ÏOANNIS 4:14 - KA BAIBL

¹⁴ hynrei, uno uno ruh u ban dih na kata ka um, ïa kaba nga ngan ai ha u, un ym sliang lano lano ruh; hynrei, kata ka um, ïa kaba ngan ai ha u, kan long ha u ka pukri ka um kaba kyrsoi sha ka jingim bymjukut.”

Khasi CL Bible (BSI)

¹⁴ Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 4:14 ပူးပေါင်းရင်းမြစ်များ

ISAÏAH 49:10

Kin ym thngan lymne sliang; te ka jingshit bad ka sngi kin ym shoh ïa ki: namar uta uba isynei ïa ki un btin ïa ki, hajan ki umpohliew ruh un ïalam ïa ki.

ISAÏAH 55:1

“Kaw, jar uba sliang, to wan sha ki um; bad uta u bymdon sbai, wan, to thied bad bam; wan keiñ, to thied ka Waiñ bad ka dud khlem sbai bad khlem dor.

ISAÏAH 58:11

U Trai un ïalam ruh ïa me ha la ka sngi, bad un pyndap ïa ka mynsiem jong me ha ki jaka ryngkhiang, bad un pynkhlaiñ ïa ki shyieng jong me; men long ruh kum ka kper ba la ai um, bad kum ka umpohliew, kaba ki um jong ka kim duh noh.

JEREMAÏAH 2:13

Naba ki briew jong nga ki la leh ar tylli ki jingsniew; ki la lyndet ïa nga ka umpohliew ki um ba-im, bad ki la shna ïa lade ki pukri, ki pukri kiba pei, ki bym lah pynsah um.

JEREMAÏAH 31:25

Naba nga la pynhun ïa ka mynsiem bathait, bad nga la pyndap ïa ka mynsiem baroh kaba khuslai.”

ESEKIEL 47:9

Kan jia te, ba u kynja jingthaw ba-im baroh uba jei ha ka jaka baroh sha kaba ki wah ki tuid, un im keiñ; te yn sa long bun byllien ki dohkha: namar kine ki um ki la poi shata, bad ïa ki um ka duriaw yn pynbha, bad kaei kaei baroh kan im kat sha kaba ka wah ka tuid.

LEBITIKOS 11:36

Pynban, ka pukri bad ka thliew tong um ba don bun ka um kin long bakhuid: hynrei kaei kaei ba ktah ïa ka metïap jong ki kan long bymkhuid.

MATHAÏOS 25:46

Kine kin leit noh te sha ka shitom bymjukut, hynrei, ki bahok sha ka jingim bymjukut.”

MATHAÏOS 5:6

“Suk ki bathngan bad ki basliang ïa ka hok: naba yn pyndap ïa ki.

ÏOANNIS 10:10

U nongtuh um wan, hynrei, tang ba un ïoh tuh, bad ba un ïoh pynïap, bad ba un ïoh pynjot de: nga, nga la wan ba kin ïoh ka jingim, ba kin ïoh kyrhai ïa ka ruh.

ÏOANNIS 11:26

bad u briew baroh uba im bad uba ngeit ha nga, un ym ïap noh lano lano ruh. Pha ngeit ïa kane?”

ÏOANNIS 4:10

U Jisu u la ïathuh bad u la ong ha ka, “Lada pha la ithuh ïa ka jingaiei ka jong U Blei, bad uei u long uta uba ong ha pha, ‘To ai ha nga ban dih’, pha hi phan da la pan na u keiñ, u te un da la ai ha pha ïa ka um kaba im.”

ÏOANNIS 4:11

Kata ka briew te ka ong ha u, “Ko Kynrad, mem don jingtong ei ei, kane ka pukri ruh ka long kaba jylliew; namar kata, nangno me ïoh kata ka um kaba im?

ÏOANNIS 4:13

U Jisu u la ïathuh bad u la ong ha ka, “U briew baroh uba dih na kane ka um, un sliang pat;

ÏOANNIS 4:36

Uta uba ot te u ïoh diang ïa ka bainong, bad u lum soh ïa ka jingim bymjukut, ba uta uba bet ruh un ïoh ïakmen lem bad uta uba ot.

ÏOANNIS 6:27

Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”

ÏOANNIS 6:35

Te U Jisu u la ïathuh ha ki, “Nga, nga long uta u kpu jong ka jingim; jar uba wan ha nga, un ym thngan, bad jar uba ngeit ha nga, un ym sliang lano lano ruh.

ÏOANNIS 6:58

Une u long uta u kpu uba la wan hiar na bneng: ym kumba ki kpa jong phi ki la ïabam bad ki la ïap noh: jar uba bam ïa une u kpu un ïoh im bymjukut.”

ÏOANNIS 7:37

Te ha ka sngi ka bakhatduh, ka sngi ka bakhraw jong Ka Jingkhawai Niam, U Jisu u la ïeng bad u la pyrta, u da ong, “Lada uno uno ruh u sngew-sliang, ai ba un wan ha nga ba un dih ruh;

Ka Shithi U Paul Sha Ki Nong Rom 5:21

ba kat kumba kata ka pop ka la synshar sha ka ban pynïap, kumta ruh, kata ka jingaiei kan da synshar noh da ka jingpynksan sha ka ban pynim bymjukut da U Jisu Khrist uba U Trai jong ngi.

Ka Shithi U Paul Sha Ki Nong Rom 6:23

Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi.

2 KORINTH 1:22

uba la shon shab ruh ïa ngi, bad uba la ai ïa ka synjat jong U Mynsiem ha ki dohnud jong ngi.

EPHESOS 4:30

To wat pynsngewsih phi ïa U Mynsiem Bakhuid U Blei, da uba la shon shab ïa phi haduh kata ka sngi ka jingsiewspah.

1 PETROS 1:22

Haba phi la pynkhuid ïa ki mynsiem jong phi ha kaba kohnguh ïa ka jingshisha da U Mynsiem, ïa ka ban ïa-ieit parabangeit khlem arsap, to phin da ïa-ieit shitrhem paralok hi naduh ka dohnud:

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

JINGPYNPAW 7:16

Kin ym thngan shuh, lymne sliang shuh, lymne ka sngi kan ym ïoh shoh ha ki, lymne kano kano ka jingshit;

JINGPYNPAW 7:17

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”