ÏOANNIS 4:23 - KA BAIBL

²³ Hynrei, ka por ka jia, bad ka long mynta keiñ, haba ki nongïamane Blei kiba shisha kin ïamane ïa U Kpa ha ka mynsiem bad ha kaba shisha; naba U Kpa ruh u wad ïa kiba kum kita ban ïamane ïa u.

Khasi CL Bible (BSI)

²³ Hynrei ka por ka poi bad ka la lah long mynta, haba ha ka bor jong U Mynsiem U Blei ki briew kin mane ïa U Kpa kumba u long hi, da kaba ai ha u ïa ka jingmane kaba shisha kaba u dawa.

ÏOANNIS 4:23 ပူးပေါင်းရင်းမြစ်များ

1 KHRONIKL 29:17

Nga tip ruh, A U Blei jong nga, ba me tynjuh ïa ka dohnud, bad ba me sngewbha ha ka jingbeit. Ma nga te, da la ka jingbeit ka dohnud nga la ainguh sngewbha ïa kine kiei kiei baroh: bad mynta nga la ïohi da ka jingkmen ïa ki briew jong me, kiba don mynta hangne, ba ki ainguh sngewbha ha me.

SALM 147:11

U Trai u sngewbha ha kita kiba sheptieng ïa u, ha kita kiba kyrmen ha ka jingisynei jong u.

SALM 17:1

To sngap ïa kaba hok, A Trai, to sngew ïa ka jingkyang jong nga; to shahshkor ïa ka jingduwai jong nga, kaba mih ym na ki rmiang shyntur ki bashukor.

SALM 32:2

Suk uta u briew uba U Trai um ñiew shuh ïa ka jingbymhok ha u, bad uba ha ka mynsiem jong u ym don ka jingshukor.

SALM 51:6

Ha khmih, me kwah ïa ka jingshisha ha kaba shapoh; bad ha ka bynta kaba rieh men pynlong ba ngan tip ïa ka jingstad.

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

JINGRWAI SOLOMON 2:14

Ko ka paro jong nga, kaba don ha ki snur ki mawsiang, ha ka synrang jaka riat, ai ba ngan ïohi ïa ka khmat jong pha, ai ngan ïohsngew ïa ka jingsawa jong pha; namar ka jingsawa jong pha ka long kaba thiang, bad ka khmat jong pha ka long kaba itynnad.

ISAÏAH 10:20

Te ha kata ka sngi, ita i bynta ba dang sah jong u Israel, bad kita kiba ïohlait im jong ka ïing u Jakob, kin ym shaniah shuh ha uta uba la shoh ïa ki; hynrei, kin shaniah ha U Trai, uta U Bakhuid jong ki Israel, ha kaba shisha.

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

ISAÏAH 43:21

ïa une u paidlang ba nga la pynlong na ka bynta ïa lade, ba kin ïalap ïa ka jingïaroh jong nga.

ISAÏAH 58:2

Pynban, ki wad ïa nga ha la ka sngi, bad ki sngewbha ban tip ïa ki lynti jong nga: kum ka jaid bynriew ba la ju leh hok, bad bym ju la iehnoh ïa ka rukom U Blei jong ki, ki ïakylli na nga ïa ki rukom bahok, ki sngewbha ban wan hajan U Blei.

JEREMAÏAH 3:10

La kumta ruh ka para bashetkylla jong ka, ka Judah kam shym la phai ha nga da ka dohnud jong ka baroh, hynrei, da kaba arsap,” ong U Trai.

JEREMAÏAH 4:2

bad men smai, ‘Katba im U Trai,’ ha ka jingshisha, ha ka jingbishar, bad ha ka hok; bad ki jaid bynriew kin kyrkhu ïa lade ha u, bad ha u kin sngewsarong.”

ESEKIEL 22:30

Bad nga la wad ïa u briew napdeng jong ki, u ban pynïeng ka jingker, bad u ban ïeng ha ka jingpra ha khmat jong nga na ka bynta ka ri, ba ngan ym pynjot ïa ka: hynrei, ngam shem satia.

ÏOANNIS 1:17

Naba ïa Ka Hukum la ai da u Moses; hynrei, ka jingaiei bad ka jingshisha ki la wan da U Jisu Khrist.

ÏOANNIS 12:23

U Jisu u la ïathuh te ha ki, u da ong, “Kata ka por ka la jia, ba yn pyndonburom ïa U Khun u briew.

ÏOANNIS 16:2

Kin kyntait noh ïa phi na ki synagog; shisha ka por ka jia, ba uno uno ruh uba pynïap noh ïa phi, un mut ba u ainguh ha U Blei.

ÏOANNIS 16:32

Ha khmih ka por ka jia, shisha ka la jia mynta, ba yn pynsakma ïa phi uwei pa uwei sha la ka jong ka jong, bad phin iehnoh ïa nga marwei: hynrei, pynban, ngam long marwei, naba uta U Kpa u don lem bad nga.

ÏOANNIS 4:21

U Jisu u ïathuh ha ka, “Ko ka briew, to ngeit ïa nga, ba ka por ka jia, haba phin ym ïamane ïa U Kpa halor une u lum, lymne ha Jerusalem.

ÏOANNIS 5:25

“Shisha, shisha nga ong ha phi, ba ka por ka jia, bad ka long mynta keiñ, haba ki baïap kin ïohsngew ïa ka jingpyrta ka jong U Khun U Blei: te kita kiba ïohsngew, kin ïoh im.

ÏOANNIS 5:28

Wat sngewkyndit ïa kane; naba ka por ka jia, ha kaba kita baroh kiba ha ki jingtep, kin ïohsngew ïa ka jingpyrta jong u,

Ka Shithi U Paul Sha Ki Nong Rom 1:9

Namar U Blei u long u sakhi jong nga, ïa uba nga shakri ha ka mynsiem jong nga ha ka gospel ka jong U Khun jong u, ba khlem da pud nga pynlong ka jingkynmaw shaphang jong phi,

Ka Shithi U Paul Sha Ki Nong Rom 8:15

Namar phim shym la pdiang ïa ka mynsiem ka jinglongmraw pat ïa ka ban sheptieng; hynrei, phi la pdiang ïa U Mynsiem ka jingtingkhun, da uba ngi ïaïam kyrpad, Abba! ko Pa!

Ka Shithi U Paul Sha Ki Nong Rom 8:26

Kumjuh de, U Mynsiem ruh u ïarap lem ïa ka jingtlot jong ngi; namar ïa kaei ngin duwai kat ka ban dei biang, ngim tip shuh; hynrei, shisha uta U Mynsiem hi u kyrpad na ka bynta jong ngi ha ki jingud hir hir ki bym lah ong.

GALATIA 4:6

Te naba phi long ki khun, U Blei u la phah ïa U Mynsiem U Khun jong u ha ki dohnud jong ngi, u da kyang, “Abba, ko pa!”

EPHESOS 6:18

da kaba duwai ha la ka sngi da ka jingduwai bad ka jingkyrpad baroh ha U Mynsiem, bad da kaba sumar shaphang kane da ka jingminot bad ka jingkyrpad baroh na ka bynta ki riewkhuid baroh;

PHILIPPI 3:3

Namar ngi keiñ, ngi long kata ka jingotsher, kiba mane da U Mynsiem U Blei, bad kiba leh kmen ha U Khrist Jisu, bad ki bymshaniah ha ka doh.

JOSHUA 24:14

“Mynta namar kata, to sheptieng ïa U Trai, bad to shakri ïa u ha ka jingjanai bad ha ka jingshisha: bad to iehnoh ïa kita ki blei kiba ki kpa jong phi ki la ïashakri sha shiliang kata ka Wah, bad ha Ijipt; bad to shakri phi ïa U Trai.

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u:

1 SAMUEL 12:24

Tang ba phin sheptieng ïa U Trai, bad shakri ïa u ha kaba shisha da ka dohnud jong phi baroh: naba to pyrkhat ïa kaba katno kiba khraw u la leh na ka bynta jong phi.