ÏOANNIS 2:22 - KA BAIBL

²² Namar kata, ynda la pynmih pat ïa u na ki baïap, ki synran jong u ki la ïakynmaw ba u la lah ong ïa kane ha ki; te ki la ngeit ïa Ka Jingthoh, bad ïa kata ka ktien ïa kaba la lah ong U Jisu.

Khasi CL Bible (BSI)

²² Kumta haba la pynmihpat ïa u na ka jingïap, ki synran jong u ki la kynmaw ba u la lah ong ïa kane, bad ki la ngeit ïa ka Jingthoh Bakhuid bad ïa kaei kaba U Jisu u la ong.

ÏOANNIS 2:22 ပူးပေါင်းရင်းမြစ်များ

SALM 16:10

Naba men ym iehnoh ïa ka mynsiem jong nga ha ka jaka bymïohi; lymne men ym shah ïa u bakhuid jong me ban shem ïa kaba pyut.

LOUKAS 24:26

Ym long kaba la dei ïa uba U Khrist ban shah ïa kine kiei kiei ruh, bad ban leit bsut hapoh ka burom jong u?”

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

ÏOANNIS 12:16

Ïa kine kiei kiei ruh, ki synran jong u te kim shym la shemphang ha kaba mynnyngkong: hynrei, ynda la pyndonburom ïa U Jisu, ynda kumta, ki la ïakynmaw ba la lah thoh ïa kine kiei kiei ruh shaphang jong u, bad ba ki la lah leh ïa kine kiei kiei ruh ïa u.

ÏOANNIS 14:26

Hynrei, uta U Nongpyntngen, U Mynsiem Bakhuid, ïa uba uta U Kpa un phah ha ka kyrteng jong nga, uta keiñ, un hikai ïa phi ïa kiei kiei baroh, bad un pynkynmaw ïa phi ïa kiei kiei baroh kiba nga la ong ha phi.

ÏOANNIS 16:4

Hynrei, ïa kine kiei kiei ruh, nga la ïathuh ha phi, ba ynda la jia kata ka por, phin ïoh kynmaw ïa ki, ba nga, nga la ïathuh ha phi: “Ïa kine kiei kiei ruh te, ngam shym la ong ha phi ha kaba mynnyngkong, naba nga la ju don lem bad phi.

ÏOANNIS 2:11

Ïa kane ka banyngkong na ki kambah jong u, U Jisu u la leh ha Kana Galilaïa, bad u la pynpaw ïa la ka burom; te ki synran jong u ki la ngeit ha u.

ÏOANNIS 2:17

Te ki synran jong u ki la ïakynmaw ba don kaba la thoh: “Ka jingsngew-shitrhem ïa ka ïing jong me ka bam duh ïa nga.”

ÏOANNIS 2:2

La khot ruh ïa U Jisu, bad ïa ki synran jong u de, sha kata ka jingkhawai shongkurim.

KI KAM 11:16

te nga la kynmaw ïa kata ka jingong U Trai, kumno ba u la ong, ‘U Ïoannis shisha u la pynbaptis da ka um, hynrei, yn pynbaptis ïa phi da U Mynsiem Bakhuid.’

KI KAM 13:33

Kumba la thoh ruh ha ka Salm ka ba-ar; “ ‘Me long U Khun jong nga, ha kane ka sngi nga la pynkha ïa me.’