ÏOANNIS 14:9 - KA BAIBL

⁹ U Jisu u ïathuh ha u, “Nga la long slem katta katta bad phi, bad mem pat la ithuh ïa nga, ko Philip? jar uba la ïohi ïa nga, u la ïohi ïa uta U Kpa; kumno ba me ong ma me te, ‘To pyni ïa uta U Kpa ha ngi?’

Khasi CL Bible (BSI)

⁹ U Jisu u la jubab, “Naba la slem nga la don bad phi baroh; pynban mem ithuh ïa nga, ko Philip? Uno uno uba la ïohi ïa nga u la ïohi ïa U Kpa. Balei, te, me ong, ‘To pyn-i ha ngi ïa U Kpa?’

ÏOANNIS 14:9 ပူးပေါင်းရင်းမြစ်များ

JENESIS 26:9

Te u Abimelekh u la khot ïa u Isaak, bad u la ong, “Ha khmih, shisha ka long ka tnga jong me: hato kumno te me la ong, ‘Ka long ka para jong nga?’ ” Te u Isaak u la ïathuh ha u, “Namar nga la ong ha lade, ‘Ba ïoh nga ïap namar jong ka.’ ”

SALM 11:1

Ha U Trai nga shaniah: kumno phi ong ha ka mynsiem jong nga, “To her noh kum u sim sha u lum jong phi?

JEREMAÏAH 2:23

“Kumno me lah ban ong, ‘Ym shym pyntngit ïa nga, ngam shym leit bud ïa ki Baal?’ To khmih ïa la ka lynti ha ka them, to tip kaei ba me la leh: me long ka dromedari kaba stet kaba pom pyngkiang ïa la ki lynti;

MARKOS 9:19

Te U ïathuh bad U ong ha ki, “A phi ka pateng bynriew bymngeit, sa katno ngan long bad phi? Sa katno ngan shah ïa phi? To wallam ïa u ha nga.”

LOUKAS 12:56

A phi kiba arsap, phi tip ban bishar thuh ïa ka khmat jong ka khyndew bad jong ka bneng; hynrei, kumno ba phim nang ban bishar ïa kane ka aïom?

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 10:30

Ma nga bad uta U Kpa ngi ïalong shitylli.”

ÏOANNIS 12:45

Bad uta uba ïoh khmih ïa nga, u ïoh khmih keiñ, ïa uta uba la phah ïa nga.

ÏOANNIS 14:20

Ha kata ka sngi; phi, phin ïoh tip ba nga long ha uta U Kpa jong nga, bad ma phi ha nga, bad ma nga ha phi.

ÏOANNIS 14:7

Lada phi la lah ithuh ïa nga, phin da ithuh ïa U Kpa jong nga ruh: hynrei, naduh mynta phi ithuh ïa u, bad phi la ïohi ïa u.”

ÏOANNIS 8:19

Ynda kumta, ki la ïakylli ïa u, “Hangno uta U Kpa jong me?” U Jisu u la ïathuh, “Phim ithuh lymne ïa nga lymne ïa uta U Kpa jong nga; lada phi la ithuh ïa nga, phin da la ithuh ïa uta U Kpa jong nga ruh.”

1 KORINTH 15:12

Hynrei, lada ïalap ïa U Khrist ba la pynmih pat ïa u na ki baïap, hato kumno ba kiba hapdeng jong phi ki ïa-ong, ba ym don ka jingmihpat ki baïap?

PHILIPPI 2:6

uba haba u long ha ka dur U Blei, um shym la ñiew eh ïa ka ban bat ban long marryngkat bad U Blei,

KOLOSSAI 1:15

Uba long ka dur U Blei u bym lah ïohi, uba la kha nyngkong na ka jingthaw baroh;

HEBRU 1:3

uba haba u long ka jingtyngshaiñ ka burom jong u, bad ka dur hi ka jinglong tynrai jong u, bad uba kyrshan ïa kiei kiei baroh da ka ktien ka bor jong u, haba u la lah pynlong ka jingpynkhuid ïa ki pop, u la shong ha ka kti kamon jong U Bakhraw Tam sha jrong;

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.