ÏOANNIS 4:11 - KA BAIBL

¹¹ Kata ka briew te ka ong ha u, “Ko Kynrad, mem don jingtong ei ei, kane ka pukri ruh ka long kaba jylliew; namar kata, nangno me ïoh kata ka um kaba im?

Khasi CL Bible (BSI)

¹¹ “Ko kynrad,” kata ka briew ka la ong, “mem don ïa ka jingtong, bad ka pukri ka long kaba jylliew. Nangno men ïoh ïa kata ka um kaba ai jingim?

ÏOANNIS 4:11 ပူးပေါင်းရင်းမြစ်များ

JEREMAÏAH 2:13

Naba ki briew jong nga ki la leh ar tylli ki jingsniew; ki la lyndet ïa nga ka umpohliew ki um ba-im, bad ki la shna ïa lade ki pukri, ki pukri kiba pei, ki bym lah pynsah um.

ÏOANNIS 3:4

U Nikodimos u ong ha U, “Kumno lah ban kha ïa u briew haba u la tymmen? u lah ban bsut pat sha ka kpoh ka kmie jong u, bad ban kha ïa u?”

ÏOANNIS 4:14

hynrei, uno uno ruh u ban dih na kata ka um, ïa kaba nga ngan ai ha u, un ym sliang lano lano ruh; hynrei, kata ka um, ïa kaba ngan ai ha u, kan long ha u ka pukri ka um kaba kyrsoi sha ka jingim bymjukut.”

ÏOANNIS 7:37

Te ha ka sngi ka bakhatduh, ka sngi ka bakhraw jong Ka Jingkhawai Niam, U Jisu u la ïeng bad u la pyrta, u da ong, “Lada uno uno ruh u sngew-sliang, ai ba un wan ha nga ba un dih ruh;

KI KAM 10:14

Hynrei, u Petros u la ong, “Ym kumta, A Trai; namar ngam ju bam mynno mynno ruh kaei kaei kaba sang lane ka bymkhuid.”

1 KORINTH 2:14

Hynrei, u briew bakynja doh um pdiang ïa kita kiei kiei ruh ki jong U Mynsiem U Blei; namar ki long ka jingbieit ha u; bad um lah hi ban ithuh ïa ki, naba, da kaba kynja mynsiem ba bishar ïa ki.

JINGPYNPAW 21:6

Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.

JINGPYNPAW 22:1

Bad u la pyni ha nga ïa ka wah basngur ka um ka jingim, kaba phyrnai kum u mawleiñ, kaba mih noh na ka khet U Blei bad ka jong uta U Khun langbrot, hapdeng kata ka lynti bah jong ka.

JINGPYNPAW 22:17

Te U Mynsiem bad kata ka nongleit-kurim ki ïa-ong, “To wan.” Bad uta uba ïohsngew to un ong, “To wan.” Bad jar uba sliang, to ai un wan: bad jar uba mon, to un shim ei ïa ka um ka jingim.

JINGPYNPAW 7:17

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”