ÏOANNIS 4:20 - KA BAIBL

²⁰ ki kpa jong ngi ki la ïamane Blei halor une hi u lum; phi te phi ong, ba ha Jerusalem ka long kata ka jaka ha kaba dei ban mane Blei.”

Khasi CL Bible (BSI)

²⁰ “Ki kpa tymmen nong Samaria jong nga ki la ïamane ïa U Blei halor une u lum, hynrei phi ki Jiw phi ong ba ka Jerusalem ka dei ka jaka ha kaba ngi dei ban mane ïa U Blei.”

ÏOANNIS 4:20 ပူးပေါင်းရင်းမြစ်များ

DEUTERONOMI 27:12

“Kine ki ban ïeng halor u lum Gerisim ïa ka ban kyrkhu ïa u paidlang, ynda phi la lait sha shiliang ka Jordan: u Simeon, bad u Lebi, bad u Judah, bad u Issakhar, bad u Joseph, bad u Benjamin:

DEUTERONOMI 11:29

Kan jia te, ynda U Trai U Blei jong me u la wallam ïa me ha kata ka ri sha kaba me leit ban ïoh ïa ka, ba men buh ïa kata ka jingkyrkhu ha u lum Gerisim, bad ïa kata ka jingtim ha u lum Ebal.

2 KHRONIKL 7:12

Te U Trai u la paw ha u Solomon mynmiet, bad u la ong ha u, “Nga la ïohsngew ïa ka jingduwai jong me, bad nga la jied ïa kane ka jaka ha lade ban long ka ïing jingkñia.

LOUKAS 9:53

Hynrei, kim shym la pdiang sngewbha ïa u, naba ka khmat jong u ka la thew leit sha Jerusalem.

SALM 132:13

Naba U Trai u la jied ïa ka Seïon; bad u la imon ïa ka ban long ka jaka shong jong u.

SALM 78:68

hynrei, u la jied ïa ka jaid Judah, ïa u lum Seïon uba u la ieit.

2 KHRONIKL 7:16

Namar mynta nga la jied bad nga la pynkyntang kyntang ïa kane ka ïing, ba ka kyrteng jong nga ka lah ban long hangta ha la ka rta: bad ki khmat jong nga bad ka dohnud jong nga kin long hangta junom.

2 KHRONIKL 6:6

hynrei, nga la jied ïa ka Jerusalem, ba ka kyrteng jong nga kan ïoh long hangta: bad nga la jied ïa u Dabid ban long halor u paidbah jong nga ki Israel.’ ”

1 KHRONIKL 22:1

Te u Dabid u la ong, “Kane ka long ka ïing U Trai U Blei, bad kane ka long ka duwan jingainguh thang ïa ki Israel.”

1 KHRONIKL 21:26

Bad u Dabid u la tei ïa ka duwan hangta ïa U Trai, bad u la ainguh ïa ki jingainguh thang bad ki jingainguh bapynïasuk, bad u la khot kyrpad ïa U Trai; U ruh U la phai ktien da ka ding na bneng halor ka duwan ka jingainguh thang.

1 SYIEM 9:3

Te U Trai u la ong ha u, “Nga la shahshkor ïa ka jingduwai jong me bad ïa ka jingkyrpad jong me, ba me la pynlong ha khmat jong nga: nga la pynkyntang ïa kane ka ïing, kaba me la tei, ïa ka ban buh ïa ka kyrteng jong nga hangta ha la ka rta; te ki khmat jong nga bad ka dohnud jong nga kin long hangta borabor.

ISAÏAH 66:1

Kumne u ong U Trai, “Ka bneng ka long ka khet jong nga, bad ka khyndew ka jingïuh kjat jong nga: kaba kumno ka ïing phin tei ïa nga? Bad kaba kumno ka jaka ka jingshongthait jong nga?

ÏOANNIS 4:12

Hato me kham khraw ma me ban ïa u kpa jong ngi u Jakob, uba la ai ha ngi ïa kane ka pukri, bad u la dih hi ruh na ka, bad ki khun jong u, bad ki jingri jong u?”