ÏOANNIS 5:23 - KA BAIBL

²³ ba baroh kin burom ïa U Khun, kumjuh kumba ki burom ïa U Kpa. Uta u bymburom ïa U Khun, um burom ïa U Kpa uba la phah ïa u.

Khasi CL Bible (BSI)

²³ Uno uno u bym burom ïa U Khun um burom ïa U Kpa uba la phah ïa u.

ÏOANNIS 5:23 ပူးပေါင်းရင်းမြစ်များ

SALM 2:12

To doh ïa u khun, ïoh un bitar, bad ba phi ïap duh noh ha ka lynti, naba ka jingbitar jong u kan sa meh kloi. Suk kita baroh kiba shaniah ha u.

ISAÏAH 42:8

Nga long U Trai; kata ka long ka kyrteng jong nga: te ïa la ka burom ngan ym ai ha uwei pat, lymne ïa la ka jingïaroh ha ki bleithaw.

ISAÏAH 44:6

Kumne u ong U Trai, U Syiem u Israel, bad u Nongsiewspah jong u, U Trai ki paid: “Nga, nga long u banyngkong, bad nga, nga long u bakhatduh; bad nalor jong nga ym don Blei shuh.

ISAÏAH 45:15

Shisha me, me long U Blei uba buhrieh ïa lade, A Blei ki Israel, U Nongpynim.

ISAÏAH 45:21

To pynbna, bad to sei noh ïa ka; ho-oid, to kin ïasylla lang: uei ba la pyni ïa kane naduh mynhyndai? Uei ba la pynbna ïa ka naduh mynbarim? Ym ma nga U Trai? Te ym don shuh U Blei nalor jong nga; U Blei bahok bad u nongpynim; ym don nalor jong nga.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

MATHAÏOS 10:37

Uta uba ieit ïa u kpa lane ka kmie nalor jong nga, ym dei ïa u ban ïoh ïa nga; bad uta uba ieit ïa u khun lane ïa ka khun nalor jong nga, ym dei ïa u ban ïoh ïa nga.

MATHAÏOS 11:27

Kiei kiei baroh la ai ha nga na U Kpa jong nga: ym don ruh uba ithuh ïa U Khun, hynrei, tang U Kpa; lymne uba ithuh ïa U Kpa, hynrei, tang U Khun, bad uta ha uba uta U Khun u mon ban pynpaw ïa u.

MATHAÏOS 12:21

te ha ka kyrteng jong u ki Jentil kin ïakyrmen.”

MATHAÏOS 15:8

“ ‘Kine ki briew ki wan hajan jong nga da ka shyntur jong ki, bad ki burom ïa nga da ki rmiang shyntur jong ki, hynrei, ka dohnud jong ki ka jngai noh na nga:

MATHAÏOS 28:19

namar kata keiñ, to khie da leit noh ma phi, to pynlong synran ïa ki bynriew baroh, da pynbaptis ïa ki ha ka kyrteng ka jong U Kpa, bad ka jong U Khun, bad ka jong U Mynsiem Bakhuid,

LOUKAS 10:16

“Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

ÏOANNIS 14:1

“Wat khih khuslai na ka dohnud jong phi: to ngeit phi ha U Blei, to ngeit ha nga ruh.

ÏOANNIS 16:14

Un pyndonburom ïa nga, naba un shim na ka jong nga, bad un pynpaw ha phi.

ÏOANNIS 17:10

Kiei kiei baroh ki jong nga ki long ki jong me ruh, bad kiei kiei ruh ki jong me ki long ki jong nga ruh; te la pyndonburom ïa nga ha ki.

Ka Shithi U Paul Sha Ki Nong Rom 1:7

Ha kita baroh kiba ha Rom kiba ieit ki jong U Blei, ba la khot ban long ki riewkhuid: Long ka jingaiei ha phi bad ka jingsuk na U Blei uba U Kpa jong ngi bad na U Jisu Khrist U Trai.

Ka Shithi U Paul Sha Ki Nong Rom 15:12

Pat ruh, u Isaïah u ong, “Yn sa long u thied u jong u Jesse, bad uta u ban sa mih ban synshar ïa ki Jentil; ha u keiñ, ki Jentil kin ïakyrmen.”

Ka Shithi U Paul Sha Ki Nong Rom 6:22

Hynrei, mynta, ba la pyllait noh ïa phi na ka pop, bad ba la pynlong shakri ïa phi ha U Blei, phi ïoh kheit ïa u soh jong phi sha ka jingpynkhuid, bad ka bakut kan long ka jingim bymjukut keiñ.

Ka Shithi U Paul Sha Ki Nong Rom 8:9

Hynrei, ma phi phim long ha ka doh, hynrei, ha U Mynsiem, lada U Mynsiem U Blei u shong sah hapoh jong phi. Hynrei, lada uno uno ruh um don U Mynsiem U Khrist, uta keiñ, um long u jong U.

1 KORINTH 1:3

Long ka jingaiei ha phi bad ka jingsuk na U Blei uba U Kpa jong ngi bad na U Jisu Khrist uba U Trai.

1 KORINTH 10:31

Namar kata, lada phi bam ne lada phi dih, ne lada phi leh ei ei ruh, to leh phi ïa kiei kiei baroh ïa ka ban pyndonburom ïa U Blei.

1 KORINTH 16:22

Lada uno uno ruh u bymieit ïa U Jisu Khrist uba U Trai, to un long anathema! Maranatha!

1 KORINTH 6:19

Hato phim tip ba kata ka met jong phi ka long ka ïingshong U Mynsiem Bakhuid uba hapoh jong phi, ïa uba phi la ïoh na U Blei, bad ba phim long la ki jong hi?

2 KORINTH 1:9

shisha, ngi la don ha lade hi ka jingrai ban ïap, khnang ba ngin ym shaniah satia ha lade hi, hynrei, ha U Blei uba pynmih pat ïa ki baïap;

2 KORINTH 13:14

Ka jingaiei U Jisu Khrist uba U Trai, bad ka jingieit U Blei, bad ka jingïasyllok U Mynsiem Bakhuid, to kin long lem bad phi baroh.

2 KORINTH 5:14

Namar ka jingieit U Khrist ka pynleh ïa ngi, da kaba ngi la kut jingmut kumne, ba lada uwei u la ïap na ka bynta baroh, kumta, kita baroh ki la ïap keiñ;

2 KORINTH 5:19

kata ka long, ba U Blei u dang pynïasuk ïa ka pyrthei ha lade hi ha U Khrist, khlem da ñiew ha ki, ïa ki jingpalat jong ki; bad ba u la buhti ha ngi ïa ka ktien kane ka jingpynïasuk.

EPHESOS 6:24

Ka jingaiei to kan long lem bad kita baroh kiba ïa-ieit ïa U Jisu Khrist U Trai jong ngi ha ka jingsngur. Amen.

2 TIMOTHI 1:12

Namar kane ka daw, nga shah ruh ïa kine kiei kiei: pynban, ngam sngewlehrain; namar nga la ithuh ïa uta ha uba nga la ngeit, bad nga ngeit skhem ba u long uba lah ban da ïa kata kaba nga la aiti ha u hamar kata ka sngi.

HEBRU 1:6

Bad mynba u wallam ïa uba la kha nyngkong sha ka pyrthei, u ong: “Bad to ai ba ki angel U Blei baroh kin ïamane ïa u.”

2 PETROS 1:1

U Simon Petros, u shakri bad u apostol U Jisu Khrist, Ha kita kiba la ïoh ïa ka jingngeit bakordor ryngkat bad ka jong ngi, da ka hok U Blei bad U Nongpynim jong ngi U Jisu Khrist:

2 PETROS 3:18

Hynrei, to phin nang roi ha ka jingaiei bad ka jingtip ïa U Trai bad U Nongpynim jong ngi U Jisu Khrist. Ha u, to yn long ka burom mynta ruh bad haduh ka sngi ka bymjukut: Amen.

1 ÏOANNIS 2:23

Uwei pa uwei baroh uba len noh ïa U Khun, um don ruh ïa uta U Kpa: uta uba phla ïa U Khun, u don uta U Kpa ruh.

2 ÏOANNIS 1:9

Uwei pa uwei baroh uba ïalam phrang bad u bymïaineh ha ka jinghikai U Khrist, um don U Blei; uta uba ïaineh ha kata ka jinghikai, uta keiñ, u don U Kpa ruh bad U Khun.