ÏOANNIS 15:1 - KA BAIBL

¹ “Ma nga, nga long u dieng soh Waiñ uba shisha, bad U Kpa jong nga u long u nongsumar brisoh.

Khasi CL Bible (BSI)

¹ “Nga, nga long u dieng sohwaiñ bashisha, bad U Kpa jong nga u long u nongsumar brisoh.

ÏOANNIS 15:1 ပူးပေါင်းရင်းမြစ်များ

JINGRWAI SOLOMON 7:12

Ïa ngin ïakhie dang step sha ki brisoh; ngin ïakhmih lada u dieng Waiñ u la mih shylluit, u syntiew jong u, u la phuh bha ne em, bad la u dieng Pomgranet u la phuh syntiew: hangta ngan ai ha me ïa ka jingieit jong nga.

ISAÏAH 4:2

Ha kata ka sngi, u tnat U Trai un long uba i bha, bad ba-donburom, bad u soh ka ri u babha eh bad ba-itynnad ïa kita kiba la ïohlait im ha Israel.

ISAÏAH 60:21

Ki briew jong pha ruh kin long ki bahok baroh; kin ïoh kynti ïa ka ri junom, ka tnat ka jingthung jong nga, ka kam ki kti jong nga, ba yn pyndonburom ïa nga.

ISAÏAH 61:3

ban buh ha ki basngewsih ha Seïon, ban ai ha ki kaba sien syntiew ha ka jaka ki dpei, ka umphniang ka jingkmen ha ka jaka ka jingsngewsih, ka jaiñkup ka jingïaroh ha ka jaka ka mynsiem kaba khia; ba yn khot ïa ki, “ki dieng ka hok,” “u jingthung U Trai,” ba yn pyndonburom ïa U.

JEREMAÏAH 12:10

Bun ki nongsharai ki la pynjot ïa ka bri Waiñ jong nga, ki la ïuh kjat ïa ka bynta jong nga, ki la pynlong khlaw kaba kynjah ïa ka bynta kaba itynnad jong nga.

JEREMAÏAH 2:21

Hynrei, nga la lah thung ïa me u dieng Waiñ u babha, u symbai u bahok suda: hato kumno me la kylla long ha nga u jingthung u basniew jong u dieng Waiñ u bapher?

ESEKIEL 19:10

“Ka kmie jong me ka long kum u dieng Waiñ ha ka brisoh Waiñ jong me, ïa uba la thung harud ki um: ka la long kaba sei soh bad ka bakhah tnat namar kita ki um kiba bun.

HOSIA 10:1

“U Israel u long u dieng Waiñ uba dap, uba ju sei ïa la u soh: katba kum ka jingbun u soh jong u, u la pynroi ïa la ki duwan; katba kum ka jingbha ka ri jong u ki la pynlong ki mawblei kiba itynnad.

SEKHARAÏAH 3:8

To sngap te, ko Joshua u rangbah lyngdoh, ma me bad la ki lok kiba shong ha khmat jong me; naba ki long ki briew kiba long ka dak: naba ha khmih, ngan pynmih noh ïa u shakri jong nga “u Tnat.”

MATHAÏOS 15:13

Hynrei, u la ïathuh bad u la ong, “Ïa ki jingthung baroh kiba U Kpa jong nga uba ha bneng um shym la thung, yn rat noh keiñ.

MATHAÏOS 20:1

“Naba ka hima ki bneng ka long kum u briew uba u trai ïing, uba la leit la dang step ban wer ki nongtrei sha ka brisoh jong u.

MATHAÏOS 21:33

“Ha sngew ïa kawei pat ka pharshi: La don u briew uba u trai ïing, uba la thung ka brisoh, bad u la ker ïa ka baroh sawdong, bad u la tih ïa ka jaka tylliat Waiñ ha ka, bad u la tei ka ïing phira, bad u la ai wai ïa ka ha ki nongsumar bri, bad u la leit noh sha kawei pat ka ri.

MARKOS 12:1

Bad u la sdang ban kren ïa ki ha ki pharshi. “U briew u la thung ka brisoh, bad u la ker baroh sawdong, bad u la tih jaka tylliat soh Waiñ bad u la tei ïa ka ïing phira, bad u la ai wai ïa ka ha ki nongsumar bri, bad u la leit noh ruh sha kawei pat ka ri.

LOUKAS 13:6

U la kren ïa kane ka pharshi: “Uwei u briew u la don u dieng Dumbur ïa uba u la thung ha ka brisoh jong u; bad u la wan wad soh ha u, te um shem ei ei.

ÏOANNIS 1:17

Naba ïa Ka Hukum la ai da u Moses; hynrei, ka jingaiei bad ka jingshisha ki la wan da U Jisu Khrist.

ÏOANNIS 1:9

Uta, u la long U Jingshai U bashisha, u ban sa wan ha ka pyrthei, uba pynshai ïa ki briew baroh.

ÏOANNIS 15:2

Ka tnat baroh ba ha nga ka bymsei soh u ngor noh; bad ka tnat baroh kaba sei soh, u khyllad ïa ka, ba kan ïoh sei soh kham bun.

ÏOANNIS 6:32

Ynda kumta, U Jisu u la ong ha ki, “Shisha, shisha nga ong ha phi, Ym dei u Moses uba la ai ha phi ïa uta u kpu na bneng; hynrei, U Kpa jong nga u ai ha phi ïa uta u kpu uba shisha na bneng:

ÏOANNIS 6:55

Naba ka doh jong nga, ka long da shisha ka jingbam, bad ka snam jong nga, ka long da shisha ka jingdih.

Ka Shithi U Paul Sha Ki Nong Rom 11:17

Hynrei, lada la pynkheiñ noh ïa kiba na kita ki tnat, bad la pynïadait ïa me uba long u tnat Olib khlaw hapdeng jong ki, bad la pynlong ïa me u nongïaïoh lem na u tynrai bad na ka khleiñ ka jong uta u dieng Olib;

1 KORINTH 3:9

Namar ngi ïalong kiba ïatrei lem bad U Blei; phi ïalong ka lyngkha U Blei, bad ka jingtei U Blei.

1 ÏOANNIS 2:8

Pat, ïa ka hukum bathymmai nga thoh ha phi, kaba long kaba shisha ha u bad ha phi; naba kata ka jingdum ka ïaid jah noh, bad kata ka jingshai kaba shisha ka la tyngshaiñ hi mynta.