ÏOANNIS 16:3 - KA BAIBL

³ Te ïa kine kiei kiei ruh, kin leh ïa phi, naba kim ithuh ïa U Kpa, lymne ïa nga.

Khasi CL Bible (BSI)

³ Ki briew kin leh ïa kine kiei kiei ïa phi namar ba kim pat ithuh ïa U Kpa lymne ïa nga.

ÏOANNIS 16:3 ပူးပေါင်းရင်းမြစ်များ

LOUKAS 10:22

Ïa kiei kiei baroh la ai ha nga na U Kpa jong nga; ym don ruh uba ithuh ïa U Khun u long uei, hynrei, tang U Kpa; bad ïa U Kpa u long uei, hynrei, tang U Khun, bad uta ha uba U Khun u mon ban pynpaw.”

ÏOANNIS 15:21

Hynrei, ïa kine kiei kiei baroh kin leh ïa phi na ka bynta ka kyrteng jong nga, naba kim ithuh ïa uta uba la phah ïa nga.

ÏOANNIS 15:23

Uta uba shun ïa nga, u shun ïa U Kpa jong nga ruh.

ÏOANNIS 17:25

Ko Kpa bahok, kata ka pyrthei kam shym la ithuh ïa me, hynrei, nga, nga la ithuh ïa me, bad kine ki la ïatip ba la phah ma me ïa nga;

ÏOANNIS 17:3

Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

ÏOANNIS 8:19

Ynda kumta, ki la ïakylli ïa u, “Hangno uta U Kpa jong me?” U Jisu u la ïathuh, “Phim ithuh lymne ïa nga lymne ïa uta U Kpa jong nga; lada phi la ithuh ïa nga, phin da la ithuh ïa uta U Kpa jong nga ruh.”

ÏOANNIS 8:55

te pynban, phim shym la ithuh ïa u; hynrei, nga, nga ithuh ïa u; te lada nga ong ba ngam ithuh ïa u, ngan long kum ma phi, uba lamler; hynrei, nga ithuh ïa u, bad nga sumar ïa ka ktien jong u.

KI KAM 3:17

“Hynrei mynta, ko para, nga tip ba na ka jingbymtip phi la leh ïa kata, kumjuh kumba ki nongsynshar jong phi ruh ki la leh.

1 KORINTH 2:8

ïa kaba ym don na kita ki bakhraw batri jong kane ka pyrthei ba la ithuh; namar, lada ki la ithuh, kin ym da la sahnarphna ïa U Trai ka burom.

2 THESSALONI 1:8

ha ka ding ba-meh, u da pynhiar kput ha kita ki bymithuh ïa U Blei, bad ha kita ki bymkohnguh ïa ka gospel ka jong U Trai Jisu jong ngi;

1 TIMOTHI 1:13

la nga la long mynshuwa uba krenbeiñ, bad uba behbeiñ, bad uba pynsniew: hynrei, la leh isynei ïa nga, naba nga la leh da ka jingbymtip ha ka jingbymngeit keiñ,

1 ÏOANNIS 2:23

Uwei pa uwei baroh uba len noh ïa U Khun, um don ruh ïa uta U Kpa: uta uba phla ïa U Khun, u don uta U Kpa ruh.

1 ÏOANNIS 3:1

Ha khmih phi, kaba kumno ka jingieit uta U Kpa u la ai ha ngi, ba la khot ïa ngi “ki khun U Blei”: bad kumta ngi long. Namar kane keiñ, kata ka pyrthei kam ithuh ïa ngi, naba kam shym la ithuh ïa u.

1 ÏOANNIS 4:8

Uta u bymieit um ithuh ïa U Blei, naba U Blei u long ka jingieit.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.