ÏOANNIS 14:2 - KA BAIBL

² Ha ka ïing U Kpa jong nga don bun ki pulit shongneh; lymda kumta, nga la ïathuh ha phi; naba ngan sa leit noh ban khreh ka jaka ïa phi.

Khasi CL Bible (BSI)

² Don shibun ki kamra ha ka ïing U Kpa jong nga, bad ngan leit ban pynkhreh ka jaka ïa phi. Ngan ym jin da la ïathuh ïa phi lada kam long kumta.

ÏOANNIS 14:2 ပူးပေါင်းရင်းမြစ်များ

LOUKAS 14:22

Uta u shakri te u la ong, ‘Ko Kynrad, la leh kumba me la hukum: hynrei, dang don jaka.’

ÏOANNIS 13:33

Ko ki khun hep, shibit ar bit nga dang don lem bad phi; phin ïawad ïa nga: kumba nga la ong ruh ha kita ki Jiw, kumta nga ong mynta ha phi, ‘Sha kaba ngan sa leit ma nga, phi phim lah ban ïawan.’

ÏOANNIS 13:36

U Simon Petros u ong ha U, “Ko Trai, shano men sa leit?” U Jisu u la ïathuh ha u, “Sha kaba ngan sa leit, mem lah bud ïa nga mynta; hynrei, hadien men ïoh bud ïa nga.”

ÏOANNIS 14:28

Phi la ïohsngew kumno nga la ong ha phi, ‘Ngan sa leit noh, bad ngan wan pat ha phi.’ Lada phi la ieit ïa nga, phin da kmen namar ba nga la ong, ‘Ngan sa leit noh sha uta U Kpa’: namar uta U Kpa u long uba kham khraw ïa nga.

ÏOANNIS 16:4

Hynrei, ïa kine kiei kiei ruh, nga la ïathuh ha phi, ba ynda la jia kata ka por, phin ïoh kynmaw ïa ki, ba nga, nga la ïathuh ha phi: “Ïa kine kiei kiei ruh te, ngam shym la ong ha phi ha kaba mynnyngkong, naba nga la ju don lem bad phi.

ÏOANNIS 17:24

Ko Kpa, ïa kita kiba me la ai ha nga, nga kwah ba ha kaba nga don ma nga ba kita ruh kin ïadon ryngkat bad nga; ba kin ïoh khmih ïa kata ka burom jong nga kaba me la ai ha nga: naba me la ieit ïa nga mynshuwa kaba pynshong nongrim ïa ka pyrthei.

KI KAM 9:16

namar ngan pyni ha u kaba katno bun kiei kiei ba u dei ban shah na ka bynta ka kyrteng jong nga.”

2 KORINTH 5:1

Namar ngi tip skhem ba lada yn lied noh ïa ka ïing jong ngi kaba ha ka khyndew, kane ka ïingtrep keiñ, ngi don ka jingtei na U Blei, ka ïing ba la thaw bym da ki kti, ka bymjukut ha ki bneng.

1 THESSALONI 5:9

Naba U Blei u la buh ïa ngi ym ïa ka jingbitar, hynrei, ïa ka ban ïoh ïa ka jingpynim da U Jisu Khrist uba U Trai jong ngi,

TITOS 1:2

ha ka jingkyrmen ïa ka jingim bymjukut, ïa kaba U Blei, u bym lah ban lamler, u la lah kular mynshuwa ki por bymjukut;

HEBRU 11:10

namar u la ju khmih lynti ïa kata ka nongbah kaba don ki nongrim, kaba u nongtei bad u nongthaw jong ka, long U Blei.

HEBRU 13:14

Namar ngim don hangne ka nongbah kaba ïaineh, hynrei, ngi ïawad ïa kata ka ban sa wan.

HEBRU 6:20

sha kaba kum u nongbuhai na ka bynta jong ngi, U Jisu u la leit rung, haba u la jia long U Rangbah lyngdoh bymjukut ha kata ka rukom u Melkhisedek.

HEBRU 9:8

U Mynsiem Bakhuid u da pyni ïa kane, ba ym pat pynpaw ïa ka lynti sha kata ka Bakyntang tam, katba kata Ka Tabernakl ka banyngkong ka dang ïeng;

JINGPYNPAW 1:5

bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

JINGPYNPAW 21:2

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.

JINGPYNPAW 3:12

Uta uba jop, ngan pynlong u rijied ïa u ha ka ïing U Blei jong nga, te un ym mih noh shuh shabar: bad ngan thoh halor jong u ïa ka kyrteng U Blei jong nga, bad ïa ka kyrteng jong kata ka nongbah U Blei jong nga, ka Jerusalem bathymmai, kaba wan hiar na bneng na U Blei jong nga, bad ïa kata ka kyrteng jong nga ka bathymmai.

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.