ÏOANNIS 2:10 - KA BAIBL

¹⁰ “U briew baroh u ju buh ha khmat ïa ka Waiñ ka babha, nyngkong; bad ynda ki la ïadih bha, sa ïa kaba kham sniew; me pat, me la tyngkai ïa ka Waiñ ka babha haduh mynta.”

Khasi CL Bible (BSI)

¹⁰ kumta u la phah khot ïa u nongleitkurim, bad u la ong ha u, “U briew baroh u ai shuwa ïa ka waiñ kaba bha tam, bad hadien ba kiba la shah khot sngewbha ki la dih pahuh, u pynbud sa da ka waiñ kaba kham duna ka jingmad. Hynrei ma me, me tyngkai ïa ka waiñ kaba bha tam haduh mynta!”

ÏOANNIS 2:10 ပူးပေါင်းရင်းမြစ်များ

JENESIS 43:34

U ruh u la phah hi ïa ki pliang jingbam na khmat jong u sha ki: hynrei, ka pliang jingbam jong u Benjamin ka la tam san shah ïa kano kano na ki jong ki baroh. Kumta, ki la ïadih, bad ki la ïakhawai sngewbha bad u.

SALM 104:15

bad ïa ka Waiñ kaba pynkmen ïa ka dohnud u briew, bad ka umphniang ïa ka ban pyntyngshaiñ ïa ka khmat jong u, bad ïa u kpu uba pynkhlaiñ ïa ka dohnud u briew.

JINGRWAI SOLOMON 5:1

Nga la wan ha la ka kper, ko ka para jong nga, ko ka nongteh kurim jong nga: nga la lum ïa ka mirr lem bad ka musla jong nga; nga la bam ïa ka rewngap bad ka ngap jong nga; nga la dih ïa ka Waiñ bad ka dud jong nga. To bam, ko lok; to dih, to dih pahuh keiñ, ko ba-ieit jong nga.

MATHAÏOS 24:49

bad u sdang ban shoh ïa ki para shakri jong u, bad ban ïabam ïadih ruh lem bad ki babuaid;

LOUKAS 12:45

Hynrei, lada uta u shakri un ong ha la ka dohnud, ‘U Kynrad jong nga u tud ban wan’; bad un sdang ban shoh ïa ki shakri shynrang bad kynthei, bad ban bam ban dih, bad ban buaid de;

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

KI KAM 2:15

naba kine, kim buaid kumba tharai ma phi, namar ka dang shi por ka sngi.

1 KORINTH 11:21

Namar ha kaba phi ïabam, uwei u shim la ka jingbam miet shuwa ïa uwei; te uwei u sngewthngan, uwei te u buaid.

EPHESOS 5:18

Bad to wat long phi kiba buaid da ka Waiñ, ha kaba don ka jingkhynwin, hynrei, to long kiba la dap da U Mynsiem;

1 THESSALONI 5:7

Naba kita kiba ïohthiah, ki thiah mynmiet; bad kita kiba ïabuaid, ki ïabuaid mynmiet.

JINGPYNPAW 17:2

bad ka kita ki syiem jong ka khyndew ki la ïaklim sih, bad la pynbuaid ïa kita kiba shong ha ka khyndew da ka Waiñ kata ka jingklim sih jong ka.”

JINGPYNPAW 17:6

Bad nga la ïohi ïa kata ka briew ba ka buaid da ka snam jong kita ki riewkhuid, bad da ka snam kita ki nongphla ba shahïap jong U Jisu: Te haba nga la ïohi ïa ka, nga la sngewphylla da ka jingsngewphylla bakhraw.