ÏOANNIS 4:34 - KA BAIBL

³⁴ U Jisu u ong ha ki, “Ka jingbam jong nga, ka long ba ngan ïoh leh ïa ka mon ka jong uta uba la phah ïa nga, bad ba ngan ïoh pyndep ïa ka kam jong u.

Khasi CL Bible (BSI)

³⁴ “Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

ÏOANNIS 4:34 ပူးပေါင်းရင်းမြစ်များ

Ka Kitab U Job 23:12

Ngam shym phai dien na ki hukum ki rmiang shyntur jong u nga la kham kynshew ïa ki ktien ka shyntur jong u; ban ïa la ka jingbam ba-donkam.

SALM 40:8

Nga sngewbha ban leh ïa ka mon jong me, A U Blei jong nga; bad ka hukum jong me ka don ha ka dohnud jong nga.”

MATHAÏOS 26:39

Haba u la leit sha shuwa khyndiat, u la dem da pyllup bad u la duwai, u da ong, “Ko Kpa jong nga, lada don lad, to ai ba kane ka khuri kan ïohlait noh na nga. Pynban, ym kumba nga mon ma nga, hynrei, tang kumba me mon.”

MATHAÏOS 3:15

U Jisu te u la ïathuh bad U la ong ha u, “To shah mynta: naba kumne keiñ ka long kaba dei ïa ngi ban pyndep ïa ka hok baroh.” Ynda kumta, u la shah ïa u.

MATHAÏOS 9:19

U Jisu te haba u la ïeng, U la bud ïa u, lem bad ki synran jong U de.

LOUKAS 15:10

Kumta, nga ong ïa phi, ba ka jingkmen ka long ha khmat ki angel U Blei na ka bynta uwei u bapop uba kylla-ka-bamut.”

LOUKAS 19:10

Naba U Khun u briew u la wan ïa ka ban wad bad ban pynim ïa kaba la jah noh.”

LOUKAS 2:49

U te u la ong ha ki, “Balei ba phi ïawad ïa nga? Phim shym tip ba ka dei ïa nga ban long shaphang kiei kiei ruh ki jong U Kpa jong nga?”

ÏOANNIS 17:4

Nga, nga la pyndonburom ïa me ha ka pyrthei: nga la pyndep ïa kata ka kam ïa kaba me la ai ha nga ba ngan leh.

ÏOANNIS 19:28

Hadien kane, haba U Jisu u tip ba la pyndep mynta ïa kiei kiei baroh, ba yn ïoh pyndep ïa Ka Jingthoh, u ong, “Nga sliang.”

ÏOANNIS 19:30

Te mynba U Jisu u la shim ïa kata ka bajew, u la ong, “La pyndep:” bad haba u la noh lyngngeh ïa la ka khlieh, u la aiti noh ïa la ka mynsiem.

ÏOANNIS 4:32

Hynrei, u la ong ha ki, “Nga, nga don ka jingbam ban bam, ïa kaba phi phim tip.”

ÏOANNIS 5:30

“Nga ngam lah ban leh ei ei ruh em na lade hi; kumba nga ïohsngew, nga bishar: bad kata ka jingbishar jong nga ka long ka bahok; naba ngam wad ïa ka mon ka jong nga hi, hynrei, ïa ka mon U Kpa uba la phah ïa nga.

ÏOANNIS 5:36

Hynrei, ma nga, nga don ka jingphla kaba kham khraw ïa ka jong u Ïoannis; namar kita ki jingleh ïa kiba U Kpa u la aiti ha nga ba ngan ïoh pyndep ïa ki, kita kijuh hi ki jingleh kiba nga leh, ki ïaphla shaphang jong nga, ba uta U Kpa u la phah ïa nga.

ÏOANNIS 6:33

namar u kpu u jong U Blei u long uta uba wan hiar na bneng, bad uba ai ka jingim ha ka pyrthei.”

ÏOANNIS 6:38

Naba nga la wan hiar na bneng, ym ba ngan ïoh leh ïa ka mon ka jong nga hi, hynrei, ïa ka mon ka jong uta uba la phah ïa nga.

ÏOANNIS 8:29

Te uta uba la phah ïa nga, u long lem bad nga; uta U Kpa um shym la iehnoh marwei ïa nga; naba ha la ka sngi nga leh ïa kiei kiei ruh kiba pynsngewbha ïa u.”

KI KAM 20:35

Ha kiei kiei baroh, nga la pyni rukom ha phi, ba da kaba trei minot kumta, ka dei ban shan bor ïa ki batlot, bad ban kynmaw ïa ki ktien U Trai Jisu ba u hi u la ong, ‘Ka kham suk ban ai ban ïa kaba pdiang.’ ”

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.