ÏOANNIS 7:16 - KA BAIBL

¹⁶ U Jisu u la ïathuh ha ki, bad u la ong, “Ka jinghikai jong nga kam long ka jong nga, hynrei, ka jong uta uba la phah ïa nga;

Khasi CL Bible (BSI)

¹⁶ U Jisu u la jubab, “Kaei kaba nga hikai kam dei na ka jinghikai jong nga hi, hynrei ka wan na U Blei, uba la phah ïa nga.

ÏOANNIS 7:16 ပူးပေါင်းရင်းမြစ်များ

ÏOANNIS 14:10

Mem ngeit ba nga, nga long ha U Kpa, bad uta U Kpa ha nga? Kita ki ktien ïa kiba nga kren ma nga ha phi, ngam kren na lade; hynrei, uta U Kpa uba shongneh ha nga, u hi u leh ïa ki jingleh jong u.

ÏOANNIS 14:24

Uta u bymieit ïa nga, um sumar ïa ki ktien jong nga; bad kata ka ktien ïa kaba phi ïohsngew kam long ka jong nga hi, hynrei, ka jong uta U Kpa uba la phah ïa nga.

ÏOANNIS 17:14

Ïa kata ka ktien jong me nga, nga la aiti ha ki; kata ka pyrthei te ka la shun ïa ki, naba kim long na ka jong ka pyrthei, kumba nga ngam long na ka jong ka pyrthei.

ÏOANNIS 17:8

namar kita ki ktien kiba me la ai ha nga, nga la aiti ha ki, ki te ki la pdiang; bad ki tip shisha ba nga la mih noh na me, bad ki la ïangeit ba la phah ma me ïa nga.

ÏOANNIS 3:11

Shisha, shisha nga ong ha me, ba ïa kata kaba ngi ïatip, ngi ïakren, bad ïa kaba ngi la ïohi, ngi ïaphla; hynrei, phim pdiang satia ïa ka jingphla jong ngi.

ÏOANNIS 3:31

Uta uba wan na jrong, u long halor baroh: uta uba long na ka jong ka khyndew, u long na ka jong ka khyndew, bad ïa ka jong ka khyndew u kren: uta uba wan na bneng u long halor baroh:

ÏOANNIS 5:30

“Nga ngam lah ban leh ei ei ruh em na lade hi; kumba nga ïohsngew, nga bishar: bad kata ka jingbishar jong nga ka long ka bahok; naba ngam wad ïa ka mon ka jong nga hi, hynrei, ïa ka mon U Kpa uba la phah ïa nga.

ÏOANNIS 6:44

Ym don uba lah ban wan ha nga, lymda U Kpa uba la phah ïa nga un da pynwan ïa u: bad nga ngan pynmih pat ïa u ha ka sngi ka bakhatduh.

ÏOANNIS 8:28

namar kata, U Jisu u la ong ha ki, “Ynda phi la kyntiew ïa U Khun u briew, hangta phin ithuh ba nga, nga long ma u, bad ba ngam leh ei ei ruh em na lade hi; hynrei, kat kumba U Kpa jong nga u la hikai ïa nga, ïa kita kiei kiei ruh nga ïathuh.

2 ÏOANNIS 1:9

Uwei pa uwei baroh uba ïalam phrang bad u bymïaineh ha ka jinghikai U Khrist, um don U Blei; uta uba ïaineh ha kata ka jinghikai, uta keiñ, u don U Kpa ruh bad U Khun.

JINGPYNPAW 1:1

Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u,