ÏOANNIS 11:53 - KA BAIBL

⁵³ Namar kata, naduh kata ka sngi ki la ïasylla lang, ba kin ïoh pynïap noh ïa u.

Khasi CL Bible (BSI)

⁵³ Naduh kata ka sngi hi ki nongsynshar jong ki Jiw ki la ïasylla ïa ka ban pynïap ïa U Jisu.

ÏOANNIS 11:53 ပူးပေါင်းရင်းမြစ်များ

JENESIS 37:18

Bad ki la ïohi ïa u na jngai; te haba um pat poi hajan jong ki, ki la ïasylla lem ban pynïap noh ïa u.

NEHEMAÏAH 13:21

Te nga la kren pyrshah ïa ki, bad nga la ong ha ki, “Balei phi shong basa sawdong ka kynroh? Lada phin leh kumne shuh, ngan kem ïa phi.” Naduh kata ka por, kim shym la wan shuh ha ka sngi Sabbaton.

NEHEMAÏAH 4:16

Bad naduh kata ka por, marshiteng ki shakri jong nga ki la trei ha kata ka kam, bad marshiteng ki la bat ïa ki sum, ïa ki stieh, bad ïa ki ryntieh, bad ïa ki jingphong nar; bad ki nongsynshar ki la don shadien ka ïing Judah baroh.

SALM 113:2

Long ba la kyrkhu ïa ka kyrteng U Trai naduh mynta bad ha la ka rta.

SALM 2:2

Ki syiem ka pyrthei ki ïaïeng, bad ki nongsynshar ki ïasylla lang pyrshah ïa U Trai, bad pyrshah ïa uba la sleh jong u, ki ïa-ong,

SALM 31:13

Naba nga la ïohsngew ïa ka jingpynbudnam jong kiba bun, ka jingsngewshyrkhei baroh sawdong: mynba ki la ïasylla lang pyrshah ïa nga, ki la thaw buit ban shim noh ïa ka jingim jong nga.

SALM 71:10

Naba ki nongshun jong nga ki ïakren shaphang jong nga; bad kita kiba ap ban ïoh ïa ka mynsiem jong nga ki ïasylla lang.

JEREMAÏAH 38:15

Te u Jeremaïah u la ong ha u Sedekaïah, “Lada nga pynpaw ïa ka ha me, hato men ym pynïap noh ïa nga? Bad lada nga ïa-ai buit ïa me, men ym sngap satia ïa nga.”

JEREMAÏAH 38:4

Ynda kumta, ki rangbah ki la ong ha u syiem, “To pynïap noh ïa une u briew, ngi kyrpad ïa me; namar u pyntlot ïa ki kti jong ki riewïapom kiba sah hapoh kane ka shnong, bad ïa ki kti jong u paidlang baroh, ha kaba u kren kum kita ki ktien ha ki: naba une u briew um wad ïa ka jingbha jong une u paidlang, hynrei, ïa ka jingsniew keiñ.”

MATHAÏOS 12:14

Te haba kita ki Pharisi ki la leit noh, ki la ïasylla pyrshah ïa U, kumno ba kin ïoh pynïap noh ïa U.

MATHAÏOS 16:21

Naduh kata, U Jisu u la sdang ban pyni ha ki synran jong u, ba ka dei ïa u ban leit noh sha Jerusalem, ban shah ruh shibun kiei kiei na ki tymmen basan bad na ki rangbah lyngdoh bad na ki nongthoh de, bad ba yn pynïap ruh ïa u, bad ba yn pynmih pat ïa u ha ka balai ka sngi.

MATHAÏOS 22:46

Ym don te uba lah ban ïathuh shikyntien ïa U, lymne ym don uba shlan kylli shuh ïa U naduh kata ka sngi.

MATHAÏOS 26:4

te ki la ïasylla ba kin ïoh kem tuh ïa U Jisu, ba kin ïoh pynïap noh.

MATHAÏOS 26:59

Ki rangbah lyngdoh te bad ki tymmen basan bad ka dorbar baroh ruh, ki la ïawad ïa ka sakhi lamler pyrshah ïa U Jisu, ba kin ïoh pynïap ïa U;

MARKOS 14:1

Ynda la ar sngi te la long Ka Niam Ka Jinglait, bad Ki Kpu Khlem Thiat; ki rangbah lyngdoh bad ki nongthoh te ki la wad dong kumno kin ïoh kem tuh ïa u, ba kin pynïap ruh.

MARKOS 3:6

Haba ki Pharisi te ki la leit noh, kumne kumne ruh, ki la ïasylla bad ki nongbud u Herod pyrshah ïa U, kumno ba kin ïoh pynïap noh ïa U.

ÏOANNIS 11:47

Ynda kumta, ki rangbah lyngdoh bad kita ki Pharisi, ki la ïalang dorbar, bad ki la ïa-ong, “Ngi leh aïu? naba une u briew u leh shibun ki dak khyllah;

ÏOANNIS 12:10

Hynrei, kita ki rangbah lyngdoh ki la ïasylla, ba kin ïoh ïa-pynïap noh ïa uta u Lasaros ruh,

ÏOANNIS 7:1

Te hadien kine kiei kiei ruh, U Jisu u la ïaid kylleng ha Galilaïa: namar um mon ban ïaid ha Judia, naba ki Jiw ki la ïawad ban pynïap noh ïa u.

KI KAM 5:33

Hynrei, haba ki la ïohsngew ïa kane, ki la bitar eh lep, bad ki la thmu ban pynïap noh ïa ki.

KI KAM 9:23

Te haba la dap bun sngi, ki Jiw ki la ïasylla lang ban pynïap noh ïa u;