ÏOANNIS 8:54 - KA BAIBL

⁵⁴ U Jisu u la ïathuh, “Lada nga pyndonburom ïa lade, ka burom jong nga kam long ei ei ruh em; U Kpa jong nga u long uba pyndonburom ïa nga; ïa uba phi, phi ong ba u long U Blei jong phi,

Khasi CL Bible (BSI)

⁵⁴ U Jisu u la jubab, “Lada nga wad burom ïa lade, kata ka burom kam dondor ei ei. Uta uba burom ïa nga u long U Kpa jong nga — uta ïa uba phi ong ba u dei U Blei jong phi.

ÏOANNIS 8:54 ပူးပေါင်းရင်းမြစ်များ

PROBERB 25:27

Kam long ka babha ban bam shibun ka ngap: kumta ba ki briew kin wad bniah ïa la ka jong ka burom kam long burom.

ISAÏAH 66:5

To sngap ïa ka ktien U Trai, phi kiba khynñiuh ha ka ktien jong u: “Ki para jong phi kiba shun ïa phi, kiba la shop noh shabar ïa phi na ka bynta ka kyrteng jong nga, ki la ong, ‘Ai ba yn pyndonburom ïa U Trai, ba ngin ïohi ïa ka jingkmen jong phi;’ ki, hynrei, kin sngewlehrain.

HOSIA 1:9

Te U Trai u la ong, “Khot kyrteng ïa u, ‘Lo-ammi’: namar phi phim long u paidlang jong nga, nga ruh ngan ym long U Blei jong phi.”

ÏOANNIS 17:1

Ïa kine kiei kiei ruh U Jisu u la kren; bad u la khmied la ki khmat sha bneng, bad u la ong, “Ko Kpa, kata ka por ka la jia; to pyndonburom ïa U Khun jong me, ba uta U Khun ruh un ïoh pyndonburom ïa me:

ÏOANNIS 17:5

Te mynta, ko Kpa, to pyndonburom ma me ïa nga lem bad ma lade, da kata ka burom kaba nga la don bad me, mynshuwa ba la long ka pyrthei.

ÏOANNIS 2:11

Ïa kane ka banyngkong na ki kambah jong u, U Jisu u la leh ha Kana Galilaïa, bad u la pynpaw ïa la ka burom; te ki synran jong u ki la ngeit ha u.

ÏOANNIS 5:41

Ngam pdiang ïa ka burom na ki briew.

ÏOANNIS 7:18

jar uba kren na lade, u wad ïa la ka jong ka burom: hynrei, jar uba wad ïa ka burom jong uta uba la phah ïa u, uta u long uba shisha, bad ka jingbymhok kam don ha u.

ÏOANNIS 7:39

(Hynrei, ïa kane u la kren shaphang U Mynsiem ïa uba kita kiba ngeit ha u kin sa pdiang: namar ym pat shym la ai ïa U Mynsiem Bakhuid, naba ym pat shym la pyndonburom ïa U Jisu.)

ÏOANNIS 8:41

Phi leh ma phi ïa ki jingleh jong u kpa jong phi.” Ynda kumta, ki la ïathuh ha u, “Ym shym la kha ïa ngi na kaba klim; ngi don uwei U Kpa, uba U Blei keiñ.”

ÏOANNIS 8:50

Nga te ngam wad ïa ka burom ka jong nga hi; don uba wad ïa ka, bad uba bishar.

KI KAM 3:13

U Blei u Abraham, bad u Isaak, bad u Jakob, U Blei ki kpa jong ngi, u la pyndonburom ïa U Khun jong U, U Jisu, ïa uba phi la aiti noh, bad phi la len ha khmat u Pilat, mynba u la lah thmu ban pyllait noh ïa U.

2 KORINTH 10:18

Namar ym uta uba shait ïaroh ïa lade uba long ba la pdiang hun, hynrei, uta ïa uba U Trai u ïaroh keiñ.

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.

1 PETROS 1:21

kiba ngeit da u ha U Blei, uba la pynmih pat ïa u na ki baïap, bad uba la ai ka burom ha u; ba kumta, kata ka jingngeit jong phi bad ka jingkyrmen kin ïoh long ha U Blei.

2 PETROS 1:17

Namar u la pdiang na U Blei uba U Kpa ïa ka jinglong burom bad ïa ka jingpyndonburom, mynba la wan kat kane ka ktien ha u na kata ka burom bakhraw batyngshaiñ eh: “Une u long u khun jong nga uba ieit ha uba nga sngewbha eh.”