ÏOANNIS 4:10 - KA BAIBL

¹⁰ U Jisu u la ïathuh bad u la ong ha ka, “Lada pha la ithuh ïa ka jingaiei ka jong U Blei, bad uei u long uta uba ong ha pha, ‘To ai ha nga ban dih’, pha hi phan da la pan na u keiñ, u te un da la ai ha pha ïa ka um kaba im.”

Khasi CL Bible (BSI)

¹⁰ U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:10 ပူးပေါင်းရင်းမြစ်များ

SALM 10:17

A Trai, me la ïohsngew ïa ka jingkwah jong ki bajemnud; men pynkhreh ïa ki dohnud jong ki, men pynsngew ïa la ka shkor:

SALM 46:4

Ka don ka wah, ki umtuid jong ka ki pynkmen ïa ka nongbah U Blei, ka jaka kyntang ki tabernakl U Bahakhlieh Tam.

EKSODOS 17:6

Ha khmih, ngan ïeng ha khmat jong me hangta halor u mawsiang ha Horeb; bad men shoh ïa uta u mawsiang, te ka um kan sa mih noh na u, ba uta u paidbah un ïoh dih.” Te u Moses u la leh kumta ha khmat kita ki tymmen basan jong ki Israel.

JINGRWAI SOLOMON 4:15

Pha long ka pukri jong ki kper, ka pukri ki um ba-im, bad ki wah batuid na u Lebanon.

ISAÏAH 12:3

Namar kata, da ka jingsngewkmen phin tong um na ki pukri ka jingpynim.

ISAÏAH 35:6

Ynda kumta, u briew u ba-dkoh un rynsied kum u 'keirang, bad u thylliej u bymnangkren un rwai: namar ha ka ri khlaw ki um kin kyrsoi, bad ki wah duid ha ka ri shyiap.

ISAÏAH 42:6

“Ma nga U Trai nga la khot ïa me ha ka hok, bad ngan bat ïa ka kti jong me, bad ngan sumar ïa me, bad ngan ai ïa me ban long ka jutang ïa u paidlang, ban long ka jingshai ïa ki Jentil;

ISAÏAH 43:20

Ki mrad khlaw kin burom ïa nga, ki myrsiang bad ki ostrits: namar nga ai um ha ka ri khlaw, bad ki wah ha ka ri kynjah, ban pyndih ïa u paidlang jong nga, ïa uba la jied jong nga:

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

ISAÏAH 49:10

Kin ym thngan lymne sliang; te ka jingshit bad ka sngi kin ym shoh ïa ki: namar uta uba isynei ïa ki un btin ïa ki, hajan ki umpohliew ruh un ïalam ïa ki.

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 2:13

Naba ki briew jong nga ki la leh ar tylli ki jingsniew; ki la lyndet ïa nga ka umpohliew ki um ba-im, bad ki la shna ïa lade ki pukri, ki pukri kiba pei, ki bym lah pynsah um.

ESEKIEL 16:35

“Namar kata, to sngew ïa ka ktien U Trai, ko ka nuti:

SEKHARAÏAH 13:1

“Ha kata ka sngi, kan long ka pukri um ba la tih ïa ka ïing u Dabid bad ïa ki nong Jerusalem, ïa ka pop bad ka jingbymkhuid.

SEKHARAÏAH 14:8

“Bad ha kata ka sngi, ki um kiba im kin mih noh na Jerusalem; shiteng jong ki shaphang ka duriaw mihngi, bad shiteng shaphang ka duriaw sepngi: mynlyiur bad myntlang ruh kan long.”

LOUKAS 11:13

Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa U Mynsiem Bakhuid ha kita kiba pan na u?”

ÏOANNIS 16:3

Te ïa kine kiei kiei ruh, kin leh ïa phi, naba kim ithuh ïa U Kpa, lymne ïa nga.

ÏOANNIS 17:3

Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 4:14

hynrei, uno uno ruh u ban dih na kata ka um, ïa kaba nga ngan ai ha u, un ym sliang lano lano ruh; hynrei, kata ka um, ïa kaba ngan ai ha u, kan long ha u ka pukri ka um kaba kyrsoi sha ka jingim bymjukut.”

ÏOANNIS 6:35

Te U Jisu u la ïathuh ha ki, “Nga, nga long uta u kpu jong ka jingim; jar uba wan ha nga, un ym thngan, bad jar uba ngeit ha nga, un ym sliang lano lano ruh.

ÏOANNIS 6:51

Nga, nga long uta u kpu uba pynim, uba la wan hiar na bneng; lada uno uno ruh un ïoh bam na une u kpu, un ïoh im bymjukut: bad uta u kpu de, ïa uba nga ngan ai, u long ka doh jong nga, ïa kaba nga ngan ai na ka bynta ka jingim jong ka pyrthei.”

KI KAM 9:11

Te U Trai u la ong ha u, “To ïeng, khie leit ruh sha kata ka lynti shnong ïa kaba khot ‘Ba-beit’, to wad ruh ha ka ïing u Judas, ïa u briew uba kyrteng ‘u Saul’, u nong Tarsos; naba, ha khmih, u duwai,

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?

1 KORINTH 1:30

Te da u hi, phi, phi long ha U Khrist Jisu, ïa uba da U Blei la pynlong ha ngi ka jingstad, bad ka hok, bad ka jingpynkhuid, bad ka jingsiewspah;

1 KORINTH 10:4

bad baroh ki la ïadih ïa kajuh ka jingdih bakynja mynsiem; namar ki la ïadih na uta U Mawsiang bakynja mynsiem ba la bud ïa ki: te uta U Mawsiang u la long U Khrist.

2 KORINTH 9:15

To long noh ka jingnguh ïa U Blei, namar kata ka jingai jong u ka bym lah ong shuh!

EPHESOS 2:8

Namar da ka jingaiei la pynim ïa phi, da ka jingngeit keiñ; kata ruh, ym na phi hi; ka long ka jingai U Blei:

HEBRU 6:4

Namar shaphang kita ïa kiba la pynshai shi sien bad ba la ïoh mad ïa ka jingai kaba kynja bneng, bad ba la pynlong ki nongïoh bynta na U Mynsiem Bakhuid,

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

JINGPYNPAW 21:6

Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.

JINGPYNPAW 22:17

Te U Mynsiem bad kata ka nongleit-kurim ki ïa-ong, “To wan.” Bad uta uba ïohsngew to un ong, “To wan.” Bad jar uba sliang, to ai un wan: bad jar uba mon, to un shim ei ïa ka um ka jingim.

JINGPYNPAW 7:17

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”