JAKOB 3:18 - KA BAIBL

¹⁸ Te ïa u soh ka hok la bet ha ka jingsuk ïa kita kiba pynïasuk.

Khasi CL Bible (BSI)

¹⁸ Bad ka jingbha ka long ka jingmih ba la pynmih na ki symbai kiba ki nongpynïasuk ki la bet ha ka jingsuk.

JAKOB 3:18 ပူးပေါင်းရင်းမြစ်များ

SALM 92:14

Kin sa nang sei soh haba ki la tymmen ruh; kin long kiba dap da ka khleiñ bad ka jingphuh:

PROBERB 11:18

U bymman u ïoh ïa ka bainong kaba shukor: hynrei, uta uba bet ïa ka hok u ïoh ka nong kaba skhem.

PROBERB 11:28

Uta uba shaniah ha la ka spah, un kyllon: hynrei, u bahok un roi kum ka sla ka bajyrngam.

PROBERB 11:30

U soh jong u bahok u long u dieng ka jingim; bad uta u bastad u pynngat ïa ki mynsiem.

HOSIA 10:12

Bet ha lade hi ïa ka hok, ot katba kum ka jingisynei; to puh ïa ka khyndew shrah jong phi: naba ka long ka por ban wad ïa U Trai, tad ynda u wan ban pynhap slap da ka hok ha phi.

AMOS 6:12

Ki kulai kin ïamareh halor u mawsiang? Yn lur mano mano hangta da ki masi dab? Naba phi la pynkylla umksang ïa ka jingbishar, bad u 'hur kthang ïa u soh ka hok:

MATHAÏOS 5:9

“Suk ki bapynïasuk: naba yn khot ïa ki, ‘ki khun U Blei.’

ÏOANNIS 4:36

Uta uba ot te u ïoh diang ïa ka bainong, bad u lum soh ïa ka jingim bymjukut, ba uta uba bet ruh un ïoh ïakmen lem bad uta uba ot.

GALATIA 6:8

Naba uta uba bet ha ka doh jong u hi, na kata ka doh un ïoh ot ïa kaba pyut; hynrei, uta uba bet ha U Mynsiem, na uta U Mynsiem un ïoh ot ïa ka jingim bymjukut.

PHILIPPI 1:11

kiba la pyndap da ki soh ka hok, kiba long da U Jisu Khrist, khnang ïa ka burom bad ka jingïaroh ïa U Blei.

HEBRU 12:11

Te ka jingsneng sympat baroh kam imat mynta ba ka long kaba kmen, hynrei, kaba sngewsih: pynban, hadien, ka pynmih ïa u soh basuk ha kita kiba la trei ma ka, u soh ka hok keiñ.

JAKOB 1:20

namar ka jingbitar u briew, kam ju pynlong ïa ka hok U Blei.