ÏOANNIS 3:32 - KA BAIBL

³² te ïa kaba u la ïohi bad ba u la ïohsngew, ïa kata u phla: hynrei, ym don ba pdiang ïa ka jingphla jong u.

Khasi CL Bible (BSI)

³² U ïathuh ïa kaei kaba u la ïohi bad la ïohsngew, pynban ym don ba pdiang ïa ka khubor jong u.

ÏOANNIS 3:32 ပူးပေါင်းရင်းမြစ်များ

ÏOANNIS 3:11

Shisha, shisha nga ong ha me, ba ïa kata kaba ngi ïatip, ngi ïakren, bad ïa kaba ngi la ïohi, ngi ïaphla; hynrei, phim pdiang satia ïa ka jingphla jong ngi.

ÏOANNIS 15:15

Ngam khot shuh ki shakri ïa phi, naba u shakri um tip ïa kaei ba u leh u kynrad jong u: hynrei, nga la khot ‘ki lok’ ïa phi, namar ïa kiei kiei baroh kiba nga la ïohsngew na U Kpa jong nga, nga la pyntip ha phi.

ÏOANNIS 1:11

U la wan sha kiei kiei la ki jong, bad kita kiba dei la ki jong kim shym la pdiang ïa u.

ÏOANNIS 8:26

nga don shibun kiei kiei ruh ban ïathuh, bad ban bishar shaphang jong phi; hynrei, uta uba la phah ïa nga, u long uba shisha, bad kiei kiei ruh kiba nga, nga la ïohsngew na u, ïa kita keiñ nga ong ha ka pyrthei.”

ÏOANNIS 5:20

Namar U Kpa u ieit ïa U Khun, bad u pyni ha u ïa kiei kiei baroh kiba u hi u leh: bad un pyni ha u ïa ki jingleh kiba kham khraw ïa kine, ba phi phin sngewkyndit.

ÏOANNIS 3:33

Uta uba la pdiang ïa ka jingphla jong u, u la pynskhem ba U Blei u long uba shisha.

ÏOANNIS 3:26

Te ki la ïaleit ha u Ïoannis, bad ki la ïa-ong ha u, “Ko Rabbi, uta uba la don lem bad me sha shiliang ka Jordan, ïa uba la phla babha ma me, ha khmih, uta u pynbaptis, bad baroh ki ïaleit ha u.”

ISAÏAH 53:1

Uei ba la ngeit ïa ka jingpynbna jong ngi? Bad hano la pynpaw ïa ka ksang'ti U Trai?

ISAÏAH 50:2

Na ka balei, haba nga la wan, bym shym la don briew? Haba nga la khot, bym shym don ba jubab? Hato la pynlyngkot ïa ka kti jong nga, ba kan ym lah siewspah? ne ngam don bor ban pyllait? Ha khmih, ha ka jingsneng jong nga, nga pynrngad ïa ka duriaw, nga pynlong khlaw ïa ki wah: ki dohkha jong ki, ki iwtung, namar bymdon um, bad ki ïap sliang.

MATHAÏOS 7:8

Naba baroh uba pan, u pdiang; bad uba wad, u shem; bad ïa uba tied, yn plie.

ÏOANNIS 18:37

Namar kata, u Pilat u la ong ha U, “Ma me, me long u syiem te?” U Jisu u la ïathuh, “Me ong keiñ ba nga long ma nga u syiem. Ïa kane khnang la kha ïa nga, bad ïa kane khnang nga la wan sha ka pyrthei, ba ngan ïoh phla skhem ïa ka jingshisha. Uei uei baroh uba da long na ka jong ka jingshisha, u shahshkor ïa ka ktien jong nga.”