ÏOANNIS 5:4 - KA BAIBL

⁴ Namar u angel haba dei u la ju leit hiar ha kata ka pung sum, bad u la ju pynkhih ïa ka um: ynda kumta, jar uba la leit hiar nyngkong hadien ka jingkhih jong kata ka um, u la ïoh khiah noh na kano kano ruh ka jingpang kaba u la ju don.

Khasi CL Bible (BSI)

⁴ Ki da ap ïa ka jingkhih jong ka um, namar u angel U Trai hateng hateng u ju hiar sha kata ka pungsum ban pynkhih ïa ka um. Ïa u nongpang uba nyngkong uba hiar ha ka pungsum hadien ba la pynkhih ïa ka um la pynkhiah na kano kano ka jingpang kaba u don.

ÏOANNIS 5:4 ပူးပေါင်းရင်းမြစ်များ

2 SYIEM 5:10

U Elisha te u la phah u nonglam-ktien ha u, u da ong, “Khie leit sum ha Jordan hynñiew sien, bad ka doh jong me kan wan biang ha me, bad men long khuid.”

SALM 119:60

Nga la pynkloi, bad ngam shym pyntud, ïa ka ban rakhe ïa ki hukum jong me.

PROBERB 6:4

Wat ai thiah ïa la ki khmat, lymne ka jingsamthiah ïa la ki irmat.

PROBERB 8:17

Nga ieit ïa kita kiba ieit ïa nga; bad kita kiba wad biang biang ïa nga kin shem ïa nga.

EKLESIASTIS 9:10

Kaei kaei baroh ba ka kti jong me ka shem ban leh, leh ïa kata da la ka borbah; namar ym don ka kam, lymne buit, lymne ka jingtip, lymne ka jingstad, ha ka jingtep, sha kaba me leit.

ESEKIEL 47:8

Te u la ong ha nga, “Kine ki um ki mih noh sha ka ri mihngi, bad kin tuid arsut sha ka Arabah: bad kin nang tuid shaphang ka duriaw; sha ka duriaw keiñ ki um ïa kiba la pynmih noh kin ïatuid; bad ïa ki um yn pynbha.

HOSIA 13:13

Ka jingkhuslai ka kynthei ba suhkhun kan wan halor jong u: u long u khun u bymstad; namar ka la biang ka por ba un ym ap shuh ha ka jaka ba kha ïa ki khun.

SEKHARAÏAH 13:1

“Ha kata ka sngi, kan long ka pukri um ba la tih ïa ka ïing u Dabid bad ïa ki nong Jerusalem, ïa ka pop bad ka jingbymkhuid.

SEKHARAÏAH 14:8

“Bad ha kata ka sngi, ki um kiba im kin mih noh na Jerusalem; shiteng jong ki shaphang ka duriaw mihngi, bad shiteng shaphang ka duriaw sepngi: mynlyiur bad myntlang ruh kan long.”

MATHAÏOS 11:12

Te naduh ki sngi u Ïoannis u Nongpynbaptis haduh mynta, la ïaknieh ïa ka hima ki bneng, bad kiba ïaknieh ki shim ïa ka da ka bor.

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

LOUKAS 13:24

“To pyneh ban bsut lyngba ïa ka khyrdop kaba khim; naba shibun, nga ong ïa phi, kin ïawad ban bsut hapoh, te kim ym lah.

LOUKAS 16:16

“Ka Hukum bad Ki Nongïathuhlypa ki la long haduh u Ïoannis: naduh kata ka por la ïalap ïa ka gospel ka hima U Blei, bad u briew baroh u rung jubor hapoh jong ka.

ÏOANNIS 5:3

Ha kine, la ju thiah bun bah ki bapang, ki bamatlah, ki ba-dkoh, ki bapang ïapshiliang, ba ki da ïa-ap ïa ka jingkhih jong kata ka um.

ÏOANNIS 5:5

Te la don hangta uwei u briew, uba la don ka jingpang, laiphew phra snem.

ÏOANNIS 5:7

Uta u bapang u la ïathuh ha U, “Ko Kynrad, ngam don briew u ban buh ïa nga ha kata ka pung sum, haba la pynkhih ïa ka um; hynrei, katba nga dang wan, uwei pat u leit hiar ha shuwa jong nga.”

1 KORINTH 6:11

Bad don na phi kiba la ju long kum kita: hynrei, la sait ïa phi, hynrei, la pynkhuid ïa phi, hynrei, la pynksan ïa phi ha ka kyrteng U Jisu Khrist uba U Trai bad da U Mynsiem U Blei jong ngi.

1 ÏOANNIS 1:7

hynrei, lada ngi ïaid ha kata ka jingshai kumba u long ma u ha kata ka jingshai, ngi don ka jingïasyllok lem paralok hi, bad ka snam U Jisu U Khun jong u ka pynkhuid ïa ngi na ka pop baroh.