ÏOANNIS 8:6 - KA BAIBL

⁶ Ki la ïa-ong ïa kane te ba ki da tynjuh ïa u, ba ki lah ban mudui ïa u. Hynrei, U Jisu haba u la dem ha tbian, u la thoh da la ka shynriah'ti ha ka khyndew.

Khasi CL Bible (BSI)

⁶ Ki la ong ïa kane ban riam ïa U Jisu, khnang ba ki lah ban mudui ïa u. Hynrei u la dem sha khyndew bad u la thoh ha madan da la ka shympriah kti.

ÏOANNIS 8:6 ပူးပေါင်းရင်းမြစ်များ

JENESIS 49:9

U Judah u long u khun sing: na ka jinglute, ko khun, me la wan kiew: u la dem, u la thiah kum u sing, bad kum ka sing kmie; uei u ban kyrsiew ïa u?

SALM 39:1

Nga la ong, “Ngan sumar ïa la ki lynti, ba ngan ym leh pop da la u thylliej: ngan sumar ïa la ka shyntur da u lakam, katba u bymman u don ha khmat jong nga.”

PROBERB 26:17

Uta uba shu ïaid najan, bad u pynshitom ïa lade ha ka jingïaleh ka bymdei ei ei ïa u, u long kum uba bat ïa u ksew na ki shkor.

EKLESIASTIS 3:7

ka por ban kad, bad ka por ban suh; ka por ban sngap jar, bad ka por ban kren;

JEREMAÏAH 17:13

A Trai, ka jingkyrmen ki Israel, baroh kiba lyndet ïa me kin lehrain; kita kiba iehnoh noh ïa nga yn thoh ïa ki ha ka khyndew, namar ba ki la lyndet ïa U Trai, ka umpohliew kaba im.

DANIEL 5:5

Ha kata hi ka por, ki la mihpaw ki shynriah'ti briew, bad ki la thoh marpyrshah ka dieng pynïeng sharak halor ka astor ka kynroh ka ïing u syiem: bad u syiem u la ïohi ïa kata ka bynta ka kti kaba la thoh.

AMOS 5:10

Ki shun ïa uba pynrem ha ka khyrdop, bad ki isih ïa uba kren hok.

AMOS 5:13

Namar kata, uta u basian un sngap jar kum ha kata ka por; naba ka long ka por ka basniew.

JINGKHEIÑ 14:22

Namar kita ki briew baroh kiba la ïohi ïa ka burom jong nga, bad ïa ki dak phylla jong nga ïa kiba nga la leh ha ka ri Ijipt, bad ha kata ka ri khlaw, bad kiba la pynshoi ïa nga kine shiphew sien, bad kim shym la shahshkor ruh ïa ka ktien jong nga;

MATHAÏOS 10:16

“Ha khmih, nga phah noh ïa phi kum ki langbrot hapdeng ki suri; namar kata, phin ïalong ki basian kum ki bseiñ, bad ki bajemnud kum ki paro.

MATHAÏOS 15:23

Hynrei, um shym jubab ha ka shikyntien ruh. Ki synran jong u te haba ki la ïawan hajan, ki la kyrpad ïa u, ki da ong, “To pyllait noh ïa ka, naba ka pyrta jam nadien jong ngi.”

MATHAÏOS 16:1

Haba ki Pharisi bad ki Saddusi ruh ki la ïawan hajan, ki da tynjuh ïa u, ki la ïapan ba un pyni ïa ka dak na bneng ha ki.

MATHAÏOS 19:3

Te ki Pharisi ki la ïawan ha u, ba ki da ïatynjuh ïa u, bad ki la kylli ïa u, “Ka bit ne em ïa u briew ban pyllait noh ïa ka tnga jong u na ka bynta kano kano ka daw baroh?”

MATHAÏOS 22:18

U Jisu te ba u la tip ïa ka buit bymman jong ki, u la ong, “Balei phi pynshoi ïa nga, phi kiba arsap?

MATHAÏOS 22:35

Uwei u riewsaid te uba na ki, khnang ban tynjuh ïa u, u la kylli,

MATHAÏOS 26:63

Hynrei, U Jisu u la shu sngap. Te u rangbah lyngdoh u da ïathuh u la ong ha U, “Nga pynsmai ïa me ha U Blei U Ba-im, ba men ïathuh ha ngi, la me long uba U Khrist, U Khun U Blei!”

MARKOS 10:2

Te don na ki Pharisi kiba la wan ha u, bad ki la kylli ïa u, “Ka bit ne em ïa u briew ban pyllait noh ïa la ka tnga?” ba ki ïatynjuh ïa u.

MARKOS 12:15

Hynrei, u, ba u ithuh ïa ka buit arsap jong ki, u la ong ha ki, “Balei phi tynjuh ïa nga? wallam ha nga ka shi suka, ba ngan ïohi ïa ka.”

MARKOS 3:2

Te ki la ïa-ap thap ïa U, lada un pynkhiah ïa u ha ka sngi Sabbaton; ba kin ïoh kem daw ïa U.

MARKOS 8:11

Te ki Pharisi ki la mih noh, bad ki la sdang ban ïakylli nia ïa u, ba ki ïawad na u ka dak na bneng, ki da ïatynjuh ïa u.

LOUKAS 10:25

Ha khmih ruh, uwei u riewsaid u la ïeng bad u la tynjuh ïa U, u da ong, “Ko Nonghikai, ngan leh aïu ba ngan ïoh ka jingim bymjukut?”

LOUKAS 11:16

Kiwei pat de, ba ki da tynjuh ïa U, ki la ïapan na U ïa ka dak na bneng.

ÏOANNIS 8:2

Te la dang step eh u la wan pat sha ka templ, bad u paidbah baroh u la wan ha U: bad haba U la shong, U la hikai ïa ki.

1 KORINTH 10:9

Lymne wat ai ba ngin ïatynjuh ïa U Trai, kumba kiba na kita ruh, ki la ïatynjuh ïa u, bad la pynjot noh khoit ïa ki da kita ki bseiñ.