ÏOANNIS 3:11 - KA BAIBL

¹¹ Shisha, shisha nga ong ha me, ba ïa kata kaba ngi ïatip, ngi ïakren, bad ïa kaba ngi la ïohi, ngi ïaphla; hynrei, phim pdiang satia ïa ka jingphla jong ngi.

Khasi CL Bible (BSI)

¹¹ Nga ïathuh ha me ïa ka jingshisha: Ngi kren ïa kaei kaba ngi tip bad ngi ïathuh ïa kaei kaba ngi la ïohi, pynban, ym don na phi uba mon ban pdiang ïa ka khubor jong ngi.

ÏOANNIS 3:11 ပူးပေါင်းရင်းမြစ်များ

ISAÏAH 50:2

Na ka balei, haba nga la wan, bym shym la don briew? Haba nga la khot, bym shym don ba jubab? Hato la pynlyngkot ïa ka kti jong nga, ba kan ym lah siewspah? ne ngam don bor ban pyllait? Ha khmih, ha ka jingsneng jong nga, nga pynrngad ïa ka duriaw, nga pynlong khlaw ïa ki wah: ki dohkha jong ki, ki iwtung, namar bymdon um, bad ki ïap sliang.

ISAÏAH 53:1

Uei ba la ngeit ïa ka jingpynbna jong ngi? Bad hano la pynpaw ïa ka ksang'ti U Trai?

ISAÏAH 55:4

Ha khmih, nga la ai ïa u ban long sakhi ha ki kynja bynriew, u nongïalam bad u nongai hukum ha ki kynja bynriew.

ISAÏAH 65:2

Nga la kner ïa la ki kti baroh shi sngi ha u paidlang bakiat, uba ïaid ha ka lynti ka bymbha, kat kum la ki jong ki jingmut;

MATHAÏOS 11:27

Kiei kiei baroh la ai ha nga na U Kpa jong nga: ym don ruh uba ithuh ïa U Khun, hynrei, tang U Kpa; lymne uba ithuh ïa U Kpa, hynrei, tang U Khun, bad uta ha uba uta U Khun u mon ban pynpaw ïa u.

MATHAÏOS 23:37

“A! Jerusalem, Jerusalem! pha kaba pynïap noh ïa ki nongïathuhlypa, bad kaba lynthem maw ïa kita ïa kiba la phah ha pha! katno sien ba nga la kwah ban kdup ïa ki khun jong pha, kumba ka syiar ka kdup ïa ki khun jong ka hapoh ki thapniang jong ka, phi te phim mon.

LOUKAS 10:22

Ïa kiei kiei baroh la ai ha nga na U Kpa jong nga; ym don ruh uba ithuh ïa U Khun u long uei, hynrei, tang U Kpa; bad ïa U Kpa u long uei, hynrei, tang U Khun, bad uta ha uba U Khun u mon ban pynpaw.”

ÏOANNIS 1:11

U la wan sha kiei kiei la ki jong, bad kita kiba dei la ki jong kim shym la pdiang ïa u.

ÏOANNIS 1:18

Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.

ÏOANNIS 12:49

Naba nga ngam shym la kren na lade; hynrei, uta U Kpa uba la phah ïa nga, uta u la ai ka hukum ha nga, kaei ba ngan ong, bad kaei ba ngan kren.

ÏOANNIS 14:24

Uta u bymieit ïa nga, um sumar ïa ki ktien jong nga; bad kata ka ktien ïa kaba phi ïohsngew kam long ka jong nga hi, hynrei, ka jong uta U Kpa uba la phah ïa nga.

ÏOANNIS 3:12

Lada nga la ïathuh ha phi ïa kiei kiei ruh kiba ha ka khyndew, bad phim ngeit, kumno phin ngeit lada nga ïathuh ha phi ïa kiei kiei ruh kiba ha bneng?

ÏOANNIS 3:13

Te ym don uba la leit kiew sha bneng, hynrei, tang uta uba la wan hiar na bneng, U Khun u briew keiñ, uba don ha bneng.

ÏOANNIS 3:3

U Jisu u la ïathuh bad U la ong ha u, “Shisha, shisha nga ong ha me, lymda kha pat ïa u briew, um lah ban ïohi ïa ka hima U Blei.”

ÏOANNIS 3:5

U Jisu u la ïathuh, “Shisha, shisha nga ong ha me, lymda kha ïa u briew na ka um bad na U Mynsiem, um lah ban leit hapoh ka hima U Blei:

ÏOANNIS 5:43

Nga, nga la wan ha ka kyrteng U Kpa jong nga, hynrei, phim pdiang ïa nga: lada uwei pat un wan ha ka kyrteng la ka jong hi, ïa uta phin pdiang.

ÏOANNIS 7:16

U Jisu u la ïathuh ha ki, bad u la ong, “Ka jinghikai jong nga kam long ka jong nga, hynrei, ka jong uta uba la phah ïa nga;

ÏOANNIS 8:14

U Jisu u la ïathuh bad u la ong ha ki, “Wat la nga phla shaphang ïa lade, kata ka jingphla jong nga te ka long kaba shisha, naba nga tip nangno nga la wan bad shano nga leit: hynrei, phi phim tip nangno nga la wan, bad shano nga leit.

ÏOANNIS 8:26

nga don shibun kiei kiei ruh ban ïathuh, bad ban bishar shaphang jong phi; hynrei, uta uba la phah ïa nga, u long uba shisha, bad kiei kiei ruh kiba nga, nga la ïohsngew na u, ïa kita keiñ nga ong ha ka pyrthei.”

ÏOANNIS 8:38

Nga, nga kren ïa kaba nga la ïohi bad U Kpa jong nga: kumta, phi ruh, phi leh ïa kaba phi la ïohsngew na u kpa jong phi.”

KI KAM 22:18

bad nga la ïohi ïa u, ba u ong ha nga, ‘To pynkloi noh me, bad khie leit noh kyrkieh na Jerusalem, naba kin ym pdiang ïa ka jingphla jong me shaphang jong nga.’

2 KORINTH 4:4

ha kiba u blei jong kane ka pyrthei u la pynmatlah noh ïa ki jingmut kita ki bymngeit, khnang ba ka jingshai ka gospel ka burom U Khrist, uba long ka dur U Blei, kan ym tyngshaiñ ha ki.

JINGPYNPAW 1:5

bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

JINGPYNPAW 3:14

“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei: