ÏOANNIS 3:2 - KA BAIBL

² Une u la wan ha U Jisu mynmiet, bad u la ong ha U, “Ko Nonghikai, ngi tip ba me long u nonghikai uba la wan na U Blei, namar ym don uba lah ban leh ïa kine ki kambah ïa kiba me leh, lymda U Blei u long ryngkat bad u.”

Khasi CL Bible (BSI)

² Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 3:2 ပူးပေါင်းရင်းမြစ်များ

1 SYIEM 17:24

Kata ka kynthei te ka la ong ha u Elijah, “Mynta nga tip ba me long u briew U Blei, bad ba ka ktien U Trai ha ka shyntur jong me ka long kaba shisha.”

ISAÏAH 51:7

“To sngew ïa nga, phi kiba tip ïa ka hok, u paidlang uba don ka hukum jong nga ha la ka dohnud; wat sheptieng ïa ka jingkrenbeiñ ki briew, lymne wat khaw-eit ïa ki jingkynnohbeiñ jong ki.

JEREMAÏAH 38:16

Kumta u Sedekaïah syiem u la smai jar jar ha u Jeremaïah, u da ong, “Katba U Trai u im, uba la thaw ïa ngi kane ka mynsiem, ngan ym pynïap noh ïa me, lymne ngan ym ai noh ïa me ha ka kti jong kine ki briew kiba wad ïa ka jingim jong me.”

MATHAÏOS 22:16

Te kumta, ki la phah ha u ïa ki synran jong ki, lem bad ki nongbud u Herod, ki ïa-ong, “Ko Nonghikai, ngi tip ba me long uba shisha, bad ba me hikai ïa ka lynti U Blei ha kaba shisha, bad ba mem ñiew ïano ruh; naba mem khmih ïa ka khmat ki briew:

MATHAÏOS 23:7

bad ïa ki jingnguh de ha ki ïew, bad ba yn khot ruh ïa ki da ki briew, ‘Ko Rabbi.’

MATHAÏOS 23:8

Hynrei, ïa phi wat shah ban khot ‘Rabbi’: naba uwei u long U Nonghikai jong phi uba U Khrist; phi te phi long shipara baroh.

MARKOS 12:14

Ki te haba ki la wan, ki ong ha u, “Ko Nonghikai, ngi tip ba me long uba shisha bad ba mem ñiew ïano ïano ruh; naba mem khmih ïa ka khmat ki briew, hynrei, me hikai ïa ka lynti U Blei ha kaba shisha. Hato ka bit ne em ban ai khajna ha u Kaisar? ngin ai, ne ngim ai?”

ÏOANNIS 1:38

U Jisu te haba u la phai, bad u la ïohi ïa ki ba ki ïabud, u ong ha ki, “Phi ïawad aïu?” Ki te ki la ïathuh ha u, “Ko Rabbi” (kaba long haba la batai, “Ko Nonghikai”), “hangno me shong?”

ÏOANNIS 10:38

hynrei, lada nga leh, la phim ïangeit satia ïa nga, to phin ïangeit te ïa kita ki jingleh: ba phin ïoh tip, bad ba phin ïoh ngeit, ba uta U Kpa u ha nga, bad nga ruh ha u.”

ÏOANNIS 12:37

Hynrei, haba u la lah leh katta ki dak khyllah ha khmat jong ki, pynban, kim shym la ngeit ha u:

ÏOANNIS 14:10

Mem ngeit ba nga, nga long ha U Kpa, bad uta U Kpa ha nga? Kita ki ktien ïa kiba nga kren ma nga ha phi, ngam kren na lade; hynrei, uta U Kpa uba shongneh ha nga, u hi u leh ïa ki jingleh jong u.

ÏOANNIS 15:24

Lada ngam shym la lah leh hapdeng jong ki, ïa ki jingleh ïa kiba ym don uwei pat uba la leh, kin ym da la don ka pop; hynrei, mynta, ki la ïohi, bad ki la shun ruh ïa nga bad ïa U Kpa jong nga.

ÏOANNIS 2:11

Ïa kane ka banyngkong na ki kambah jong u, U Jisu u la leh ha Kana Galilaïa, bad u la pynpaw ïa la ka burom; te ki synran jong u ki la ngeit ha u.

ÏOANNIS 20:16

U Jisu u ong ha ka, “Wa Mari!” Ka, haba ka la phai, ka ong ha U ha ka ktien Hebru, “Wa Rabboni!” (kata ka ban ong, “Ko Nonghikai”).

ÏOANNIS 3:26

Te ki la ïaleit ha u Ïoannis, bad ki la ïa-ong ha u, “Ko Rabbi, uta uba la don lem bad me sha shiliang ka Jordan, ïa uba la phla babha ma me, ha khmih, uta u pynbaptis, bad baroh ki ïaleit ha u.”

ÏOANNIS 4:31

Hamar pdeng kata te, ki synran ki la ïakyrpad ïa u, ki da ong, “Ko Rabbi, to bam.”

ÏOANNIS 5:36

Hynrei, ma nga, nga don ka jingphla kaba kham khraw ïa ka jong u Ïoannis; namar kita ki jingleh ïa kiba U Kpa u la aiti ha nga ba ngan ïoh pyndep ïa ki, kita kijuh hi ki jingleh kiba nga leh, ki ïaphla shaphang jong nga, ba uta U Kpa u la phah ïa nga.

ÏOANNIS 6:2

Bad u paidbah babun u la bud ïa U, naba ki la ïohi ïa ki kambah kiba U la leh ha ki bapang.

ÏOANNIS 7:31

Shibun te na uta u paidbah ki la ngeit ha u; bad ki la ïakylli, “Uta U Khrist ynda u la wan, hato un leh kham bun ki kambah ïa kine ïa kiba une u la leh?”

ÏOANNIS 9:16

Ynda kumta, kiba na kita ki Pharisi ki la ïa-ong, “Une u briew um long na U Blei, naba um sumar ïa ka sngi Sabbaton.” Kiwei pat ki la ïa-ong, “Kumno u briew u bapop u lah ban leh ïa ki kambah kat kine?” Kumta, la don ka jingïaprat ktien hapdeng jong ki.

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.

KI KAM 2:22

“Ko ki rangbah Israel, to sngew ïa kine ki ktien: ïa U Jisu uba na Nasaret, u briew ba U Blei u la pynithuh shynna ha phi da ki kambah, bad da ki jingphylla, bad da ki dak khyllah de, kiba U Blei u la leh da u hapdeng jong phi, kumba phi hi ruh phi tip,

PHILIPPI 1:14

bad ba kham bun na ki parabangeit ha U Trai, haba ki da shaniah skhem da kine ki kynjri jong nga, ki la kham shlur shikatdei eh ban ïalap ïa ka ktien U Blei khlem da sheptieng.

NONGBISHAR 6:27

Ynda kumta, u Gideon u la shim shiphew ngut na ki shakri jong u, bad u la leh kumba U Trai u la kren ha u: te namar ba u la sheptieng ïa ki kur u kpa jong u bad ïa ki rangbah kata ka shnong, um lah ban leh mynsngi, u la leh mynmiet.