ÏOANNIS 3:10 - KA BAIBL

¹⁰ U Jisu u la ïathuh bad U la ong ha u, “Me long u nonghikai jong u Israel, bad mem tip ïa kine kiei kiei ruh?

Khasi CL Bible (BSI)

¹⁰ U Jisu u la jubab, “Me long u nonghikai uba khraw ha Israel, bad mem tip ïa kane?

ÏOANNIS 3:10 ပူးပေါင်းရင်းမြစ်များ

1 KHRONIKL 29:19

bad to ai ha u Solomon u khun jong nga ka dohnud bajanai, ban sumar ïa ki hukum jong me, ïa ki jingphla jong me, bad ïa ki aiñ jong me, bad ban leh ïa kine kiei kiei baroh, bad ban tei ïa ka ïingbah, kaba nga la taïar na ka bynta jong ka.”

SALM 51:10

To pynlong ka dohnud ka bathymmai hapoh jong nga, A U Blei: bad to pynthymmai ïa ka mynsiem kaba beit hapoh jong nga.

SALM 51:6

Ha khmih, me kwah ïa ka jingshisha ha kaba shapoh; bad ha ka bynta kaba rieh men pynlong ba ngan tip ïa ka jingstad.

SALM 73:1

Da shisha U Blei u long u babha ïa u Israel, kata ïa ki bakhuid la ka dohnud.

ISAÏAH 56:10

Ki nongap jong u ki matlah, baroh kiba khlem jingtip; ki long ki ksew kuman baroh, kim lah wiar; ki ïaphohsniew, ki ïadem, ki ïa-ieit samthiah.

ISAÏAH 9:16

Naba kita kiba ju ïalam ïa une u paidlang ki pynïaid sakma ïa ki; bad ïa kiba la shah ïalam da ki la pynjot noh.

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

ESEKIEL 11:19

Bad ngan ai ïa ki kawei ka dohnud, bad ngan buh da ka mynsiem bathymmai hapoh jong phi; bad ngan weng noh ïa ki dohnud maw na ka doh jong ki, bad ngan ai ka dohnud doh ïa ki:

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

MATHAÏOS 15:14

To iehnoh ïa ki; ki long ki nongïalam bamatlah ïa ki bamatlah. Te lada u bamatlah u ïalam ïa u bamatlah, kin ïahap baroh ar ngut ha ka thliew.”

MATHAÏOS 22:29

U Jisu u da ïathuh te u la ong ha ki, “Phi bakla, ba phim tip ïa ki jingthoh, lymne ïa ka bor U Blei.

LOUKAS 2:46

Ka la jia ruh, ba hadien lai sngi ki la shem ïa U ha ka templ, ba U da shong hapdeng ki nonghikai, U da sngap ïa ki, bad U da kylli jingkylli ïa ki de.

LOUKAS 5:17

Ka la jia te ha kawei ka sngi, katba U dang hikai, ba ki la shong hangta ki Pharisi bad ki nonghikai Ka Hukum, kiba la wan na ki shnong baroh jong ka Galilaïa, bad ka Judia, bad na Jerusalem: te ka bor U Trai ka la don bad U ïa ka ban pynkhiah.

ÏOANNIS 3:9

U Nikodimos u la ïathuh bad u la ong ha U, “Kumno kine kiei kiei ruh ki lah ban long?”

KI KAM 5:34

Hynrei, haba la ïeng joit uwei ha kata ka dorbar, u Pharisi, uba kyrteng “u Gamaliel”, u nonghikai ka hukum, uba la donburom na u paidbah baroh, u la hukum ban pynmih habar shiphang ïa kita ki briew.

Ka Shithi U Paul Sha Ki Nong Rom 2:28

Namar uta um long u Jiw uba tang ha kaba paw; lymne kata kam long ka jingotsher kaba ha kaba paw, ha ka doh;

DEUTERONOMI 10:16

To phin otsher, namar kata, ïa ka jingbym-otsher ka dohnud jong phi, bad wat long shuh kiba eh ryndang.

DEUTERONOMI 30:6

Bad U Trai uba U Blei jong me un otsher ïa ka dohnud jong me, bad ïa ka dohnud u symbai jong me, ïa ka ban ieit ïa U Trai uba U Blei jong me da la ka dohnud baroh, bad da la ka mynsiem baroh, khnang ba men ïoh im.

PHILIPPI 3:3

Namar ngi keiñ, ngi long kata ka jingotsher, kiba mane da U Mynsiem U Blei, bad kiba leh kmen ha U Khrist Jisu, bad ki bymshaniah ha ka doh.

KOLOSSAI 2:11

ha uba la otsher ïa phi ruh da ka jingotsher bym shym la thaw da ki kti, da kaba loit noh ïa ka met ka doh, ha ka jingotsher U Khrist;