ÏOANNIS 18:4 - KA BAIBL

⁴ U Jisu te ba u tip ïa kiei kiei baroh ki ban sa jia ha u, haba u la mih noh, u la ong ha ki, “Ïano phi ïawad?”

Khasi CL Bible (BSI)

⁴ U Jisu u la tip ïa kaei kaei baroh ka ban sa jia ïa u, kumta u la tur sha khmat bad u la kylli ïa ki, “Ïano phi ïawad?”

ÏOANNIS 18:4 ပူးပေါင်းရင်းမြစ်များ

1 SYIEM 18:10

Katba im U Trai U Blei jong me, ym don ka jaid bynriew lane ka hima, sha kaba u kynrad jong nga um shym la phah ban wad ïa me: bad haba ki ong, ‘Um don hangne’, u pynsmai ïa kata ka hima bad kata ka jaid bynriew, ba kim shym la shem ïa me.

NEHEMAÏAH 6:11

Bad nga la ong, “Hato dei u briew uba kat nga u ban phet ïap noh? bad don mano uba kat nga, u ban leit ha ka templ ïa ka ban ri pynim ïa lade? Ngan ym leit bsut.”

SALM 27:3

La u paidïapom u shong dara ïaleh ïa nga, ka dohnud jong nga kan ym sheptieng: la ka thma ka ïeng ïaleh ïa nga, ha kane ruh, ngan sngewshngain.

SALM 3:6

Ngan ym sheptieng ïa ki shiphew hajar ki briew, kiba la ïeng ïaleh ïa nga baroh sawdong.

PROBERB 28:1

U bymman u phet ïap ha bymdon ba beh ïa u: hynrei, ki bahok ki shlur kum u sing.

MATHAÏOS 16:21

Naduh kata, U Jisu u la sdang ban pyni ha ki synran jong u, ba ka dei ïa u ban leit noh sha Jerusalem, ban shah ruh shibun kiei kiei na ki tymmen basan bad na ki rangbah lyngdoh bad na ki nongthoh de, bad ba yn pynïap ruh ïa u, bad ba yn pynmih pat ïa u ha ka balai ka sngi.

MATHAÏOS 26:2

“Phi tip ba ynda sa ar sngi kan long Ka Niam Ka Jinglait; ynda kumta, yn ai noh ïa U Khun u briew ïa ka ban sahnarphna ïa u.”

MATHAÏOS 26:21

Te haba ki dang ïabam, u la ong, “Shisha nga ong ha phi, ba uwei na phi un die noh ïa nga.”

MATHAÏOS 26:31

Mynkata U Jisu u la ong ha ki, “Phi baroh phin thut na nga ha kane ka miet, naba la thoh: ‘Ngan shoh ïa u nongsharai bad yn pynsaphred ïa ki langbrot jong ka kynhun.’

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

ÏOANNIS 13:1

Te mynshuwa kata Ka Jingkhawai Niam Ka Jinglait, haba U Jisu u la tip ba kata ka por jong u ka la jia, ba un leit noh na kane ka pyrthei sha U Kpa, haba u la ieit ïa la ki jong kiba don ha ka pyrthei, u la ieit ïa ki haduh ka bakut.

ÏOANNIS 13:11

Naba U la lah tip uei u ban sa die noh ïa U; namar kata, U la ong, “Phim long ki bakhuid baroh.”

ÏOANNIS 18:5

Ki la ïathuh ha u, “Ïa U Jisu u nong Nasaret.” U Jisu u ong ha ki, “Nga long ma u.” Te u Judas ruh, uba la die noh ïa U, u la ïeng lem bad ki.

ÏOANNIS 18:7

Namar kata, U la kylli ïa ki pat, “Ïano phi ïawad?” Ki te ki la ïa-ong, “Ïa U Jisu u nong Nasaret.”

ÏOANNIS 19:28

Hadien kane, haba U Jisu u tip ba la pyndep mynta ïa kiei kiei baroh, ba yn ïoh pyndep ïa Ka Jingthoh, u ong, “Nga sliang.”

ÏOANNIS 6:64

Hynrei, don kiba na phi ki bymngeit.” (Namar U Jisu u la lah tip naduh kaba mynnyngkong, kino kita ki bymngeit, bad uno uta u ban die noh ïa u.)

KI KAM 2:28

Me la pyntip ïa nga ïa ki lynti ka jingim; men pyndap ïa nga da ka jingkmen ha khmat jong me.’

1 PETROS 4:1

Namar kata, haba U Khrist u la shah shitom ha ka doh, te ma phi ruh, to phin kieng atiar ïa lade da kata kajuh ka jingmut; naba jar uba la shah shitom ha ka doh u la wai noh na ka pop;