ÏOANNIS 17:3 - KA BAIBL

³ Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

Khasi CL Bible (BSI)

³ Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 17:3 ပူးပေါင်းရင်းမြစ်များ

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

2 KHRONIKL 15:3

Mynta la slem bah ki Israel ki la long khlem U Blei bashisha, bad khlem u lyngdoh uba hikai, bad khlem ka hukum ruh:

SALM 9:10

bad kita kiba ithuh ïa ka kyrteng jong me kin shaniah ha me; naba me, A Trai, mem shym la iehnoh noh ïa kiba wad ïa me.

PROBERB 8:35

Naba jar uba shem ïa nga u shem ïa ka jingim, bad un ïoh ka jingisynei na U Trai.

ISAÏAH 48:16

To wan sha jan ha nga, to sngew phi ïa kane; naduh ka basdang ngam shym la kren harieh; naduh kata ka por ba ka la long, hangta nga don”: te mynta, U Trai U Blei u la phah ïa nga, bad U Mynsiem jong u.

ISAÏAH 53:11

Un ïohi ïa ka jingtrei shitom ka mynsiem jong u, bad yn pynhun: da la ka jingtip u shakri bahok jong nga un pynksan ïa ki babun: bad u un bah ïa ki jingbymhok jong ki.

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

JEREMAÏAH 10:10

Hynrei, U Trai u long U Blei uba shisha; u long U Blei u ba-im, bad u syiem u bajunom: ha ka jingbitar jong u ka khyndew ka khynñiuh, bad ki jaid bynriew kim lah shah ïa ka jingbitar baïaibat jong u.

HOSIA 6:3

To ngin ithuh ruh, to ngin nang beh ban ithuh ïa U Trai; ka jingmih jong u ka skhem kum ka step: te un wan ha ngi kum u slap, kum u 'lap khatduh uba ai um ïa ka khyndew.

MARKOS 9:37

“Uno uno ruh u ban pdiang ïa uwei na kum kine ki khynnah ha ka kyrteng jong nga, u pdiang ïa nga: bad uno uno ruh uba pdiang ïa nga, um pdiang ïa nga hi, hynrei, ïa uta keiñ uba la phah ïa nga.”

LOUKAS 9:48

bad U la ong ha ki, “Uno uno ruh u ban pdiang ïa une u khynnah ha ka kyrteng jong nga, u pdiang ïa nga; bad uno uno ruh u ban pdiang ïa nga, u pdiang ïa uba la phah ïa nga; naba uta uba long uba kham rit hapdeng jong phi baroh, uta keiñ u long uba khraw.”

ÏOANNIS 10:36

ïa uta ba U Kpa u la pynkyntang, bad ba u la phah sha ka pyrthei, phi, phi ong, ‘Me krenbeiñ Blei’; namar ba nga la ong, ‘Nga long U Khun U Blei?’

ÏOANNIS 11:42

Nga te nga tip ba me sngew ïa nga ha la ka sngi, hynrei, nga la kren na ka bynta une u paidbah uba ïeng baroh sawdong, ba kin ïoh ngeit ba la phah ma me ïa nga.”

ÏOANNIS 14:26

Hynrei, uta U Nongpyntngen, U Mynsiem Bakhuid, ïa uba uta U Kpa un phah ha ka kyrteng jong nga, uta keiñ, un hikai ïa phi ïa kiei kiei baroh, bad un pynkynmaw ïa phi ïa kiei kiei baroh kiba nga la ong ha phi.

ÏOANNIS 17:18

Kumba me la phah ïa nga sha ka pyrthei, kumta nga ruh nga la phah ïa ki sha ka pyrthei.

ÏOANNIS 17:21

ba baroh kin ïalong shitylli; kum ma me, ko Kpa, ha nga, nga ruh ha me, ba ki ruh kin ïalong shitylli ha ngi; ba kata ka pyrthei kan ïoh ngeit ba la phah ma me ïa nga.

ÏOANNIS 17:23

ma nga ha ki, bad ma me ha nga, ba kin ïalong ïa kiba la ïa-pynjanai ha kaba shitylli; ba kata ka pyrthei te kan ïoh tip ba la phah ma me ïa nga, bad ba me la ieit ïa ki kumjuh kumba me la ieit ïa nga.

ÏOANNIS 17:25

Ko Kpa bahok, kata ka pyrthei kam shym la ithuh ïa me, hynrei, nga, nga la ithuh ïa me, bad kine ki la ïatip ba la phah ma me ïa nga;

ÏOANNIS 17:8

namar kita ki ktien kiba me la ai ha nga, nga la aiti ha ki, ki te ki la pdiang; bad ki tip shisha ba nga la mih noh na me, bad ki la ïangeit ba la phah ma me ïa nga.

ÏOANNIS 3:17

Naba U Blei um shym la phah ïa la U Khun sha ka pyrthei ba un pynrem ïa ka pyrthei, hynrei, ba yn pynim ïa ka pyrthei da u.

ÏOANNIS 3:34

Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

ÏOANNIS 5:44

Kumno phi lah ban ngeit, phi kiba ïakhmih burom paralok hi, bad phim ïawad ïa kata ka burom kaba na U Blei uba tang ma u hi?

ÏOANNIS 6:57

Kumba U Kpa u ba-im u la phah ïa nga, bad nga ruh nga im da uta U Kpa, kumta, uta uba bam ïa nga, un ïoh im keiñ da nga.

ÏOANNIS 7:29

Nga, nga ithuh ïa u, naba nga long na u, bad uta keiñ u la phah ïa nga.”

ÏOANNIS 8:19

Ynda kumta, ki la ïakylli ïa u, “Hangno uta U Kpa jong me?” U Jisu u la ïathuh, “Phim ithuh lymne ïa nga lymne ïa uta U Kpa jong nga; lada phi la ithuh ïa nga, phin da la ithuh ïa uta U Kpa jong nga ruh.”

1 KORINTH 15:34

To phin da kyndit bynriew hok bad wat leh pop phi; namar don kiba khlem jingtip shaphang U Blei, khnang ïa ka ban pynsngewlehrain ïa phi, nga kren ïa kane keiñ.

1 KORINTH 8:4

Shaphang kaba bam, namar kata, na kita kiei kiei ruh ba la kñia ha ki bleithaw, ngi tip ba u bleithaw um long ei ei ruh em ha ka pyrthei, bad ba ym don U Blei, hynrei, tang uwei.

2 KORINTH 4:6

Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

PHILIPPI 3:10

ba ngan ïoh ithuh ïa u, bad ïa ka bor ka jingmihpat jong u, bad ïa ka jingïasyllok ki jingshah jong u, haba la pynsyriem ïa nga ha ka jingïap jong u;

PHILIPPI 3:8

Ho-oid, shisha keiñ, bad nga ñiew ïa kiei kiei baroh ba ki long ka jingduh na ka bynta ka jingbha kor tam jong ka jingtip ïa U Khrist Jisu uba U Trai jong nga; na ka bynta jong u, nga la duh noh ïa kiei kiei baroh, bad nga ñiew synrum ïa ki, khnang ba ngan ïoh ïa U Khrist,

1 THESSALONI 1:9

Namar ma ki hi, ki ïa-pynbna shaphang jong ngi kaba kumno ka jingpdiang jong phi ïa ngi, bad kumno phi la phai sha U Blei na ki bleithaw, ban shakri ïa U Blei ba-im bad bashisha,

2 THESSALONI 1:8

ha ka ding ba-meh, u da pynhiar kput ha kita ki bymithuh ïa U Blei, bad ha kita ki bymkohnguh ïa ka gospel ka jong U Trai Jisu jong ngi;

HEBRU 3:1

Naba kumta, ko parabangeit bakhuid, ki nongïoh bynta na ka jingkhot bakynja bneng, to phin pyrkhat ïa u Apostol bad U Rangbah lyngdoh ka jingphla jong ngi, U Jisu keiñ;

2 PETROS 1:2

To long ba yn pynman bun ha phi ïa ka jingaiei bad ïa ka jingsuk ha kaba ithuh ïa U Blei bad ïa U Jisu uba U Trai jong ngi.

2 PETROS 1:3

Kumba ka bor Blei jong u ka la ai ha ngi ïa kiei kiei baroh kiba dei sha ka jingim bad ka jingriewblei, da kaba ithuh ïa uta uba la khot ïa ngi da ka burom bad ka jingbha jong u hi:

2 PETROS 1:8

Namar haba kine kiei kiei ruh ki ïadon ha phi, bad ki ïaman bun, ki ïa-pynlong ïa phi ban ym long kiba alhia, lymne ki bymsei soh ha kata ka jingtip babiang ïa U Jisu Khrist uba U Trai jong ngi.

1 ÏOANNIS 1:2

(bad ïa uta u jingim la pynpaw, bad ngi la ïohi, bad ngi ïaphla, bad ngi ïathuh shai ha phi ïa uta u jingim bymjukut, uba la don bad U Kpa, bad la pynpaw ïa u ha ngi);

1 ÏOANNIS 1:3

ïa kata kaba ngi la ïohi bad ngi la ïohsngew, ngi ïathuh shai ha phi, ba ma phi ruh, phin ïoh ka jingïasyllok lem bad ngi: bad kata ka jingïasyllok de ka jong ngi ka long lem bad U Kpa bad U Khun jong u ruh U Jisu Khrist.

1 ÏOANNIS 2:23

Uwei pa uwei baroh uba len noh ïa U Khun, um don ruh ïa uta U Kpa: uta uba phla ïa U Khun, u don uta U Kpa ruh.

1 ÏOANNIS 4:6

ma ngi, ngi long na U Blei: uta uba ithuh ïa U Blei u sngew ïa ngi; uta u bymlong na U Blei um sngew ïa ngi. Na kane ngi ithuh ïa kata ka mynsiem jong ka jingshisha, bad ïa kata ka mynsiem jong ka jingshukor.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.