ÏOANNIS 13:5 - KA BAIBL

⁵ Hadien kata, U la theh um ha ka dabor, bad U la sdang ban sait ïa ki kjat ki jong ki synran, bad ban ñiad ïa ki da kata ka jaiñ ñiad da kaba U la panpoh ïa lade.

Khasi CL Bible (BSI)

⁵ Nangta u la theh khyndiat ka um ha ka dabor bad u la sdang ban sait ïa ki kjat jong ki synran bad ñiad pynrkhiang ïa ki da kata ka jaiñ ñiad ba la teh ha la ka syngkai.

ÏOANNIS 13:5 ပူးပေါင်းရင်းမြစ်များ

JENESIS 18:4

to shah ba yn wanlam khyndiat ka um, nga kyrpad ïa phi, bad to da sait ïa la ki sla'jat, bad to da shongthait ruh hapoh une u dieng:

JENESIS 19:2

bad u la ong, “Ha khmih mynta, ko ki kynrad jong nga, to phai noh, nga kyrpad ïa phi, sha ka ïing u shakri jong phi, bad to da sah miet, bad to phin sait ïa la ki sla'jat, ynda kumta, phin ïoh khie dang step, bad ban nang leit noh ha ka jingleit jong phi.” Ki te ki la ïathuh, “Em, namar ba ngin sah ha ka lynti baroh shi miet.”

JENESIS 43:24

Bad uta u briew u la ïalam ïa kita ki briew shapoh ïing u Joseph, bad u la ai um ha ki, bad ki la sait ïa la ki sla'jat; bad u la ai jingbam ïa ki kadda jong ki.

2 SYIEM 3:11

Hynrei, u Jehoshaphat u la ong, “Ym don hangne u nongïathuhlypa jong U Trai, ba ngi lah ban ïakylli ha U Trai da u?” Bad uwei na ki shakri u syiem ki Israel u la ïathuh bad u la ong, “U Elisha u khun u Shaphat u don hangne, uba ju theh um ha ki kti u Elijah.”

SALM 51:2

To sait khuid ïa nga na ki jingleh bymhok jong nga, bad to pynkhuid ïa nga na ka pop jong nga.

EKSODOS 29:4

To ïalam ruh ïa u Aaron bad ïa ki khun shynrang jong u ha ka jingkhang Ka Tabernakl ka jingïaseng, bad to men sait ïa ki da ka um.

ISAÏAH 1:16

To sait phi, pynkhuid ïa lade; bred noh ka jingsniew ki kam jong phi na khmat jong nga; iehnoh ïa kaba leh sniew:

ESEKIEL 36:25

Bad ngan synreit ïa phi da ka um khuid, te phin long khuid: na ka jakhlia jong phi baroh, bad na ki bleithaw jong phi baroh, ngan pynkhuid ïa phi.

LEBITIKOS 14:8

Bad uta ïa uba yn pynkhuid un sait ïa la ki jaiñ, bad un khi ïa la u shñiuh baroh, bad un sum ïa lade ha ka um, ba un long khuid: hadien kata, un wan sha ka jaka shong dara, bad un shong shabar la ka ïingtrep, hynñiew sngi.

SEKHARAÏAH 13:1

“Ha kata ka sngi, kan long ka pukri um ba la tih ïa ka ïing u Dabid bad ïa ki nong Jerusalem, ïa ka pop bad ka jingbymkhuid.

LOUKAS 7:38

haba ka la ïeng ruh hajan ki kjat jong U na shadien, ka da ïam, ka la sdang ban sait ïa ki kjat jong U da la ki jingjaw ummat, bad ka la ñiad da u 'ñiuh khlieh jong ka; bad ka la doh ïa ki kjat jong U, bad ka la pynsleh ïa ki da kata ka jingsleh.

LOUKAS 7:44

Bad haba U la phai sha kata ka briew, U la ong ha u Simon, “Me ïohi ne em ïa kane ka briew? nga la rung hapoh ka ïing jong me, te mem shym la ai um ïa ki kjat jong nga, hynrei, kane, ka la sait ïa ki kjat jong nga da ki jingjaw ummat jong ka, bad ka la ñiad da u 'ñiuh khlieh jong ka:

ÏOANNIS 13:10

U Jisu u ïathuh ha u, “Uta ïa uba la pynsum um donkam, hynrei, tang ban sait ïa la ki kjat, te u long khuid baroh phar; kumta, phi ruh, phi long ki bakhuid, hynrei, ym baroh.”

ÏOANNIS 13:6

Ynda kumta, U wan ha u Simon Petros; u te u ong ha U, “Ko Trai, me, me sait ïa ki kjat jong nga?”

ÏOANNIS 13:8

U Petros u ong ha U, “Men ym ïoh sait ïa ki kjat jong nga lano lano ruh.” U Jisu u ïathuh ha u, “Lada ngan ym ïoh sait ïa me, mem ïoh bynta satia lem bad nga.”

ÏOANNIS 19:34

la kumta ruh, uwei na kita ki shipai u la sum ïa ka krung jong u da u sum, te kumne kumne ruh la mih noh ka snam bad ka um.

KI KAM 22:16

Mynta te, balei me pyntud? To ïeng, to shah ba yn pynbaptis ïa me bad sait noh ïa ki pop jong me, da kaba khot kyrpad ïa ka kyrteng jong u.’

1 KORINTH 6:11

Bad don na phi kiba la ju long kum kita: hynrei, la sait ïa phi, hynrei, la pynkhuid ïa phi, hynrei, la pynksan ïa phi ha ka kyrteng U Jisu Khrist uba U Trai bad da U Mynsiem U Blei jong ngi.

EPHESOS 5:26

ba un ïoh pynkhuid ïa ka, haba u la sait ïa ka da ka jingsait ka um da ka ktien;

1 TIMOTHI 5:10

ïa kaba la phla babha shaphang ki jingleh babha; lada ka la ri khun, lada ka la khot basa ïa ki nongwei, lada ka la sait ïa ki kjat ki riewkhuid, lada ka la ïarap ïa kiba shipa, lada ka la ïaibeh biang ïa ka jingleh babha baroh.

HEBRU 10:22

to ngin ïawan hajan da ka dohnud bashisha ha ka jingsngewskhem bha ka jingngeit, ba la synreit ïa ki dohnud jong ngi na ka jingïatiplem basniew, bad ba la sait ïa ki met jong ngi da ka um bakhuid:

1 ÏOANNIS 1:7

hynrei, lada ngi ïaid ha kata ka jingshai kumba u long ma u ha kata ka jingshai, ngi don ka jingïasyllok lem paralok hi, bad ka snam U Jisu U Khun jong u ka pynkhuid ïa ngi na ka pop baroh.

1 ÏOANNIS 5:6

Une u long uta uba la wan da ka um bad ka snam, U Jisu Khrist keiñ; ym tang ha kata ka um, hynrei, ha kata ka um bad ha kata ka snam.

JINGPYNPAW 1:5

bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.

NONGBISHAR 19:21

Kumta, u la wallam ïa u sha la ïing, bad u la ai jingbam ha kita ki kadda: bad ki la sum ïa la ki kjat, bad ki la bam ki la dih.

1 SAMUEL 25:41

Te ka la ïeng, bad ka la dem ngon haduh khyndew, bad ka la ong, “Ha khmih, ka shakri jong me kan long ka shakri ïa ka ban sait ïa ki sla'jat ki shakri u kynrad jong nga.”