ÏOANNIS 7:4 - KA BAIBL

⁴ namar ym don uba leh ïa kaei kaei ruh ha kaba rieh, bad ba u hi u wad ïa ka ban long ha kaba paw shynna. Lada me leh ïa kine kiei kiei ruh, to pynpaw ïa lade ha ka pyrthei.”

Khasi CL Bible (BSI)

⁴ Ym don mano mano ba buhrieh ïa kaei kaba u leh lada u kwah ba kiwei kin tip. Naba me leh ïa kine kiei kiei, to ai ba ka pyrthei baroh kawei kan tip shaphang jong me!”

ÏOANNIS 7:4 ပူးပေါင်းရင်းမြစ်များ

1 SYIEM 22:13

Te uta u briew uba leit khot ïa u Mikaïah u la kren ha u, u da ong, “Ha khmih mynta, ki ktien ki nongïathuhlypa ki pyni ka babha ha u syiem da kawei ka shyntur: nga kyrpad ïa me, ai ba ka ktien jong me ruh kan long kum ka ktien jong uwei na ki, bad me ruh to kren ïa ka babha.”

MATHAÏOS 23:5

Hynrei, ïa ki jingleh jong ki baroh, ki leh khnang ïa ka ban ïohi da ki briew: namar ki pynpyiar ïa la ki philakteri, bad ki pynkhraw ïa ki rmiang ki jaiñ jong ki,

MATHAÏOS 4:6

bad u la ong ha U, “Lada me long U Khun U Blei, to pynnoh ïa lade; naba la thoh: “ ‘Un ai hukum ïa ki angel jong u shaphang jong me’: “bad “ ‘kin rah ïa me ha ki kti jong ki, ba ïoh kumno kumno me jynthut ïa la ka kjat ha u maw.’ ”

MATHAÏOS 6:16

“Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

MATHAÏOS 6:5

“Haba me duwai ruh, wat long kum ki nongarsap: naba ki ieit ban ïeng kyrpad ha ki synagog bad ha ki dong ki lad, ba kin ïoh pynpaw ha ki briew. Shisha nga ong ha phi, ki la ïoh ïa la ka nong.

LOUKAS 6:45

U briew u babha u sei ïa ka babha na ka jingkynshew ka babha ka dohnud jong u: u briew uba bymman ruh u sei ïa ka bymman na ka jingkynshew kaba bymman ka dohnud jong u; naba na ka jingshlei ka dohnud, ka shyntur jong u ka kren.

ÏOANNIS 18:20

U Jisu u la ïathuh ha u, “Nga, nga la kren ha kaba paw shynna ha ka pyrthei; nga, nga la hikai ha la ka sngi ha ka synagog bad ha ka templ, ha kaba ki Jiw baroh ki ju ïaseng; bad ha kaba rieh ngam shym kren ei ei ruh em.

ÏOANNIS 7:3

Namar kata, ki para jong u ki la ïa-ong ha u, “To kynriah noh nangne, bad to khie leit sha Judia, ba ki synran jong me ruh kin ïoh khmih ïa ki jingleh jong me ïa kiba me leh:

ÏOANNIS 7:5

(Namar wat ki para jong u kim shym la ngeit ha u).