ÏOANNIS 2:23 - KA BAIBL

²³ Te katba u dang don ha Jerusalem ha kata Ka Jingkhawai Niam Ka Jinglait, shibun ki la ngeit ha ka kyrteng jong u, ynda ki la ïohi ïa ki dak phylla jong u ïa kiba u la leh.

Khasi CL Bible (BSI)

²³ Katba U Jisu u dang don ha Jerusalem ha ka por ka Jingkhawai Niam Ka Jinglait, shibun ki la ngeit ha u haba ki la ïohi ïa ki kambah kiba u la leh.

ÏOANNIS 2:23 ပူးပေါင်းရင်းမြစ်များ

LOUKAS 8:13

Kita te kiba halor u mawsiang, ki long kita kiba ynda ki la ïohsngew, ki pdiang ïa kata ka ktien da kaba kmen; bad kine kim don thied, kiba shu ngeit shi por, bad ha ka por ka jingtynjuh, ki phai dien noh.

ÏOANNIS 11:45

Namar kata, shibun na kita ki Jiw, kiba la ïawan sha kata ka Mari, haba ki la ïohi ruh ïa kiei kiei ruh ïa kiba U Jisu u la leh, ki la ngeit ha u.

ÏOANNIS 2:11

Ïa kane ka banyngkong na ki kambah jong u, U Jisu u la leh ha Kana Galilaïa, bad u la pynpaw ïa la ka burom; te ki synran jong u ki la ngeit ha u.

ÏOANNIS 2:13

Te Ka Niam Ka Jinglait jong ki Jiw ka la jan, bad U Jisu u la leit kiew sha Jerusalem.

ÏOANNIS 3:2

Une u la wan ha U Jisu mynmiet, bad u la ong ha U, “Ko Nonghikai, ngi tip ba me long u nonghikai uba la wan na U Blei, namar ym don uba lah ban leh ïa kine ki kambah ïa kiba me leh, lymda U Blei u long ryngkat bad u.”

ÏOANNIS 4:45

Te ynda u la poi sha Galilaïa, kita ki nong Galilaïa ki la pdiang sngewbha ïa u, haba ki la ïohi ïa kiei kiei baroh ïa kiba u la leh ha Jerusalem ha kata Ka Jingkhawai Niam: namar ki ruh, ki la leit sha kata Ka Jingkhawai Niam.

ÏOANNIS 5:36

Hynrei, ma nga, nga don ka jingphla kaba kham khraw ïa ka jong u Ïoannis; namar kita ki jingleh ïa kiba U Kpa u la aiti ha nga ba ngan ïoh pyndep ïa ki, kita kijuh hi ki jingleh kiba nga leh, ki ïaphla shaphang jong nga, ba uta U Kpa u la phah ïa nga.

ÏOANNIS 6:14

Ynda kita ki briew ki la ïohi ïa kata ka kambah ïa kaba U Jisu u la leh, ki la ïa-ong, “Une u long shisha uta u nongïathuhlypa u ban sa wan ha ka pyrthei.”

ÏOANNIS 6:2

Bad u paidbah babun u la bud ïa U, naba ki la ïohi ïa ki kambah kiba U la leh ha ki bapang.

ÏOANNIS 7:31

Shibun te na uta u paidbah ki la ngeit ha u; bad ki la ïakylli, “Uta U Khrist ynda u la wan, hato un leh kham bun ki kambah ïa kine ïa kiba une u la leh?”

GALATIA 5:6

Namar ha U Khrist Jisu, ka jingotsher kam lah leh ei ei ruh, lymne ka jingbym-otsher, hynrei, ka jingngeit kaba trei da ka jingieit.

1 ÏOANNIS 3:23

Te kane ka long ka hukum jong u, ba ngin ngeit ha ka kyrteng U Khun jong u, U Jisu Khrist, bad ba ngin ïa-ieit paralok hi, kumba u la ai ïa ka hukum ha ngi.