ÏOANNIS 6:1 - KA BAIBL

¹ Hadien kine kiei kiei ruh, U Jisu u la leit noh sha shiliang ka duriaw Galilaïa, kaba long ka duriaw Tiberias ruh.

Khasi CL Bible (BSI)

¹ Hadien kane, U Jisu u la leit sha shiliang ka duriaw Galilaïa (ïa kaba ju la khot ruh, ka duriaw Tiberias).

ÏOANNIS 6:1 ပူးပေါင်းရင်းမြစ်များ

JINGKHEIÑ 34:11

Te kata ka pud, kan hiar naduh Shepham haduh Riblah, shaphang mihngi na Ain, bad kata ka pud, kan noh arsut, bad kan kot ruh haduh ka rud ka duriaw Khinnereth shaphang mihngi:

MATHAÏOS 15:29

Te haba U Jisu u la leit noh nangta, u la wan hajan ka duriaw Galilaïa; haba u la kiew ruh sha u lum, u la shong hangta.

MATHAÏOS 4:18

Haba U Jisu u ïaid harud ka duriaw Galilaïa, u la ïohi ar ngut shipara, u Simon ïa uba khot “u Petros”, bad u Andriw u para jong u, ba ki dang ïabred ïa ka jar ha kata ka duriaw; naba ki ju long ki nongtong dohkha.

LOUKAS 5:1

Ka la jia te, katba uta u paidbah u la ïatur sha U ïa ka ban ïohsngew ïa ka ktien jong U Blei, ba U hi U ïeng harud ka pung Gennesaret.

ÏOANNIS 21:1

Hadien kine kiei kiei ruh, U Jisu u la pynpaw ïa lade pat ha ki synran, harud ka duriaw Tiberias; te kumne U la pynpaw ïa lade.

ÏOANNIS 6:23

hynrei, la poi kiwei pat ki lieng na Tiberias hajan kata ka jaka ha kaba ki la ïabam ïa uta u kpu, hadien ba U Trai u la lah nguh:

ÏOANNIS 7:1

Te hadien kine kiei kiei ruh, U Jisu u la ïaid kylleng ha Galilaïa: namar um mon ban ïaid ha Judia, naba ki Jiw ki la ïawad ban pynïap noh ïa u.

ÏOANNIS 9:10

Ynda kumta, ki la ïakylli ïa u, “Kumno la pynpeit ïa ki khmat jong me?”

JOSHUA 12:3

bad naduh ka ri madan haduh ka duriaw Khinneroth, shaphang mihngi, bad haduh ka duriaw ka madan, ka Duriaw Mluh keiñ, shaphang mihngi, ka lynti sha Beth-jeshimoth; bad shaphang shathie, harum ki ranab Piskah: