ÏOANNIS 2:11 - KA BAIBL

¹¹ Ïa kane ka banyngkong na ki kambah jong u, U Jisu u la leh ha Kana Galilaïa, bad u la pynpaw ïa la ka burom; te ki synran jong u ki la ngeit ha u.

Khasi CL Bible (BSI)

¹¹ U Jisu u la leh ïa kane ka kambah kaba nyngkong ha Kana ha Galilaïa; hangta, u la pynpaw ïa ka burom jong u, bad ki synran jong u ki la ngeit ha u.

ÏOANNIS 2:11 ပူးပေါင်းရင်းမြစ်များ

1 SYIEM 17:24

Kata ka kynthei te ka la ong ha u Elijah, “Mynta nga tip ba me long u briew U Blei, bad ba ka ktien U Trai ha ka shyntur jong me ka long kaba shisha.”

SALM 72:19

bad to long ba la kyrkhu ïa ka kyrteng ba-donburom jong u junom; bad to ai ban pyndap ïa ka khyndew baroh da ka burom jong u. Amen, bad Amen.

SALM 96:3

To ïathuhkhana ïa ka burom jong u hapdeng ki jaid bynriew, ïa ki kam baphylla jong u hapdeng ki kynja bynriew baroh.

EKSODOS 14:31

Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

EKSODOS 4:9

Hynrei, lada kin ym ngeit ruh ïa kine ki dak baroh ar, lymne sngap ïa ka ktien jong me, to men shim na ka um jong kata ka wah, bad theh ïa ka ha ryngkew: bad kata ka um ïa kaba me shim na kata ka wah kan sa kylla snam ha ryngkew.”

EKLESIASTIS 9:7

To khie me, bam la u kpu da kaba kmen, bad dih la ka Waiñ da ka dohnud basngewkmen; namar U Blei u la pdiang lypa ïa ki kam jong me.

ISAÏAH 40:5

bad ïa ka burom U Trai yn sa pynpaw, bad ka doh baroh kan ïohi lang ïa ka: naba ka shyntur U Trai ka la kren ïa ka.”

MALAKHI 2:2

Lada phin ym sngap, bad lada phin ym pyrkhat, ïa ka ban ai burom ïa ka kyrteng jong nga,” ong U Trai ki paid, “te ngan phah ïa ka jingtim halor jong phi, bad ngan tim ïa ki jingkyrkhu jong phi: shisha keiñ, nga la tim lypa ïa ki, namar ba phim pyrkhat ïa kane.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:17

Naba ïa Ka Hukum la ai da u Moses; hynrei, ka jingaiei bad ka jingshisha ki la wan da U Jisu Khrist.

ÏOANNIS 1:43

Ha kaba lashai, U Jisu u la mon ban leit noh sha Galilaïa; bad U shem ïa u Philip, bad U ong ha u, “To bud ïa nga.”

ÏOANNIS 1:50

U Jisu u la ïathuh bad U la ong ha u, “Naba nga la ong ha me, ‘Nga la ïohi ïa me hapoh uto u dieng Dumbur’, me ngeit? Men ïohi keiñ ïa kiei kiei ruh kiba kham khraw ïa kine.”

ÏOANNIS 10:41

Te shibun ki la ïawan ha u, bad ki la ïa-ong, “U Ïoannis shisha um shym la leh kano kano ka kambah, hynrei, baroh kat kaba u Ïoannis u la kren shaphang une, ka long kaba shisha.”

ÏOANNIS 11:15

te na ka bynta jong phi nga sngewkmen ba ngam shym la don hangta, ba phin ïoh ngeit; hynrei, ïa, ngin ïaleit sha u.”

ÏOANNIS 11:47

Ynda kumta, ki rangbah lyngdoh bad kita ki Pharisi, ki la ïalang dorbar, bad ki la ïa-ong, “Ngi leh aïu? naba une u briew u leh shibun ki dak khyllah;

ÏOANNIS 12:18

Namar kata, uta u paidbah ruh u la wan tan ïa U, naba ki la ïohsngew ba U la lah leh ïa kane ka dak khyllah.

ÏOANNIS 12:37

Hynrei, haba u la lah leh katta ki dak khyllah ha khmat jong ki, pynban, kim shym la ngeit ha u:

ÏOANNIS 12:41

Ïa kine kiei kiei ruh, u Isaïah u la ong, mynba u la ïohi ïa ka burom jong U, bad ba u la kren shaphang jong U.

ÏOANNIS 14:13

Te kaei kaei ruh ba phin pan ha ka kyrteng jong nga, ïa kata ngan leh, ba yn ïoh pyndonburom ïa U Kpa ha U Khun.

ÏOANNIS 16:27

namar uta U Kpa hi u ieit ïa phi, naba phi, phi la ieit ïa nga, bad phi la ngeit ba nga, nga la mih noh na U Blei.

ÏOANNIS 16:30

Mynta ngi ïasngewthuh ba me tip ïa kiei kiei baroh, bad mem donkam ba uno uno ruh un ïoh kylli ïa me: da kane ngi ïangeit ba me la mih noh na U Blei.”

ÏOANNIS 2:1

Ha ka balai ka sngi te la don ka jingkhawai shongkurim ha Kana Galilaïa: bad ka kmie U Jisu ka la don hangta.

ÏOANNIS 2:23

Te katba u dang don ha Jerusalem ha kata Ka Jingkhawai Niam Ka Jinglait, shibun ki la ngeit ha ka kyrteng jong u, ynda ki la ïohi ïa ki dak phylla jong u ïa kiba u la leh.

ÏOANNIS 3:2

Une u la wan ha U Jisu mynmiet, bad u la ong ha U, “Ko Nonghikai, ngi tip ba me long u nonghikai uba la wan na U Blei, namar ym don uba lah ban leh ïa kine ki kambah ïa kiba me leh, lymda U Blei u long ryngkat bad u.”

ÏOANNIS 4:3

u la iehnoh ïa ka Judia, bad u la leit pat sha Galilaïa.

ÏOANNIS 4:46

Kumta, U Jisu u la leit pat sha Kana Galilaïa, ha kaba u la lah pynlong Waiñ ïa ka um. La don te uwei u rangbah syiem, uba u khun jong u, u la pang ha Kapernam.

ÏOANNIS 4:54

Ïa kane pat ka kambah ka ba-ar U Jisu u la leh, hadien ba u la wan na Judia sha Galilaïa.

ÏOANNIS 5:23

ba baroh kin burom ïa U Khun, kumjuh kumba ki burom ïa U Kpa. Uta u bymburom ïa U Khun, um burom ïa U Kpa uba la phah ïa u.

ÏOANNIS 6:14

Ynda kita ki briew ki la ïohi ïa kata ka kambah ïa kaba U Jisu u la leh, ki la ïa-ong, “Une u long shisha uta u nongïathuhlypa u ban sa wan ha ka pyrthei.”

ÏOANNIS 6:2

Bad u paidbah babun u la bud ïa U, naba ki la ïohi ïa ki kambah kiba U la leh ha ki bapang.

ÏOANNIS 6:26

U Jisu u la ïathuh ha ki, bad u la ong, “Shisha, shisha nga ong ha phi, Phi wad ïa nga, ym naba phi la ïohi ïa ki kambah, hynrei, naba phi la ïabam na kita ki kpu, bad phi la kdang.

ÏOANNIS 6:30

Namar kata, ki la ïakylli ïa u, “Kaei ka dak phylla ba me leh te, ba ngin ïohi bad ba ngin ïoh ngeit ha me? Kaei kaba me leh?

ÏOANNIS 7:31

Shibun te na uta u paidbah ki la ngeit ha u; bad ki la ïakylli, “Uta U Khrist ynda u la wan, hato un leh kham bun ki kambah ïa kine ïa kiba une u la leh?”

ÏOANNIS 9:16

Ynda kumta, kiba na kita ki Pharisi ki la ïa-ong, “Une u briew um long na U Blei, naba um sumar ïa ka sngi Sabbaton.” Kiwei pat ki la ïa-ong, “Kumno u briew u bapop u lah ban leh ïa ki kambah kat kine?” Kumta, la don ka jingïaprat ktien hapdeng jong ki.

2 KORINTH 3:18

Hynrei, ma ngi baroh da ka khmat khlem da kah noh, da kaba ngi khmih shai kumba ha ka ïit ïa ka burom U Trai, la nang pynkylla nang pynkylla dur ïa ngi sha kata kajuh hi ka dur na ka burom sha ka burom, kumba na U Trai uba U Mynsiem.

2 KORINTH 4:17

Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut,

2 KORINTH 4:6

Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

DEUTERONOMI 5:24

bad phi la ïa-ong, ‘Ha khmih, U Trai uba U Blei jong ngi u la pyni ha ngi ïa la ka burom, bad ïa la ka jingkhraw, ngi la ïohsngew ruh ïa ka jingsawa ktien jong u napdeng kata ka ding: ngi la ïohi keiñ ha kane ka sngi, ba U Blei u kren ha u briew, bad ba u im ruh.

1 ÏOANNIS 5:13

Ïa kine kiei kiei ruh nga la thoh ha phi, khnang ba phin da ïoh tip ba phi don ka jingim bymjukut, ha phi keiñ kiba ngeit ha ka kyrteng U Khun U Blei.