ÏOANNIS 18:3 - KA BAIBL

³ Ynda kumta, u Judas haba u la ïoh shi kynhun ki shipai, bad ïa ki shakri rangbah na ki rangbah lyngdoh bad na ki Pharisi, u la wan hangta lem bad ki sharak bad ki jingtbeh ding bad ki atiar.

Khasi CL Bible (BSI)

³ Kumta u Judas u la leit sha kata ka kper, u da ïalam bad u ïa ka kynhun ki shipai Rom, bad katto katne ki nongap phira jong ka Templ ïa kiba la phah da ki rangbah lyngdoh bad ki Pharisi; ki la long kiba la kieng atiar bad ki la rah ïa ki sharak bad ki dongmusa.

ÏOANNIS 18:3 ပူးပေါင်းရင်းမြစ်များ

SALM 22:12

Shibun ki masi kyrtong ki la ker sawdong ïa nga: ki masi kyrtong ki bakhlaiñ ka Bashan ki la ker kut ïa nga.

MATHAÏOS 25:1

“Ynda kumta, ka hima ki bneng kan long kum ki shiphew ngut ki theisotti, kiba haba ki la shim ïa ki sharak jong ki, ki la mih noh ïa ka ban leit tan ïa u nongleit-kurim.

ÏOANNIS 13:2

Te haba ki dang ïabam jingbam miet, haba u Soitan u la suh buit lypa ha ka dohnud u Judas Iskariot u khun u Simon, ba un die noh ïa U,

ÏOANNIS 18:12

Ynda kumta, kata ka kynhun bad u rangbah shihajar, bad ki shakri rangbah jong ki Jiw, ki la ïakem ïa U Jisu bad ki la ïakhum ïa u,

ÏOANNIS 18:18

Te kita ki shakri bad kita ki shakri rangbah haba ki la sliew ding rnga, naba ka pjah, ki la ïasyaid ding ruh; u Petros de u la ïeng lem bad ki bad u syaid ding.

ÏOANNIS 18:22

Te haba U la lah kren ïa kine kiei kiei ruh, uwei na kita ki shakri rangbah uba la ïeng hajan u la thab ïa U Jisu, u da ong, “Kumta du me phai ktien ha u rangbah lyngdoh?”

ÏOANNIS 19:6

Mynba kita ki rangbah lyngdoh bad kita ki shakri ki la ïohi te ïa U, ki la ïapyrta ki da ong, “To sahnarphna, sahnarphna!” U Pilat u ong ha ki, “To shim ma phi hi ïa U, bad to sahnarphna; namar nga, ngam shem ka jingpalat satia ha U.”

ÏOANNIS 7:32

Ki Pharisi ki la ïohsngew ïa uta u paidbah ba u ïakren pasiaw ïa kine kiei kiei ruh shaphang jong U; te kita ki Pharisi bad ki rangbah lyngdoh ki la ïaphah ïa ki shakri dorbar, ba kin kem ïa U.

KI KAM 1:16

“Ko para, ka la dei ban pyndep ïa kata Ka Jingthoh, ïa kaba U Mynsiem Bakhuid u la kren mynshuwa da ka shyntur u Dabid shaphang u Judas, uba la long u nongïalam ïa kita kiba la kem ïa U Jisu:

KI KAM 10:1

Te la don ha Kaisaria uwei u briew uba kyrteng “u Kornilios”, u rangbah shispah na ka kynhun shipai ba la khot “Ka Italia”,