ÏOANNIS 7:1 - KA BAIBL

¹ Te hadien kine kiei kiei ruh, U Jisu u la ïaid kylleng ha Galilaïa: namar um mon ban ïaid ha Judia, naba ki Jiw ki la ïawad ban pynïap noh ïa u.

Khasi CL Bible (BSI)

¹ Hadien kane, U Jisu u la nang ïaid ha ka Galilaïa; um shym kwah ban leit sha Judia, namar ba ki nongsynshar jong ki Jiw hangta ki la ïakwah ban pynïap ïa u.

ÏOANNIS 7:1 ပူးပေါင်းရင်းမြစ်များ

MATHAÏOS 10:23

Hynrei, haba ki ïabehbeiñ ïa phi ha kawei ka shnong, to ïaphet sha kawei pat: naba shisha nga ong ha phi, ba phin ym pat lah pyndep ïa ki shnong ki Israel, tad ynda un wan U Khun u briew.

MATHAÏOS 21:38

Hynrei, haba kita ki nongsumar bri ki la ïohi ïa uta u khun, ki la ïa-ong paralok hi, ‘Une u ban sa long u trai ka brisoh; ïa ngin ïa-pynïap noh ïa u, ngin ïashim ruh ïa ka bynta jong u.’

MARKOS 11:18

Ki nongthoh bad ki rangbah lyngdoh te ki la ïohsngew ïa kata, bad ki la ïawad dong kumno ba kin pynïap noh ïa U, namar ki la sheptieng ïa U. Hynrei, u paidbah baroh u la kyndit thred na ka jinghikai jong U.

ÏOANNIS 1:19

Kane te ka long ka jingphla u Ïoannis, mynba ki Jiw ki la ïaphah na Jerusalem ïa ki lyngdoh bad ki Lebi ban kylli ïa u, “Me long uei?”

ÏOANNIS 4:3

u la iehnoh ïa ka Judia, bad u la leit pat sha Galilaïa.

ÏOANNIS 4:54

Ïa kane pat ka kambah ka ba-ar U Jisu u la leh, hadien ba u la wan na Judia sha Galilaïa.

ÏOANNIS 6:1

Hadien kine kiei kiei ruh, U Jisu u la leit noh sha shiliang ka duriaw Galilaïa, kaba long ka duriaw Tiberias ruh.

ÏOANNIS 7:11

Ynda kumta, kita ki Jiw ki la ïawad ïa u ha kata Ka Jingkhawai Niam, bad ki la ïakylli, “Hangno uta u don?”

ÏOANNIS 7:13

Hynrei, ym don ba kren ha kaba paw shaphang jong u, namar ka jingsheptieng ïa ki Jiw.

ÏOANNIS 7:19

Hato u Moses um shym la ai ïa ka hukum ha phi? pynban, ym don na phi ba leh ïa kata ka hukum. Balei phi ïawad ban pynïap noh ïa nga?”

ÏOANNIS 7:25

Ynda kumta, kiwei na ki nong Jerusalem ki la ïa-ong, “Une um long uta uba ki ïawad ban pynïap noh?

ÏOANNIS 7:35

Namar kata, kita ki Jiw ki la ïa-ong paralok hi, “Shano une un sa leit, ba ngi ngin ym shem shuh ïa u? un sa leit sha kata ka jingwir hapdeng ki Grik, ïa ka ban hikai ruh ïa kita ki Grik?

ÏOANNIS 8:37

Nga tip ba phi long u symbai u Abraham; hynrei, phi ïawad ban pynïap noh ïa nga, naba ka ktien jong nga kam ïoh jaka hapoh jong phi.

ÏOANNIS 8:40

hynrei, mynta, phi ïawad ban pynïap noh ïa nga, u briew uba la ïathuh ïa kaba shisha ha phi, ïa kaba nga la ïohsngew na U Blei. Ïa kane u Abraham um shym leh.

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.