JAKOB 2:3 - KA BAIBL

³ bad lada phi khmih burom ha uta uba kup ïa kita ki jaiñkup ki babha, bad phi ong ha u, “Ma me to shong hangne ha ka jaka ka babha”; hynrei, phi ong ha uta u baduk, “To ïeng ma me hangtai, lane to shong hapoh kane ka jingïuh kjat jong nga”:

Khasi CL Bible (BSI)

³ Lada phi kham pyn-i burom ïa u briew uba riam bha bad phi ong ïa u, “To shong ha kane ka jaka shong kaba bha tam,” hynrei phi ong ïa u briew uba duk, “To ïeng hangtai, lane to shong hangne ha madan hajan ki kjat jong nga,”

JAKOB 2:3 ပူးပေါင်းရင်းမြစ်များ

PROBERB 18:23

U baduk u ïakyrpad: hynrei, u bariewspah u phai ktien da kaba eh.

ISAÏAH 65:5

uba ong, “To ïeng kyrpang, wat wan hajan jong nga, namar nga kham khuid ban ïa me:” kine ki long ka tdem ha ka khmut jong nga, ka ding kaba meh baroh shi sngi.

LOUKAS 23:11

Hynrei, u Herod bad ki shipai jong u ki la lehbeiñ ïa U, bad ki la pyrthuhbeiñ, bad haba ki la ïa-pynkup ka jaiñ batyngshain ha U, ki la phah noh pat ïa U sha u Pilat.

2 KORINTH 8:9

Namar phi ithuh ïa ka jingaiei U Jisu Khrist uba U Trai jong ngi; ba la u la long u bariewspah, pynban, u la wan long duk na ka bynta jong phi, khnang ban pynriewspah ïa phi da kata ka jingduk jong u.

JAKOB 2:2

Namar lada wan rung shapoh ka jingïaseng jong phi u briew uba deng ka sa'ti ksiar, ha ka jaiñkup babha, bad lada wan rung u baduk ha ki jaiñkup basyrdep jot;

JAKOB 2:6

Hynrei, ma phi pleng phi la ñiewbeiñ ïa uta u baduk. Hato kita ki bariewspah kim ban shitom ïa phi, bad kim ring ma ki hi ïa phi sha khmat ki khet bishar?

JUDAH 1:16

Kine ki long kiba ïakren khñium, kiba ud wad daw, kiba ïaid katba kum ki jingkwah brai jong ki hi; bad ka shyntur jong ki ka kren ïa kiei kiei ba at sarong, ki da ñiew shiliang khmat ïa ki briew na ka bynta ka jingmyntoi.