ÏOANNIS 6:9 - KA BAIBL

⁹ “Don uwei u khynnah hangne, uba don san tylli ki kpu Barli, bad ar tylli ki dohkha; hynrei, kita ki long aïu hapdeng katne katne?”

Khasi CL Bible (BSI)

⁹ “Don uwei u khynnah hangne uba don san tylli ki kpu barli bad ar tylli ki dohkha. Hynrei kine kin ym pat biang na ka bynta kine ki briew baroh.”

ÏOANNIS 6:9 ပူးပေါင်းရင်းမြစ်များ

1 SYIEM 4:28

U Kew Barli ruh bad u skum ïa ki kulai bad ïa ki dromedari ki ju wallam ha ka jaka ba kita ki rangbah ki la ïadon, u briew baroh katba shong ka kam jong u.

2 SYIEM 7:1

Te u Elisha u la ong, “To sngew phi ïa ka ktien U Trai: ‘Kumne ong U Trai, Lashai kum ha kane ka por, shi shang u 'purew ni yn die shi shekel, bad ar shang u Barli shi shekel, ha ka khyrdop Samaria.’ ”

SALM 147:14

U pynlong ka jingsuk ha ki phang jong pha; u pyndap ïa pha da u Kew u babha tam.

SALM 78:19

Shisha, ki la kren pyrshah ïa U Blei; ki la ong, “Hato U Blei u lah ban khreh ka miej ha ri khlaw?

SALM 78:41

Bad ki la phai pat bad ki la pynshoi ïa U Blei, bad ki la kynshuiñ ïa U Bakhuid jong ki Israel.

SALM 81:16

Un da la bsa ïa ki ruh da u Kew u babha tam: bad ngan da la pynkdang ïa me da ka ngap na u mawsiang.”

ESEKIEL 27:17

Ka Judah, bad ka ri Israel, ki la long ki mahajon jong pha: ki la ïapeiñ bad ka jingkhaïi jong pha da u Kew Minnith, bad da ki 'pu mithai, bad da ka ngap, bad da ka umphniang, bad da ka Balm.

MATHAÏOS 14:17

Ki te ki ong ha u, “Ngi don hangne sa tang san tylli ki kpu, bad ar tylli ki dohkha.”

MATHAÏOS 16:9

Phim pat sngewthuh, lymne phim kynmaw ïa kita ki san tylli ki kpu jong kita san hajar, bad katno tukri phi la ïakhar ruh?

MARKOS 6:38

U ong te ha ki, “Katno tylli ki kpu phi don? Khie leit khmih.” Haba ki la tip, ki ong, “San, bad ar tylli ki dohkha.”

MARKOS 8:19

Mynba nga la kdiah ïa ki san tylli ki kpu ha kita san hajar, dap katno tukri na kiba lwet phi la ïakhar?” Ki ong ha u, “Khat-ar.”

LOUKAS 9:13

Hynrei, u la ong ha ki, “To ai ma phi ha ki ban bam.” Te ki la ong, “Ngim don tam ïa san tylli ki kpu, bad ar tylli ki dohkha; lymda ngi leit thied jingbam ïa une u paidlang baroh.”

ÏOANNIS 11:21

Ynda kumta, ka Martha ka la ong ha U Jisu, “Ko Trai, lada me la don hangne, u para jong nga un ym da la ïap:

ÏOANNIS 11:32

Te ka Mari ynda ka la poi sha kaba U Jisu u la don, bad ka la ïohi ïa u, ka la dem ngon ha ki kjat jong u, ka da ong ha u, “Ko Trai, lada me la don hangne, u para jong nga un ym da la ïap.”

ÏOANNIS 21:10

U Jisu u ong ha ki, “To wallam na kita ki dohkha ïa kiba phi la ngat myntan.”

ÏOANNIS 21:13

Ynda kumta, U Jisu u wan, bad u shim ïa uta u kpu, bad u sam de ha ki, bad ïa ka dohkha ruh kumjuh.

ÏOANNIS 21:9

Te katba ki la ïahiar ha ryngkew, ki la ïohi hangta ïa ka ding rnga ba la buh, bad ïa ki dohkha ba la buh halor, bad ïa u kpu de.

ÏOANNIS 6:11

Te U Jisu u la shim ïa kita ki kpu, bad ynda u la lah nguh, u la sam ha ki synran, kita ki synran de ha kita kiba shong: kumjuh ruh ïa kita ki dohkha, katba ki ïamon.

ÏOANNIS 6:7

U Philip u la ïathuh ha U, “Arspah suka u kpu un ym dap ïa ki, ba kin ïaïoh wat mar mar khyndiat.”

2 KORINTH 8:9

Namar phi ithuh ïa ka jingaiei U Jisu Khrist uba U Trai jong ngi; ba la u la long u bariewspah, pynban, u la wan long duk na ka bynta jong phi, khnang ban pynriewspah ïa phi da kata ka jingduk jong u.

DEUTERONOMI 32:14

ka makhon ki masi, bad ka dud ki langbrot, lem bad ka khleiñ ki khun langbrot, bad ki langbrot shynrang na ki kynja Bashan, bad ki blang ruh, lem bad ka babha jong u Kew; bad ïa ka um basngur u soh Waiñ me la dih.

DEUTERONOMI 8:8

ka ri u Kew bad u Kew Barli, bad ki dieng soh Waiñ bad ki dieng soh Dumbur bad ki dieng soh Pong, ka ri ka dieng umphniang Olib, bad ka ngap;

JINGPYNPAW 6:6

Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”