များ

1 SYIEM 8:46

“Lada kin leh pop ïa me, (naba ym don briew u bym ju leh pop,) bad men bitar bad ki, bad aiti noh ïa ki ha u nongshun, ba kumta un ring mraw ïa ki sha ka ri u nongshun, jngai ne hajan;

2 KHRONIKL 6:36

“Lada ki leh pop ïa me, (naba ym don u bym ju leh pop,) bad me bitar ïa ki, bad me ai noh ïa ki ha u nongshun, haduh ba u ring mraw ïa ki sha ka ri kaba jngai eh lane kaba jan;

Ka Kitab U Job 15:13

Ba me phai la ka mynsiem pyrshah ïa U Blei, bad ba me shah ban mih kiba kum kita ki ktien na la ka shyntur.

SALM 34:13

To sumar ïa la u thylliej na ka basniew, bad ïa ki rmiang shyntur jong me na kaba kren shukor.

SALM 39:1

Nga la ong, “Ngan sumar ïa la ki lynti, ba ngan ym leh pop da la u thylliej: ngan sumar ïa la ka shyntur da u lakam, katba u bymman u don ha khmat jong nga.”

PROBERB 10:19

Ha ka jingbun ki ktien ym ju duh ka jingryngkang: hynrei, uta uba khang ïa la ki rmiang shyntur u leh stad.

PROBERB 13:3

Uta uba sumar ïa la ka shyntur u ri ïa la ka jingim: hynrei, uba plie wang ïa la ki rmiang shyntur un ïoh ka jingjot.

PROBERB 20:9

Uei uba lah ban ong, “Nga la pynlong khuid ïa la ka dohnud, nga long khuid na la ka pop?”

PROBERB 21:23

Jar uba sumar ïa la ka shyntur bad ïa la u thylliej u sumar ïa la ka mynsiem na ki jingjynjar.

EKLESIASTIS 7:20

Da shisha, ym don u riewhok ha ka khyndew, uba leh bha, bad u bymleh pop.

ISAÏAH 64:6

Naba ngi baroh ngi la kylla long kum u bymkhuid, bad ki hok jong ngi baroh ki long kum ka jaiñ ba bit-tngit: ngi ïapstai noh baroh kum ka sla; te ki jingbymhok jong ngi, kum ka lyer, ki la rong noh ïa ngi.

LEBITIKOS 13:39

ynda kumta, u lyngdoh un khmih-ïit; bad ha khmih ruh, lada don ha ka snieh doh jong u ki jingthohbria ba lamïong phyrnai; kata ka long ka jingthohbria ba long ha ka snieh hi; u long u bakhuid.

MATHAÏOS 12:34

A phi ki khun ki ksiew ki bseiñ! Phi ki bymman, kumno phi lah ban kren ka babha? naba na ka jingshlei ka dohnud ba ka kren ka shyntur.

MATHAÏOS 12:37

Naba na ki ktien jong me yn pynksan ïa me, bad na ki ktien jong me yn pynrem ïa me.”

Ka Shithi U Paul Sha Ki Nong Rom 3:10

Kumba la thoh: “Ym don u bahok, em, ym don uwei ruh;

Ka Shithi U Paul Sha Ki Nong Rom 7:21

Nga shem te shaphang ka hukum, ba ha nga uba mon ban leh ïa ka babha, kata ka basniew ka don hi ha khmat.

1 KORINTH 9:27

hynrei, nga pynshitom khop ïa la ka met, bad nga ïalam mraw ïa ka keiñ; ïoh ba kumno re kumno, ynda la lah ïalap ha kiwei, ngan jia long ïa lade ïa uba la kyntait noh.

GALATIA 3:22

Hynrei, Ka Jingthoh ka la khang khop ïa kiei kiei baroh hapoh ka pop, ba yn ïoh ai ïa kata ka jingkular kaba na ka jingngeit ha U Jisu Khrist ha kita kiba ngeit.

GALATIA 5:17

Namar kata ka doh ka kwah marpyrshah ïa U Mynsiem, bad uta U Mynsiem marpyrshah ïa kata ka doh, namar kine ki ïamarpyrshah, katba phim ïoh leh ïa kita kiei kiei ïa kiba phi da mon.

KOLOSSAI 1:28

ïa uba ngi ïalap, da kaba sneng ïa u briew baroh bad da kaba hikai ïa u briew baroh ha ka jingstad baroh, ba ngin ïoh pynïeng ïa u briew baroh uba janai ha U Khrist Jisu;

KOLOSSAI 4:12

U Epaphras, uba long uwei na phi, u shakri U Khrist Jisu, u ai khublei ïa phi, u da ïaleh ha la ka sngi na ka bynta jong phi ha ki jingduwai jong u, ba phin ïoh ïeng janai bad ba la pynskhem bha ha ka mon U Blei baroh.

HEBRU 13:21

un pynjanai ïa phi ha ka jingleh babha baroh, ïa ka ban leh ïa ka mon jong u, da kaba trei ha phi ïa kata kaba pynsngewbha eh ha khmat jong u, da U Jisu Khrist; ha uba to long ka burom sha ki bymjukut ki bymjukut: Amen.

JAKOB 1:26

Lada uno uno ruh hapdeng jong phi u mut ba u long uba riewblei, haba um synshar ïa la u thylliej, hynrei, u da shukor noh ïa la ka dohnud, kata ka jinglong riewblei une u briew kaba thala thaleiñ.

JAKOB 1:4

Hynrei, kane ka jingïaishah, to ai kan ïoh ïa la ka jingtrei bajanai, ba phin ïoh long kiba janai bad kiba tylli biang, ki bymduna ha kaei kaei ruh.

JAKOB 2:10

Namar jar u ban sumar biang ïa ka hukum baroh kawei, hynrei, un jynthut tang ha iwei, u la jia long uba rem noh na ki baroh.

1 PETROS 3:10

Namar, “Jar uba mon ban ieit ïa ka jingim, bad ban ïohi ïa ki sngi babha, to un khang noh ïa u thylliej jong u na ka basniew, bad ïa ki rmiang shyntur jong u na ka ban kren ïa kaba shukor:

1 PETROS 5:10

Te U Blei ka jingaiei baroh, uba la khot ïa phi sha kata ka burom bymjukut jong u ha U Khrist, ynda phi la shah shitom khyndiat por, ma u hi keiñ, un da pynjanai ïa phi, un da pynskhem, un da pynshaitbor.