ÏOANNIS 7:3 - KA BAIBL

³ Namar kata, ki para jong u ki la ïa-ong ha u, “To kynriah noh nangne, bad to khie leit sha Judia, ba ki synran jong me ruh kin ïoh khmih ïa ki jingleh jong me ïa kiba me leh:

ÏOANNIS 7:3 ပူးပေါင်းရင်းမြစ်များ

JENESIS 37:20

To ïa mynta, namar kata ngin ïa-pynïap noh ïa u, bad ngin ïabred ïa u ha kawei ka thliew um bad ngin ïathuh, uwei u mrad u basniew u la bam duh ïa u: ynda kumta, ngin ïakhmih yn long aïu na ki jingphohsniew jong u.”

JEREMAÏAH 12:6

Naba wat ki para jong me, bad ka ïing u kpa jong me, kita hi keiñ ki la ïashetkylla ïa me; kita hi ruh ki la pyrta jam nadien jong me: wat ngeit ïa ki, la ki kren da ki ktien ki babha ïa me.”

MATHAÏOS 12:46

Haba u dang kren ha kita ki paidbah, ha khmih, ka kmie jong u bad ki hynmen hynbew jong u ruh ki ïaïeng shabar, ba ki ïakwah ban ïakren bad u.

MARKOS 3:21

Te haba ki kur jong u ki la bna, ki la leit noh ban bat ïa u, naba ki la ong, “Um tipbriew shuh.”

MARKOS 3:31

Haba kumta te, ki hynmen hynbew jong u bad ka kmie jong u ruh ki la wan; bad haba ki la ïeng shabar, ki la phah ha u, ba ki da khot noh ïa u.

LOUKAS 8:19

Te ka kmie bad ki hynmen hynbew jong u ki la wan ha u, hynrei, kim lah ban wan hajan jong u namar uta u paidbah.

LOUKAS 8:20

La ïathuh te ha u, “Ka kmie jong me bad ki hynmen hynbew jong me ki ïaïeng habar, ki da kwah ban ïohi ïa me.”

ÏOANNIS 2:2

La khot ruh ïa U Jisu, bad ïa ki synran jong u de, sha kata ka jingkhawai shongkurim.

ÏOANNIS 6:60

Namar kata, shibun na ki synran jong u haba ki la ïohsngew, ki la ïa-ong, “Kane ka long ka ktien kaba eh than! uei ba lah ban sngap ïa u?”

ÏOANNIS 6:66

Naduh kata, shibun na ki synran jong u ki la ïakylla dien noh, bad kim ïaleit lem shuh bad u.

ÏOANNIS 7:10

Hynrei, ynda kita ki para jong u ki la ïaleit kiew, hadien kata u hi ruh u la leit kiew sha kata Ka Jingkhawai Niam, ym ha kaba paw, hynrei, kumba ha kaba rieh.

ÏOANNIS 7:4

namar ym don uba leh ïa kaei kaei ruh ha kaba rieh, bad ba u hi u wad ïa ka ban long ha kaba paw shynna. Lada me leh ïa kine kiei kiei ruh, to pynpaw ïa lade ha ka pyrthei.”

ÏOANNIS 7:5

(Namar wat ki para jong u kim shym la ngeit ha u).

KI KAM 2:14

Hynrei, haba u Petros u la ïeng lem bad ki khatwei ngut, u la pynjam la ka ktien, bad u la ïathuh ha ki: “Ko phi ki rangbah Judia, bad phi baroh kiba shong ha Jerusalem, to phin tip ïa kane, bad to shahshkor ïa ki ktien jong nga:

1 SAMUEL 17:28

Te u Eliab u hynmen nyngkong jong u, u la ïohsngew haba u la kren ha kita ki briew; bad ka jingbitar u Eliab ka la meh lep ïa u Dabid, bad u la ong, “Me la wan hiar shane balei? bad me la iehnoh badno ïa kita ki khyndiat ki langbrot ha ka ri khlaw? Nga ithuh ïa ka jingsarong jong me, bad ïa ka jingrunar ka dohnud jong me; namar me la wan hiar khnang tang ba men ïohi ïa ka thma.”