ÏOANNIS 17:2 - KA BAIBL

² kumba me la ai ha u ka bor halor ka doh baroh, ba ïa kita baroh kiba me la ai ha u, un ai ha ki ka jingim bymjukut.

Khasi CL Bible (BSI)

² Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

ÏOANNIS 17:2 ပူးပေါင်းရင်းမြစ်များ

SALM 110:1

U Trai u la ong ha U Trai jong nga, “To shong ha ka kti kamon jong nga, tad ynda ngan pynlong ïa ki nongshun jong me ka jingïuh kjat ïa me.”

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

MATHAÏOS 11:27

Kiei kiei baroh la ai ha nga na U Kpa jong nga: ym don ruh uba ithuh ïa U Khun, hynrei, tang U Kpa; lymne uba ithuh ïa U Kpa, hynrei, tang U Khun, bad uta ha uba uta U Khun u mon ban pynpaw ïa u.

MATHAÏOS 25:46

Kine kin leit noh te sha ka shitom bymjukut, hynrei, ki bahok sha ka jingim bymjukut.”

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

ÏOANNIS 17:24

Ko Kpa, ïa kita kiba me la ai ha nga, nga kwah ba ha kaba nga don ma nga ba kita ruh kin ïadon ryngkat bad nga; ba kin ïoh khmih ïa kata ka burom jong nga kaba me la ai ha nga: naba me la ieit ïa nga mynshuwa kaba pynshong nongrim ïa ka pyrthei.

ÏOANNIS 17:6

“Nga la pynpaw ïa ka kyrteng jong me ha kita ki briew kiba me la ai ha nga na ka pyrthei: ki jong me ki la long, te me la ai ïa ki ha nga, bad ki la sumar ïa ka ktien jong me.

ÏOANNIS 17:9

Nga, nga duwai na ka bynta jong ki, ngam duwai na ka bynta kata ka pyrthei, hynrei, na ka bynta kito kiba me la ai ha nga; naba ki long ki jong me.

ÏOANNIS 3:35

U Kpa u ieit ïa U Khun, bad u la ai ïa kiei kiei baroh ha ka kti jong u.

ÏOANNIS 4:14

hynrei, uno uno ruh u ban dih na kata ka um, ïa kaba nga ngan ai ha u, un ym sliang lano lano ruh; hynrei, kata ka um, ïa kaba ngan ai ha u, kan long ha u ka pukri ka um kaba kyrsoi sha ka jingim bymjukut.”

ÏOANNIS 6:27

Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”

ÏOANNIS 6:37

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

ÏOANNIS 6:39

Kane te ka long kata ka mon jong U Kpa uba la phah ïa nga, ba baroh ïa kaba u la ai ha nga, ngan ym ai ban duh noh ei ei ruh na ka, hynrei, ba ngan ïoh pynmih pat ïa ka ha ka sngi ka bakhatduh.

Ka Shithi U Paul Sha Ki Nong Rom 6:23

Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi.

1 KORINTH 15:25

Namar ka dei ïa u ban synshar tad ynda u la pyndem ïa ki nongshun jong u baroh hapoh ki kjat jong u.

EPHESOS 1:20

kaba u la trei ha U Khrist, mynba u la pynmih pat ïa u na ki baïap, bad u la pynshong ïa u sha ka kti kamon jong u ha ki jaka bneng,

PHILIPPI 2:10

ba ha kata ka kyrteng U Jisu, ka khohsiew baroh kan ïoh dem khrup, ki jong kiba ha ki bneng bad ki jong kiba ha ka khyndew bad ki jong kiba hapoh ka khyndew keiñ,

1 TIMOTHI 1:16

La kumta ruh, na ka bynta kane nga la ïoh ka jingisynei, ba ha nga uba kongsan, U Jisu Khrist un ïoh pyni shynna ïa ka jingshahslem jong u baroh, ïa ka ban long ka rukom ïa kita ki ban sa ngeit hadien ha u sha ka jingim bymjukut.

HEBRU 1:2

ïa uba u la thung ban long u nongïoh pateng ïa kiei kiei baroh, da u ruh, la thaw ïa ki pyrthei;

1 PETROS 3:22

uba long sha ka kti kamon jong U Blei, haba u la leit sha bneng, haba la pynlong hapoh jong u ïa ki angel, bad ïa kiba don bor, bad ïa ki bor bah.

1 ÏOANNIS 1:2

(bad ïa uta u jingim la pynpaw, bad ngi la ïohi, bad ngi ïaphla, bad ngi ïathuh shai ha phi ïa uta u jingim bymjukut, uba la don bad U Kpa, bad la pynpaw ïa u ha ngi);

1 ÏOANNIS 2:25

Te kane ka long kata ka jingkular ïa kaba u la kular ha ngi, ka jingim bymjukut keiñ.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

JUDAH 1:21

to phin ri noh ïa lade ha ka jingieit U Blei da kaba ap khmih hir hir ïa kata ka jingisynei U Jisu Khrist uba U Trai jong ngi sha ka jingim bymjukut.