ÏOANNIS 3:34 - KA BAIBL

³⁴ Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

Khasi CL Bible (BSI)

³⁴ Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

ÏOANNIS 3:34 ပူးပေါင်းရင်းမြစ်များ

2 SYIEM 2:9

Te ynda ki la poi sha shiliang, u Elijah u la ong ha u Elisha, “To pan kaei ba ngan leh ïa me, shuwa ban shim ïa nga na me.” Bad u Elisha u la ong, “Nga kyrpad ïa me, to ai ba ar bynta na ka mynsiem jong me kan long halor jong nga.”

SALM 45:7

Me la ieit ïa ka hok, bad me la isih ïa ka jingbymman: namar kata, U Blei, U Blei jong me keiñ, u la pynsleh ïa me da ka umphniang ka jingkmen tam ïa ki paralok jong me.

ISAÏAH 59:21

“Nga te, kane ka long ka jutang jong nga bad ki,” ong U Trai: “U Mynsiem jong nga uba ha me, bad ki ktien jong nga kiba nga la buh ha ka shyntur jong me, kin ym kynriah noh na ka shyntur jong me, lymne na ka shyntur u symbai jong me, lymne na ka shyntur u symbai jong u symbai jong me,” ong U Trai, “naduh mynta bad ha la ka rta.”

LEBITIKOS 7:35

Kane te ka bynta kaba dei ïa ka jingpynsleh ïa u Aaron, bad ïa ka jingpynsleh ïa ki khun shynrang jong u, na ki jingkñia ainguh ki jong U Trai ba la thaw da ka ding, naduh kata ka sngi ha kaba u la pynwan ïa ki, ïa ka ban kam ïa ka jingkam lyngdoh ïa U Trai;

JINGKHEIÑ 11:25

U Trai te u la wan hiar ha uta u lyoh, bad u la kren ha u, bad u la shim na kata ka mynsiem kaba la don ha u, bad u la ai ha kita ki hynñiewphew ngut ki tymmen basan: te haba kata ka mynsiem ka la shong sah halor jong ki, ki la ïathuhlypa, ki la wai noh ruh.

MATHAÏOS 12:18

“Ha khmih, u shakri jong nga ïa uba nga la jied; uba ieit jong nga ha uba ka mynsiem jong nga ka sngewbha eh: ngan buh ïa U Mynsiem jong nga ha u, bad un pynbna ïa ka jingbishar ha ki Jentil:

LOUKAS 4:18

“U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;

ÏOANNIS 1:16

Bad na ka jingdap jong U, ngi baroh ngi la ïoh pdiang, bad ka jingaiei kaba da kat ka jingaiei.

ÏOANNIS 15:26

“Hynrei, ynda la wan uta U Nongpyntngen, ïa uba nga ngan phah ha phi na U Kpa, ïa U Mynsiem ka jingshisha keiñ, uba mih noh na U Kpa, uta keiñ un phla shaphang jong nga.

ÏOANNIS 16:7

Hynrei, nga, nga ïathuh ïa kaba shisha ha phi, ka myntoi ïa phi ba nga, nga leit noh: namar lada nga ngam leit noh, uta U Nongpyntngen un ym wan ha phi; hynrei, lada nga leit noh, ngan phah ïa u ha phi.

ÏOANNIS 3:17

Naba U Blei um shym la phah ïa la U Khun sha ka pyrthei ba un pynrem ïa ka pyrthei, hynrei, ba yn pynim ïa ka pyrthei da u.

ÏOANNIS 5:26

Namar kumba U Kpa u don ka jingim ha lade, kumta u la ai ha U Khun ruh ban ïoh ka jingim ha lade:

ÏOANNIS 7:16

U Jisu u la ïathuh ha ki, bad u la ong, “Ka jinghikai jong nga kam long ka jong nga, hynrei, ka jong uta uba la phah ïa nga;

ÏOANNIS 8:40

hynrei, mynta, phi ïawad ban pynïap noh ïa nga, u briew uba la ïathuh ïa kaba shisha ha phi, ïa kaba nga la ïohsngew na U Blei. Ïa kane u Abraham um shym leh.

ÏOANNIS 8:47

Jar uba long na U Blei, u shahshkor ïa ki ktien jong U Blei; namar kata keiñ, phi phim ïashahshkor, naba phim long na U Blei.”

KI KAM 1:2

haduh kata ka sngi ha kaba la pdiang ïa u sha jrong, ynda u la ai hukum da U Mynsiem Bakhuid ha kita ki apostol ïa kiba u la lah jied:

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.

Ka Shithi U Paul Sha Ki Nong Rom 8:2

Namar kata ka hukum ka jong U Mynsiem ka jingim ha U Khrist Jisu ka la pyllait ïa nga na kata ka hukum ka jong ka pop bad ka jong ka jingïap.

EPHESOS 3:8

Ha nga keiñ, uba kham rit ban ïa u barit tam na ki riewkhuid baroh, la ai ïa kane ka jingaiei, ïa ka ban ïalap ha ki Jentil ïa ka jingkynrei spah bym lah tip shuh ka jong U Khrist;

KOLOSSAI 1:19

Naba U Kpa u la sngewbha eh ba ka jingdap baroh kan shong tylli ha u;

KOLOSSAI 2:9

Naba ha u, kata ka jingdap baroh jong ka Jinglong Blei ka shong tylli.

JINGPYNPAW 21:6

Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.

JINGPYNPAW 22:1

Bad u la pyni ha nga ïa ka wah basngur ka um ka jingim, kaba phyrnai kum u mawleiñ, kaba mih noh na ka khet U Blei bad ka jong uta U Khun langbrot, hapdeng kata ka lynti bah jong ka.