ÏOANNIS 5:10 - KA BAIBL

¹⁰ Namar kata, ki Jiw ki la ïa-ong ha uta uba la ïoh khiah, “Ka long ka Sabbaton: ka bymdei ïa me ban rah ïa la ka jingthiah.”

Khasi CL Bible (BSI)

¹⁰ Kane ka la jia ha ka sngi Sabbaton, kumta ki nongsynshar jong ki Jiw ki la ong ïa uta u briew uba la ïohkhiah, “Kane ka dei ka sngi Sabbaton, bad ka long pyrshah ïa ka Hukum jong ngi ïa me ban rah ïa la ka jingthiah.”

ÏOANNIS 5:10 ပူးပေါင်းရင်းမြစ်များ

ISAÏAH 58:13

“Lada men phai noh ïa la ka sla'jat na ka Sabbaton, na kaba leh ïa la ka jingsngewbha ha ka sngi bakyntang jong nga; bad men khot ruh ïa ka Sabbaton ‘ka jingsngewbha,’ bad ka bakyntang jong U Trai ‘kaba donburom;’ bad men burom ïa ka, khlem da leh ïa la ki jong ki lynti, lymne wad ïa la ka jong ka jingsngewbha, lymne kren ïa la ki jong ki ktien:

JEREMAÏAH 17:21

kumne u ong U Trai; “To sumar ïa lade, bad wat kit jingkit ha ka sngi Sabbaton, lymne wat wallam shapoh ïa ka na ki khyrdop ka Jerusalem;

JEREMAÏAH 17:27

Hynrei, lada phin ym sngap ïa nga, ïa ka ban pynkyntang ïa ka sngi Sabbaton, bad ban ym kit jingkit bad rung na ki khyrdop ka Jerusalem ha ka sngi Sabbaton; te ngan tbeh ka ding ha ki khyrdop jong ka, bad kan bam duh ïa ki ïingpaki ka Jerusalem, bad yn ym pynlip ïa ka.”

MATHAÏOS 12:10

Ha khmih ruh, la don u briew uba don ka kti ka baïap. Te ki la kylli ïa u, ki da ong, “Ka bit ne em ban pynkhiah ha ka sngi Sabbaton?” ba kin ïakem daw ïa u.

MARKOS 2:24

Ki Pharisi te ki la ong ha u, “Ha khmih, balei ba ki leh ïa ka bymdei ha ka sngi Sabbaton?”

MARKOS 3:4

Te U ong ha ki, “Ka bit ïa ka ban leh bha ha ka sngi Sabbaton, lane ban leh sniew? ïa ka ban pynim ïa ka jingim, lane ban pynïap?” Hynrei, ki la sngap jar.

LOUKAS 13:14

Hynrei, u nongsynshar ka synagog ba u da sngewbitar eh, namar ba U Jisu u la lah pynkhiah ha ka Sabbaton, u la ïathuh bad u la ong ha u paidbah, “Don hynriew sngi ha kiba ki briew ki dei ban trei jingtrei; ha kita namar kata, to wan ba yn pynkhiah ïa phi, te ym ha ka sngi Sabbaton.”

LOUKAS 23:56

Ynda ki la ïaleit phai pat te, ki la ïa-pynkhreh ïa ki jingiwbih bad ïa ki jingsleh; hynrei, ha ka Sabbaton ki la shong sngi, katba kum ka hukum.

LOUKAS 6:2

Te kiba na ki Pharisi ki la ong, “Balei phi leh ïa kaba ym dei ban leh ha ka sngi Sabbaton?”

ÏOANNIS 1:19

Kane te ka long ka jingphla u Ïoannis, mynba ki Jiw ki la ïaphah na Jerusalem ïa ki lyngdoh bad ki Lebi ban kylli ïa u, “Me long uei?”

ÏOANNIS 5:11

U te u la ïathuh ha ki, “Uta uba la pynkhiah ïa nga, uta u la ong keiñ ha nga, ‘To rah ïa la ka jingthiah, to ïaid ruh.’ ”

ÏOANNIS 5:15

Uta u briew u la leit noh, bad u la ïathuh ha kita ki Jiw, ba U long U Jisu uba la pynkhiah ïa u.

ÏOANNIS 5:16

Namar kata te, kita ki Jiw ki la ïalehbeiñ ïa U Jisu, bad ki la ïawad dong ïa ka ban pynïap noh ïa U, naba U la leh ïa kine kiei kiei ruh ha ka Sabbaton.

ÏOANNIS 7:23

lada u briew u pdiang ïa ka jingotsher ha ka sngi Sabbaton, ba yn ym pynkheiñ ïa kata ka hukum u Moses, phi bitar lep ïa nga, naba nga la pynkhiah phar ïa u briew ha ka sngi Sabbaton?

ÏOANNIS 9:16

Ynda kumta, kiba na kita ki Pharisi ki la ïa-ong, “Une u briew um long na U Blei, naba um sumar ïa ka sngi Sabbaton.” Kiwei pat ki la ïa-ong, “Kumno u briew u bapop u lah ban leh ïa ki kambah kat kine?” Kumta, la don ka jingïaprat ktien hapdeng jong ki.