ÏOANNIS 17:6 - KA BAIBL

⁶ “Nga la pynpaw ïa ka kyrteng jong me ha kita ki briew kiba me la ai ha nga na ka pyrthei: ki jong me ki la long, te me la ai ïa ki ha nga, bad ki la sumar ïa ka ktien jong me.

Khasi CL Bible (BSI)

⁶ “Nga la pynithuh ïa me ha kito ïa kiba me la ai ha nga na ka pyrthei. Ki la long ki jong me, bad me la ai ïa ki ha nga.

ÏOANNIS 17:6 ပူးပေါင်းရင်းမြစ်များ

SALM 119:11

Nga la ri khop ïa ka ktien jong me ha la ka dohnud, khnang ba ngan ym leh pop ïa me.

SALM 22:22

Ngan pynbna ïa ka kyrteng jong me ha ki para jong nga: hapdeng ka jingïaseng ngan ïaroh ïa me.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

PROBERB 2:10

Namar ka jingstad kan rung shapoh ka dohnud jong me, bad ka jingtip kan long kaba sngewbha ïa ka mynsiem jong me;

PROBERB 23:23

To thied ïa ka jingshisha, bad wat die ïa ka; ïa ka jingstad ruh, bad ïa ka jinghikai, bad ïa ka jingshemphang.

ÏOANNIS 1:18

Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.

ÏOANNIS 12:28

Ko Kpa, pyndonburom ïa la ka kyrteng.” Ynda kumta, la wan ka ktien na bneng, “Nga la pyndonburom te, bad ngan pyndonburom ïa ka pat.”

ÏOANNIS 15:19

Lada phi la long na ka jong ka pyrthei, kata ka pyrthei kan da ieit ïa la ka jong; hynrei, naba phim long na ka jong ka pyrthei, hynrei, nga, nga la jied ïa phi na ka jong ka pyrthei, namar kata keiñ, kata ka pyrthei ka shun ïa phi.

ÏOANNIS 15:3

Phi mynta, phi long ki bakhuid da kata ka ktien ïa kaba nga la kren ha phi.

ÏOANNIS 15:7

Lada phi ïaineh ha nga, bad ki ktien jong nga ki ïaineh ha phi, ïa kaei kaei ruh ba phi mon, phin pan, te kan long ïa phi.

ÏOANNIS 17:12

Mynba nga la don lem bad ki, nga la sumar ïa ki ha ka kyrteng jong me: ïa kita kiba me la ai ha nga, nga la ri kyndong, bad ym don ba la jot noh na ki, hynrei, tang uta u khun ka jingjot, ba yn ïoh pyndep ïa ka jingthoh.

ÏOANNIS 17:14

Ïa kata ka ktien jong me nga, nga la aiti ha ki; kata ka pyrthei te ka la shun ïa ki, naba kim long na ka jong ka pyrthei, kumba nga ngam long na ka jong ka pyrthei.

ÏOANNIS 17:16

Kim long na ka jong ka pyrthei, kumba nga ngam long na ka jong ka pyrthei.

ÏOANNIS 17:2

kumba me la ai ha u ka bor halor ka doh baroh, ba ïa kita baroh kiba me la ai ha u, un ai ha ki ka jingim bymjukut.

ÏOANNIS 17:24

Ko Kpa, ïa kita kiba me la ai ha nga, nga kwah ba ha kaba nga don ma nga ba kita ruh kin ïadon ryngkat bad nga; ba kin ïoh khmih ïa kata ka burom jong nga kaba me la ai ha nga: naba me la ieit ïa nga mynshuwa kaba pynshong nongrim ïa ka pyrthei.

ÏOANNIS 17:26

bad ha ki nga la pyntip ïa ka kyrteng jong me, bad ngan ïaipyntip, ba kata ka jingieit da kaba me la ieit ïa nga, kan ïoh long ha ki, bad nga ruh ha ki.”

ÏOANNIS 17:7

Mynta, ki ïatip ba kiei kiei baroh kiba me la ai ha nga, ki long na me,

ÏOANNIS 18:9

Ba yn pyndep ïa kata ka ktien ïa kaba U la kren, “Na kita kiba me la ai ha nga, ngam shym la pynjah noh uwei ruh.”

ÏOANNIS 6:37

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

ÏOANNIS 6:39

Kane te ka long kata ka mon jong U Kpa uba la phah ïa nga, ba baroh ïa kaba u la ai ha nga, ngan ym ai ban duh noh ei ei ruh na ka, hynrei, ba ngan ïoh pynmih pat ïa ka ha ka sngi ka bakhatduh.

ÏOANNIS 8:51

Shisha, shisha nga ong ha phi: Lada uno uno ruh un sumar ïa ka ktien jong nga, un ym ïohi ïa ka jingïap lano lano ruh.”

ÏOANNIS 8:52

Namar kata, ki Jiw ki la ïa-ong ha u, “Mynta ngi ïatip ba me don u ksuid. U Abraham u la ïap noh, bad ki nongïathuhlypa ruh; me pynban me ong, ‘Lada uno uno ruh un sumar ïa ka ktien jong nga, un ym mad ïa ka jingïap lano lano ruh!’

KI KAM 13:48

Te haba ki Jentil ki la ïohsngew ïa kane, ki la sngewkmen, bad ki la pyndonburom ïa ka ktien U Blei, bad kat kiba la thung sha ka jingim bymjukut, ki la ngeit;

Ka Shithi U Paul Sha Ki Nong Rom 11:2

U Blei um shym la kyntait noh khoit ïa uta u paidlang jong u ïa uba u la ithuh lypa. Ne phim tip ïa kaei kaba ong Ka Jingthoh shaphang u Elias? kumno u leit kyrpad pyrshah ïa ki Israel ha U Blei, u da ong:

2 KORINTH 4:6

Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

KOLOSSAI 3:16

Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei.

2 TIMOTHI 1:13

To ïaibat ïa ka rukom ki ktien bajanai, ïa kiba me la ïohsngew na nga, ha ka jingngeit bad ka jingieit kaba ha U Khrist Jisu.

HEBRU 2:12

u da ong: “Ngan pynbna ïa ka kyrteng jong me ha ki para jong nga, hapdeng ka balang ngan rwai ïaroh ïa me.”

HEBRU 3:6

hynrei, U Khrist kum U Khun halor ka ïing jong u hi, ka ïing jong uba ngi long ma ngi, lada ngi ïaibat skhem ïa ka jingshaniah jong ngi bad ïa ka jingkmen ka jingkyrmen jong ngi haduh ka bakut.

1 PETROS 1:1

U Petros, u apostol U Jisu Khrist, Ha ki sohshnong jong ka Jingpynwir ha Pontos, Galatia, Kappadokia, Asia, bad Bithynia, kiba la jied,

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 3:10

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.

JINGPYNPAW 3:8

“ ‘Nga ithuh ïa ki jingleh jong pha; ha khmih, nga la buh ha khmat jong pha ïa ka jingkhang ïa kaba la plie, te uno uno ruh um lah ban khang ïa ka; naba pha don khyndiat khynsoit ka bor, bad pha la ri skhem ïa ka ktien jong nga, bad pham shym la len ïa ka kyrteng jong nga.