ÏOANNIS 11:52 - KA BAIBL

⁵² bad ym tang na ka bynta kata ka kynja bynriew hi, hynrei, ba un ïoh ïalum lang ruh ha kawei, ïa kita ki khun U Blei kiba la sakma.

ÏOANNIS 11:52 ပူးပေါင်းရင်းမြစ်များ

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 22:15

Ka bor jong nga ka la rkhiang kum u tyrwiang khiew; bad u thylliej jong nga u la dambit ha ki shyieng ngab jong nga; bad me la lam ïa nga sha ka 'dewmet ka jingïap.

SALM 22:27

Baroh ki bakut ka pyrthei kin kynmaw bad kin phai sha U Trai: bad ki kynja ki jaid bynriew baroh kin mane dem ha khmat jong me.

SALM 72:19

bad to long ba la kyrkhu ïa ka kyrteng ba-donburom jong u junom; bad to ai ban pyndap ïa ka khyndew baroh da ka burom jong u. Amen, bad Amen.

ISAÏAH 49:18

To khmied la ki khmat baroh sawdong, to khmih ruh: kine baroh ki ïalum lang, bad ki wan ha pha. Katba nga im, ong U Trai, shisha phan deng ïa lade da kine baroh kum da ka jingdeng, bad phan panpoh ïa lade da ki kum ka nongleit-kurim.

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

ISAÏAH 55:5

Ha khmih, men khot ka jaid bynriew ba mem ithuh, bad ka jaid bynriew ka bym shym la ithuh ïa me kan phet sha me, namar U Trai U Blei jong me, bad namar uta U Bakhuid jong ki Israel; naba u la pyndonburom ïa me.

ISAÏAH 56:8

U Trai U Blei uba ïalum ïa kiba la kyntait jong ki Israel u ong, “Ngan ïalum ïa kiwei pat ha u nalor kiba la lah ïalum jong u.”

ISAÏAH 60:4

To khmied ïa la ki khmat baroh sawdong, to khmih ruh: ki ïalum lang baroh, ki wan sha pha: ki khun shynrang jong pha kin sa wan na sha jngai, bad yn kynthup ïa ki khun kynthei jong pha ha ki ksang'ti.

ESEKIEL 34:12

Kumba u nongaplangbrot u wad ïa ka kynhun jong u mynsngi haba u don hapdeng ki langbrot jong u kiba la sakma kylleng sawdong, kumta nga ruh ngan wad ïa ki langbrot jong nga; bad ngan pyllait noh ïa ki na ki jaka baroh sha kiba ki la sakma ha ka sngi ki lyoh bad ka jingdum barben.

HOSIA 1:10

Pynban, ka jingkheiñ ki khun Israel kan long kum u shyiap ka duriaw, u bym lah ban thew lymne ñiew; kan long ruh, ba ha ka jaka ha kaba la ong ha ki, “Phi phim long u paidlang jong nga”, yn ong ha ki, “Phi long ki khun shynrang U Blei u ba-im”.

LOUKAS 15:8

“Lane kano ka briew kaba don shiphew suka, lada ka la jah noh shi suka, kan ym thang ïa ka sharak, bad sar ïa ka ïing, bad wad biang biang ruh ha ban da shem ïa ka?

LOUKAS 2:32

ka jingshai ïa ka ban pynshai ïa ki Jentil, bad ka burom u Israel u paidlang jong me.”

ÏOANNIS 1:12

Hynrei, kat kiba la pdiang ïa u, ha kito, u la ai bor ban long ki khun U Blei, kata, ha kita kiba ngeit ha ka kyrteng jong u:

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 10:16

Nga don kiwei pat ki langbrot ruh, ki bymlong na kane ka jingker; ïa kita ruh ka dei ïa nga ban wallam, bad kin sngap ïa ka ktien ka jong nga; te kin ïalong shi kynhun, bad uwei u nongaplangbrot.

ÏOANNIS 12:32

Nga te, ynda la kyntiew ïa nga na ka khyndew, ngan pynwan ïa ki briew baroh ha lade.”

KI KAM 18:10

naba nga long ryngkat bad me, bad ym don u briew u ban ïaleh ïa me ïa ka ban pynsniew ïa me; naba nga don bun briew ha kane ka nongbah.”

Ka Shithi U Paul Sha Ki Nong Rom 3:29

Lane U Blei u long tang u jong ki Jiw hi? Um long u jong ki Jentil ruh? Ho-oid keiñ, u jong ki Jentil ruh:

Ka Shithi U Paul Sha Ki Nong Rom 4:17

(kat kumba la thoh: “Nga la pynlong ïa me u kpa kiba bun ki jaid bynriew,”) ha khmat uta U Blei ha uba u la ngeit, uba pynim ïa kiba la ïap, bad uba khot ïa kita kiei kiei ruh ki bymlong, kumba ki da long.

EPHESOS 1:5

haba u la lah thung lypa ïa ngi sha ka jingtingkhun da U Jisu Khrist sha lade hi, katba kum ka jingsngewbha ka mon jong u,

EPHESOS 3:11

katba kum ka jingthmu bymjukut, ïa kaba u la thmu ha U Khrist Jisu uba U Trai jong ngi:

JAKOB 1:1

U Jakob, u shakri U Blei bad U Jisu Khrist uba U Trai, Sha kita ki khat-ar jaid kiba ha kata ka jingpynwir noh: U phah khublei.

1 PETROS 1:1

U Petros, u apostol U Jisu Khrist, Ha ki sohshnong jong ka Jingpynwir ha Pontos, Galatia, Kappadokia, Asia, bad Bithynia, kiba la jied,

1 ÏOANNIS 2:2

bad ma u hi ruh, u long ka kuna na ka bynta ki pop jong ngi, bad ym tang na ka bynta kita ki jong ngi hi, hynrei, na ka bynta ki jong ka pyrthei baroh ruh.

1 ÏOANNIS 3:1

Ha khmih phi, kaba kumno ka jingieit uta U Kpa u la ai ha ngi, ba la khot ïa ngi “ki khun U Blei”: bad kumta ngi long. Namar kane keiñ, kata ka pyrthei kam ithuh ïa ngi, naba kam shym la ithuh ïa u.

1 ÏOANNIS 3:10

Ha kane keiñ, ki la paw kita ki khun U Blei, bad kita ki khun u Soitan. Uwei pa uwei baroh u bym ju leh ïa ka hok um long na U Blei, lymne uta u bymieit ïa la u para.

1 ÏOANNIS 3:2

Ko hep ba-ieit, mynta ngi long ki khun U Blei, bad ym pat la pynpaw ïa kaei ba ngin sa long; hynrei, ngi tip ba, ynda la pynpaw ïa u, ngin long kiba kum ma u; naba ngin ïohi ïa u kumba u long hi.

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;