ÏOANNIS 8:41 - KA BAIBL

⁴¹ Phi leh ma phi ïa ki jingleh jong u kpa jong phi.” Ynda kumta, ki la ïathuh ha u, “Ym shym la kha ïa ngi na kaba klim; ngi don uwei U Kpa, uba U Blei keiñ.”

Khasi CL Bible (BSI)

⁴¹ Phi leh ïa kaei kaba u kpa jong phi u la leh.” “Tang U Blei hi u dei U Kpa uba ngi don,” ki la jubab, “bad ngi long ki khun bashisha jong u.”

ÏOANNIS 8:41 ပူးပေါင်းရင်းမြစ်များ

EKSODOS 4:22

Bad men ong ha u Pharaoh, ‘Kumne u ong U Trai, u Israel u long u khun jong nga, uba kha nyngkong jong nga keiñ,

ISAÏAH 63:16

Namar me long u kpa jong ngi, la u Abraham um ithuh ïa ngi, bad u Israel um phla ïa ngi; me, ko Trai, me long U Kpa jong ngi; U Nongsiewspah jong ngi naduh bymjukut long ka kyrteng jong me.

ISAÏAH 64:8

Hynrei mynta, A Trai, me long U Kpa jong ngi; ngi long ka 'dewbyrtha, bad me u nongthaw khiew jong ngi; te ngi baroh ngi long ka kam ka kti jong me.

JEREMAÏAH 3:19

“ ‘Hynrei, nga la ong, “Kumno ngan buh ïa me hapdeng kita ki khun, bad ai ïa me ka ri basngewtynnad ka ri kynti kaba itynnad jong ki paidbah ki jaid bynriew?” Bad nga la ong, “Phin khot ïa nga, ‘ko Kpa jong nga’; bad phin ym phai noh na kaba bud ïa nga.

JEREMAÏAH 31:20

U Ephraim u long u khun ba-ieit jong nga? U long u khun uba itynnad? Namar katno katno sien ba nga kren pyrshah ïa u, nga shu dang kynmaw kyndiang ïa u: namar kata, la pynkhih ïa ki snier jong nga na ka bynta jong u; da shisha ngan isynei ïa u,” ong U Trai.

HOSIA 1:2

Haba U Trai u la kren ha kaba nyngkong bad u Hosia, U Trai u la ong ha u Hosia, “Khie leit, shim ha me ka tnga ki jingklim bad ki khun ki jingklim: namar ka ri ka klim shibun eh, ka da iehnoh ïa U Trai.”

MALAKHI 1:6

“U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?”

MALAKHI 2:11

U Judah u la shetkylla, bad la leh ïa ka jingijli ha Israel bad ha Jerusalem; naba u Judah u la pynsang ïa ka jingkhuid jong U Trai ïa uba u ieit, bad u la shongkurim ïa ka khun jong u blei nongwei.

ÏOANNIS 8:38

Nga, nga kren ïa kaba nga la ïohi bad U Kpa jong nga: kumta, phi ruh, phi leh ïa kaba phi la ïohsngew na u kpa jong phi.”

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

DEUTERONOMI 14:1

“Phi long ki khun U Trai uba U Blei jong phi: phin ym ot ïa lade, lymne wat khi hapdeng ki khmat jong phi na ka bynta kiba la ïap.

DEUTERONOMI 32:6

Kumne mo phi siew kylliang ïa U Trai, A u paidlang ba-bieit bad bymnang? um long ma U, U kpa jong me uba la siewspah ïa me? Um shym la thaw ïa me, bad la pynneh ïa me?

1 ÏOANNIS 3:12

ym kumba u Kain u la long na uta u basniew, bad u la pynïap noh ïa la u para. Te na ka balei u la pynïap noh ïa u? Naba ki jingleh jong u hi ki long ki basniew, hynrei, kita ki jong uta u para jong u ki bahok.