ÏOANNIS 15:4 - KA BAIBL

⁴ To ïaineh ha nga, bad ma nga ha phi. Kumba ka tnat kam lah ban sei soh na lade hi, lymda ka ïaineh ha u dieng soh Waiñ; kumta, ma phi ruh, lymda phi ïaineh ha nga.

Khasi CL Bible (BSI)

⁴ To ïaineh ha nga, bad ngan ïaineh ha phi. Ka tnat kam lah ban seisoh da lade hi; ka lah ban seisoh tang lada ka ïaineh ha u dieng sohwaiñ. Ha kajuh ka rukom, phi ruh phim lah ban seisoh lymda phi ïaineh ha nga.

ÏOANNIS 15:4 ပူးပေါင်းရင်းမြစ်များ

JINGRWAI SOLOMON 8:5

Kaei kane kaba wan kiew na ka ri khlaw, ka da shaniah ha u ba-ieit jong ka? Hapoh u dieng Sohphoh nga la kyrsiew ïa me: hangta ka kmie jong me ka la suhkhun ïa me, hangta ka la suhkhun kata kaba la kha ïa me.

HOSIA 14:8

“U Ephraim un ong, ‘Nga donkam aïu shuh bad ki bleithaw?’ nga la phai ktien, bad ngan khmih ïa u: nga long kum u dieng Kseh bajyrngam; na nga la shem ïa u soh jong me.”

MATHAÏOS 12:33

“Lane phin tharai babha ïa u dieng, bad ïa u soh jong u ruh; lane phin tharai basniew ïa u dieng, bad ïa u soh jong u ruh: naba ïa u dieng yn ithuh na u soh jong u.

LOUKAS 8:15

Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

ÏOANNIS 14:20

Ha kata ka sngi; phi, phin ïoh tip ba nga long ha uta U Kpa jong nga, bad ma phi ha nga, bad ma nga ha phi.

ÏOANNIS 17:23

ma nga ha ki, bad ma me ha nga, ba kin ïalong ïa kiba la ïa-pynjanai ha kaba shitylli; ba kata ka pyrthei te kan ïoh tip ba la phah ma me ïa nga, bad ba me la ieit ïa ki kumjuh kumba me la ieit ïa nga.

ÏOANNIS 6:56

Jar uba bam ïa ka doh jong nga, bad ba dih ïa ka snam jong nga, u ïaisah ha nga, bad nga ha u.

ÏOANNIS 8:31

Namar kata, U Jisu u la ong ha kita ki Jiw kiba la ïangeit ha u, “Lada phi ïaisah ha ka ktien jong nga, phi long ki synran jong nga da shisha;

KI KAM 11:23

uba haba u la poi, bad ba u la ïohi ïa ka jingaiei ka jong U Blei, u la sngewkmen, bad u la kyntu ïa ki baroh, ba da ka jingthmu skhem ka dohnud kin snoh ha U Trai:

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

2 KORINTH 13:5

Ïa lade hi to ïit phi la phi long ne em ha ka jingngeit; ïa lade hi to phrang phi. Hato phim ithuh ïa lade, ba U Jisu Khrist u don ha phi? lymda phi long kiba la kyntait noh.

GALATIA 2:20

La sahnarphna ïa nga lem bad U Khrist: pynban, nga im; hynrei, ym ma nga shuh, hynrei, U Khrist keiñ u im ha nga: bad kata kaba nga im mynta ha ka doh nga im da ka jingngeit keiñ kaba ha U Khun U Blei, uba la ieit ïa nga, bad uba la aiti noh ïa lade na ka bynta jong nga.

EPHESOS 3:17

ba U Khrist un shong da ka jingngeit ha ki dohnud jong phi;

PHILIPPI 1:11

kiba la pyndap da ki soh ka hok, kiba long da U Jisu Khrist, khnang ïa ka burom bad ka jingïaroh ïa U Blei.

KOLOSSAI 1:23

lada shisha phi ïaisah ha ka jingngeit, ïa kiba la pynshong nongrim bad kiba neh skhem, bad ki bymkhih noh na kata ka jingkyrmen ka gospel ïa kaba phi la ïohsngew, ïa kaba la ïalap ha u bynriew baroh uba hapoh ka bneng; ïa kaba la pynlong nongïalap ïa nga u Paul.

KOLOSSAI 1:27

ha kiba U Blei u la imon ban pyntip katno ka long kata ka jingkynrei spah ka burom kane ka jingmaïan hapdeng ki Jentil; kaba long keiñ U Khrist ha phi, ka jingkyrmen ka burom;

KOLOSSAI 2:6

Namar kata, kumba phi la pdiang ïa U Khrist Jisu uba U Trai, kumta, to ïaid ha u;

1 THESSALONI 3:5

Nga ruh na ka bynta kane, haba ngam lah shah shuh, nga la phah ïa ka ban tip ïa ka jingngeit jong phi, ïoh ba kumno kumno uta u nongpynshoi u la pynshoi ïa phi, bad kata ka jingtrei minot jong ngi kan long lehnohei.

HEBRU 10:39

Hynrei, ngi ngim long na kita kiba kynran da dien ïa ka ban jot noh; hynrei, na kita kiba don ka jingngeit ïa ka ban pynim ïa ka mynsiem.

1 ÏOANNIS 2:6

Uta uba ong ba u ïaisah ha u, u la dei ban ïaid hi kumta kat kumba u la ïaid ma u.

2 ÏOANNIS 1:9

Uwei pa uwei baroh uba ïalam phrang bad u bymïaineh ha ka jinghikai U Khrist, um don U Blei; uta uba ïaineh ha kata ka jinghikai, uta keiñ, u don U Kpa ruh bad U Khun.