ÏOANNIS 8:16 - KA BAIBL

¹⁶ lada nga bishar ruh, kata ka jingbishar jong nga ka long kaba shisha; namar ngam long marwei, hynrei, ma nga bad uta U Kpa uba la phah ïa nga.

Khasi CL Bible (BSI)

¹⁶ Hynrei lada nga dei ban leh kumta, ka jingbishar jong nga kan long kaba shisha, namar ngam long marwei ha kane; U Kpa uba la phah ïa nga u long bad nga.

ÏOANNIS 8:16 ပူးပေါင်းရင်းမြစ်များ

SALM 98:9

ha khmat U Trai, naba u wan ïa ka ban bishar ïa ka khyndew: un bishar ïa ka pyrthei da ka hok, bad ïa ki kynja bynriew da ka jingbeit.

SALM 99:4

Ka bor jong u syiem ka ieit ruh ïa ka jingbishar; me, me pynskhem ïa ka jingbeit, me leh ïa ka jingbishar bad ka hok ha u Jakob.

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

ÏOANNIS 16:32

Ha khmih ka por ka jia, shisha ka la jia mynta, ba yn pynsakma ïa phi uwei pa uwei sha la ka jong ka jong, bad phin iehnoh ïa nga marwei: hynrei, pynban, ngam long marwei, naba uta U Kpa u don lem bad nga.

ÏOANNIS 8:29

Te uta uba la phah ïa nga, u long lem bad nga; uta U Kpa um shym la iehnoh marwei ïa nga; naba ha la ka sngi nga leh ïa kiei kiei ruh kiba pynsngewbha ïa u.”

KI KAM 17:31

naba u la buh ka sngi ha kaba un sa bishar ïa ka pyrthei ha ka hok da uta u briew ïa uba u la thung; shaphang kata, u la ai ka jingpynskhem ha ki briew baroh, da kaba u la pynmih pat ïa u na ki baïap.”

JINGPYNPAW 19:11

Bad nga la ïohi ïa ka bneng ba la plie, bad ha khmih ka kulai balieh; bad ïa uta uba shong halor jong ka la khot U Baïaineh bad U Bashisha; bad ha ka hok, u bishar bad u ïaleh thma.

1 SAMUEL 16:7

Hynrei, U Trai u la ong ha u Samuel, “Wat khmih ïa ka khmat jong u, lymne ïa ka jingjrong ka rynïeng jong u, namar nga la kyntait ïa u: naba U Blei um ju khmih kumba khmih u briew; naba u briew u ïohi tang ïa ka dur kaba shabar, hynrei, U Trai u ïohi ïa ka dohnud.”