ÏOANNIS 17:5 - KA BAIBL

⁵ Te mynta, ko Kpa, to pyndonburom ma me ïa nga lem bad ma lade, da kata ka burom kaba nga la don bad me, mynshuwa ba la long ka pyrthei.

Khasi CL Bible (BSI)

⁵ Ko Pa! To ai ka burom ïa nga ha khmat jong me mynta, kajuh ka burom kaba nga la don lem bad me ha shuwa ban pynlong ïa ka pyrthei.

ÏOANNIS 17:5 ပူးပေါင်းရင်းမြစ်များ

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

ÏOANNIS 1:18

Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.

ÏOANNIS 10:30

Ma nga bad uta U Kpa ngi ïalong shitylli.”

ÏOANNIS 14:9

U Jisu u ïathuh ha u, “Nga la long slem katta katta bad phi, bad mem pat la ithuh ïa nga, ko Philip? jar uba la ïohi ïa nga, u la ïohi ïa uta U Kpa; kumno ba me ong ma me te, ‘To pyni ïa uta U Kpa ha ngi?’

ÏOANNIS 17:1

Ïa kine kiei kiei ruh U Jisu u la kren; bad u la khmied la ki khmat sha bneng, bad u la ong, “Ko Kpa, kata ka por ka la jia; to pyndonburom ïa U Khun jong me, ba uta U Khun ruh un ïoh pyndonburom ïa me:

ÏOANNIS 17:24

Ko Kpa, ïa kita kiba me la ai ha nga, nga kwah ba ha kaba nga don ma nga ba kita ruh kin ïadon ryngkat bad nga; ba kin ïoh khmih ïa kata ka burom jong nga kaba me la ai ha nga: naba me la ieit ïa nga mynshuwa kaba pynshong nongrim ïa ka pyrthei.

ÏOANNIS 3:13

Te ym don uba la leit kiew sha bneng, hynrei, tang uta uba la wan hiar na bneng, U Khun u briew keiñ, uba don ha bneng.

ÏOANNIS 8:58

U Jisu u la ïathuh ha ki, “Shisha, shisha nga ong ha phi, mynba ym pat kha ïa u Abraham, nga, nga long.”

PHILIPPI 2:6

uba haba u long ha ka dur U Blei, um shym la ñiew eh ïa ka ban bat ban long marryngkat bad U Blei,

HEBRU 1:10

Bad: “Me ha kaba mynnyngkong, A Trai, me la pynshong nongrim ïa ka khyndew; bad ki bneng ki long ki kam ki kti jong me;

HEBRU 1:3

uba haba u long ka jingtyngshaiñ ka burom jong u, bad ka dur hi ka jinglong tynrai jong u, bad uba kyrshan ïa kiei kiei baroh da ka ktien ka bor jong u, haba u la lah pynlong ka jingpynkhuid ïa ki pop, u la shong ha ka kti kamon jong U Bakhraw Tam sha jrong;

1 PETROS 1:20

ïa uba la thmu lypa naduh bym pat seng nongrim ïa ka pyrthei, hynrei, la pynmihpaw ïa u ha kine ki Ïa ki bakhatduh na ka bynta jong phi,

1 PETROS 1:21

kiba ngeit da u ha U Blei, uba la pynmih pat ïa u na ki baïap, bad uba la ai ka burom ha u; ba kumta, kata ka jingngeit jong phi bad ka jingkyrmen kin ïoh long ha U Blei.

1 ÏOANNIS 1:2

(bad ïa uta u jingim la pynpaw, bad ngi la ïohi, bad ngi ïaphla, bad ngi ïathuh shai ha phi ïa uta u jingim bymjukut, uba la don bad U Kpa, bad la pynpaw ïa u ha ngi);

JINGPYNPAW 13:8

Te kita baroh kiba shong halor ka khyndew kin ïamane dem ïa u, kiba ki kyrteng jong ki ym shym la thoh ha kata ka kitab ka jingim jong uta U Khun langbrot, ïa uba la pynïap la myndanglong ka pyrthei.

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.