ÏOANNIS 17:8 - KA BAIBL

⁸ namar kita ki ktien kiba me la ai ha nga, nga la aiti ha ki, ki te ki la pdiang; bad ki tip shisha ba nga la mih noh na me, bad ki la ïangeit ba la phah ma me ïa nga.

Khasi CL Bible (BSI)

⁸ Nga la ai ha ki ïa ka khubor kaba me la ai ha nga, bad ki la pdiang ïa ka; ki tip ba ka long kaba shisha ba nga la wan na me, bad ki ngeit ba me la phah ïa nga.

ÏOANNIS 17:8 ပူးပေါင်းရင်းမြစ်များ

PROBERB 1:23

To phai phi ha ka jingsneng jong nga: ha khmih, ngan theh noh ïa ka mynsiem jong nga: ha phi, ngan pyntip ha phi ïa ki ktien jong nga.

PROBERB 1:3

ban pdiang ïa ka jinghikai ha ka jingleh sian, ha ka hok bad ka jingbishar bad ka jingbeit;

PROBERB 2:1

Ko khun, lada men pdiang ïa ki ktien jong nga, bad kynshew ïa ki hukum jong nga bad me;

PROBERB 4:10

To sngew, ko khun, bad to pdiang ïa ki jingong jong nga; te ki snem ka jingim jong me kin long shibun.

PROBERB 8:10

To pdiang ïa ka jinghikai jong nga, te ym ïa ka rupa: bad ïa ka jingtip ban ïa ka ksiar ba la kynsai.

MATHAÏOS 13:11

U da ïathuh te u la ong ha ki: “Naba la ai ha phi ban tip ïa ki maïan ka hima ki bneng, hynrei, ym shym la ai ha ki.

ÏOANNIS 12:49

Naba nga ngam shym la kren na lade; hynrei, uta U Kpa uba la phah ïa nga, uta u la ai ka hukum ha nga, kaei ba ngan ong, bad kaei ba ngan kren.

ÏOANNIS 14:10

Mem ngeit ba nga, nga long ha U Kpa, bad uta U Kpa ha nga? Kita ki ktien ïa kiba nga kren ma nga ha phi, ngam kren na lade; hynrei, uta U Kpa uba shongneh ha nga, u hi u leh ïa ki jingleh jong u.

ÏOANNIS 15:15

Ngam khot shuh ki shakri ïa phi, naba u shakri um tip ïa kaei ba u leh u kynrad jong u: hynrei, nga la khot ‘ki lok’ ïa phi, namar ïa kiei kiei baroh kiba nga la ïohsngew na U Kpa jong nga, nga la pyntip ha phi.

ÏOANNIS 16:27

namar uta U Kpa hi u ieit ïa phi, naba phi, phi la ieit ïa nga, bad phi la ngeit ba nga, nga la mih noh na U Blei.

ÏOANNIS 16:30

Mynta ngi ïasngewthuh ba me tip ïa kiei kiei baroh, bad mem donkam ba uno uno ruh un ïoh kylli ïa me: da kane ngi ïangeit ba me la mih noh na U Blei.”

ÏOANNIS 17:14

Ïa kata ka ktien jong me nga, nga la aiti ha ki; kata ka pyrthei te ka la shun ïa ki, naba kim long na ka jong ka pyrthei, kumba nga ngam long na ka jong ka pyrthei.

ÏOANNIS 17:18

Kumba me la phah ïa nga sha ka pyrthei, kumta nga ruh nga la phah ïa ki sha ka pyrthei.

ÏOANNIS 17:21

ba baroh kin ïalong shitylli; kum ma me, ko Kpa, ha nga, nga ruh ha me, ba ki ruh kin ïalong shitylli ha ngi; ba kata ka pyrthei kan ïoh ngeit ba la phah ma me ïa nga.

ÏOANNIS 17:23

ma nga ha ki, bad ma me ha nga, ba kin ïalong ïa kiba la ïa-pynjanai ha kaba shitylli; ba kata ka pyrthei te kan ïoh tip ba la phah ma me ïa nga, bad ba me la ieit ïa ki kumjuh kumba me la ieit ïa nga.

ÏOANNIS 17:3

Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

ÏOANNIS 3:17

Naba U Blei um shym la phah ïa la U Khun sha ka pyrthei ba un pynrem ïa ka pyrthei, hynrei, ba yn pynim ïa ka pyrthei da u.

ÏOANNIS 3:33

Uta uba la pdiang ïa ka jingphla jong u, u la pynskhem ba U Blei u long uba shisha.

ÏOANNIS 6:68

Ynda kumta, u Simon Petros u la ïathuh ha U, “Ko Trai, dei hano pat ngin ïaleit? me, me don ki ktien ka jingim bymjukut,

ÏOANNIS 8:42

U Jisu u la ïathuh ha ki, “Lada U Blei u la long U Kpa jong phi, phin da la ieit ïa nga, namar na U Blei nga la mih noh bad nga la wan; namar na lade hi ruh ngam shym la wan, hynrei, la phah ma u ïa nga.

1 KORINTH 11:23

Naba nga la pdiang na U Trai ïa kaba nga la aiti pateng ruh ha phi, ba U Jisu uba U Trai, ha kata ka miet ha kaba la die noh ïa u, u la shim ïa u kpu;

1 KORINTH 15:1

Te nga pyntip ha phi, ko parabangeit, ïa kata ka gospel ïa kaba nga la ïalap ha phi, bad ïa kaba phi la pdiang, bad ha kaba phi ïai-ïeng ruh,

DEUTERONOMI 18:18

Ngan pynmih ha ki ïa u nongïathuhlypa napdeng ki para jong ki, uba kum ma me keiñ; bad ngan buh ïa ki ktien jong nga ha ka shyntur jong u, bad un kren ha ki ïa kata baroh ïa kaba ngan hukum ïa u.

1 THESSALONI 2:13

Namar kane ruh, ngi nguh ha U Blei khlem da pud, ba haba phi la pdiang na ngi ïa ka ktien U Blei ïa kaba la pynsngew, phi la pdiang ym kum ka ktien ki briew, hynrei, kumba ka long shisha keiñ, ka ktien U Blei, kaba trei ruh ha phi kiba ngeit.

1 THESSALONI 4:1

Ha kaba wai noh te, ko parabangeit, ngi kyrpad bad ngi kyntu ïa phi ha U Trai Jisu, ba kat kumba phi la pdiang na ngi kumno ka dei ïa phi ban ïaid bad ban pynsngewbha ïa U Blei, kumba phi ïaid ruh, ba phin nang roi nang roi.

1 ÏOANNIS 4:14

Bad ngi la ïoh khmih pyllaw, bad ngi ïaphla shai, ba U Kpa u la phah ïa U Khun ban long U Nongpynim jong ka pyrthei.

JINGPYNPAW 1:1

Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u,