ÏOANNIS 8:7 - KA BAIBL

⁷ Hynrei, katba ki la dem kylli ïa u, haba u la pynïeng ïa lade, u la ong ha ki, “Uta uba khlem pop hapdeng jong phi, to un lynthem nyngkong ïa u maw ha ka.”

Khasi CL Bible (BSI)

⁷ Katba ki dang ïeng hangta bad kylli jingkylli ïa u, u la ïeng joit bad u la ong ha ki, “Uno uno na phi u bym shym la leh pop to ai ba un lynthem ïa u maw uba nyngkong ha ka.”

ÏOANNIS 8:7 ပူးပေါင်းရင်းမြစ်များ

PROBERB 12:18

Don kiba kren thurmur kum ki jingdung ka wait: hynrei, u thylliej jong u bastad u long ka jingkhiah.

JEREMAÏAH 23:29

“Hato ka ktien jong nga kam long kum ka ding?” ong U Trai; “bad kum u tyrnem uba pynlwet jin ïa u mawsiang?

ÏOANNIS 7:46

Kita ki shakri ki la ïathuh, “Ym ju don u briew uba la kren kat une u briew.”

ÏOANNIS 8:10

Te U Jisu haba u la pynïeng ïa lade, bad ba um ïohi ïano ïano ruh, hynrei, tang ïa kata ka briew, u la ong ha ka, “Ko briew, hangno kito ki nongmudui jong pha? ym don ba la pynrem ïa pha?”

ÏOANNIS 8:8

Pat ruh haba u la dem ha tbian, u la thoh ha ka khyndew.

KOLOSSAI 4:6

Ai ba ka jingkren jong phi ha la ka sngi kan long da kaba jali ja-um, ba la pynthiang da ka mluh, ba phin ïoh tip kumno phi dei ban ïa-pynphai ktien ha uwei pa uwei baroh.

JINGPYNPAW 1:16

Bad u la don ha ka kti kamon jong u hynñiew ki khlur; bad na ka shyntur jong u, ka da mih noh ka waitlam ba ar liang syrti banep; bad ka khmat jong u, ka la long kum haba ka sngi ka tyngshaiñ ha ka borbah jong ka.

JINGPYNPAW 19:15

Bad na ka shyntur jong u ka mih noh ka waitlam banep, bad da kata un da shoh ïa ki kynja bynriew: te un synshar ïa ki da u dieng synshar nar: bad u ïuh roit ïa ka jingtylliat umsoh ka jingshla ka jong ka jingbitar U Blei U Badonbor Baroh.

JINGPYNPAW 2:16

Namar kata, to kylla-ka-bamut; lymda kumta, nga wan kloi ha pha, bad ngan ïaleh thma ïa ki da ka waitlam ka shyntur jong nga.