ÏOANNIS 7:12 - KA BAIBL

¹² Te la don shibun ka jingïakren pasiaw shaphang jong u hapdeng ki paidbah. Don kiba la ïa-ong, “U long u babha”: kiwei pat de ki la ïa-ong, “Em, hynrei, u shukor ïa u paidbah.”

Khasi CL Bible (BSI)

¹² Ka la don ka jingïa-pasiaw kaba jur shaphang jong u hapdeng u paidbah. “U long u briew uba bha,” don kiba la ong. “Em,” kiwei ki la ong, “u ïalam bakla ïa ki briew.”

ÏOANNIS 7:12 ပူးပေါင်းရင်းမြစ်များ

MATHAÏOS 10:25

La biang ïa u synran ba un long kum u nonghikai jong u, ïa u shakri ruh kum u kynrad jong u. Lada ki la khot ‘Belsebul’ ïa u trai ïing, kaba katno tam ba kin ïakhot sin ïa kita kiba na ka ïing jong u!

MATHAÏOS 21:46

Haba ki ïawad dong te ban kem ïa u, ki la sheptieng ïa ki paidbah, naba ki la ñiew ïa u kum u nongïathuhlypa.

MATHAÏOS 27:63

ki ïa-ong, “Ko kynrad, ngi kynmaw ba uta u bashukor u la ong mynba u dang im, ‘Ynda la lai sngi ngan mihpat.’

LOUKAS 18:19

U Jisu te U la ong ha u, “Balei ba me khot babha ïa nga? ym don u babha, hynrei, tang uwei, uba U Blei keiñ.

LOUKAS 23:47

Te haba u rangbah shispah u la ïohi ïa kaei ba la leh, u la ïaroh ïa U Blei, u da ong, “Da shisha une u briew u la long u bahok.”

LOUKAS 23:50

Ha khmih ruh, u briew uba kyrteng “u Joseph”, uba long u myntri, u briew u babha bad bahok;

LOUKAS 6:45

U briew u babha u sei ïa ka babha na ka jingkynshew ka babha ka dohnud jong u: u briew uba bymman ruh u sei ïa ka bymman na ka jingkynshew kaba bymman ka dohnud jong u; naba na ka jingshlei ka dohnud, ka shyntur jong u ka kren.

LOUKAS 7:16

Ka jingsheptieng te ka la ngat ha ki baroh; bad ki la ïaroh ïa U Blei, ki da ong, “U nongïathuhlypa u bakhraw u la mih hapdeng jong ngi, bad U Blei u la wan-i ïa la ki briew.”

ÏOANNIS 6:14

Ynda kita ki briew ki la ïohi ïa kata ka kambah ïa kaba U Jisu u la leh, ki la ïa-ong, “Une u long shisha uta u nongïathuhlypa u ban sa wan ha ka pyrthei.”

ÏOANNIS 7:32

Ki Pharisi ki la ïohsngew ïa uta u paidbah ba u ïakren pasiaw ïa kine kiei kiei ruh shaphang jong U; te kita ki Pharisi bad ki rangbah lyngdoh ki la ïaphah ïa ki shakri dorbar, ba kin kem ïa U.

ÏOANNIS 7:47

Kita ki Pharisi te ki la ïathuh ha ki, “Ïa phi ruh la shukor?

ÏOANNIS 7:52

Ki la ïathuh bad ki la ong ha u, “Me ruh me long na Galilaïa? To ïit, to khmih ruh, ba u nongïathuhlypa um mih na Galilaïa.”

ÏOANNIS 9:16

Ynda kumta, kiba na kita ki Pharisi ki la ïa-ong, “Une u briew um long na U Blei, naba um sumar ïa ka sngi Sabbaton.” Kiwei pat ki la ïa-ong, “Kumno u briew u bapop u lah ban leh ïa ki kambah kat kine?” Kumta, la don ka jingïaprat ktien hapdeng jong ki.

KI KAM 11:24

naba u la long u briew u babha, bad uba dap da U Mynsiem Bakhuid, bad da ka jingngeit. Te shibun u paidbah la pynïasoh ha U Trai.

Ka Shithi U Paul Sha Ki Nong Rom 5:7

Namar ym ju don eh u ban ïap ïapli ïa u bahok; hynrei, lehse don u ban da nud wat ban ïap ïapli ïa u babha sbun.

PHILIPPI 2:14

To leh ïa kiei kiei baroh khlem ki jingkhñium bad ki jingïania;